اگر آپ کے iPhone یا iPad کی بیٹری بہت تیزی سے ختم ہو رہی ہے
"بیٹری لائف" سے مراد وہ وقت ہے جب تک آپ کی ڈیوائس دوبارہ چارج کیے بغیر کام کرتی ہے۔ بیٹری لائف کئی عوامل پر منحصر ہے، مثلاً آپ اپنی ڈیوائس کا کتنا استعمال کرتے/کرتی ہیں اور کون سی ایپس چلاتے/چلاتی ہیں۔ اگر آپ کو محسوس ہوتا ہے کہ آپ کی بیٹری بہت تیزی سے ختم ہو رہی ہے، تو جانیں کہ کیا کرنا چاہیے۔
شروع کرنے سے پہلے
اس بات کو یقینی بنائیں کہ آپ کے پاس iOS یا iPadOS کا جدید ترین ورژن موجود ہے۔. روزانہ استعمال' کا چارٹ دیکھنے اور 'اڈیپٹیو پاور' استعمال کرنے کے لیے آپ کے پاس iOS 26 یا اس کے بعد کا، یا iPadOS 26 یا اس کے بعد کا ورژن ہونا ضروری ہے۔
بیٹری سے متعلق تجاویز اور اہم تفصیلات (انسائٹ) چیک کرنا
iOS اور iPadOS آپ کو بیٹری سے متعلق تجاویز اور انسائٹ کے ذریعے بیٹری لائف بڑھانے کے طریقے تجویز کر سکتے ہیں۔
سیٹنگ' کھولیں اور 'بیٹری' پر ٹیپ کریں۔
اگر کوئی تجاویز یا انسائٹ موجود ہیں، تو وہ آپ کو 'روزانہ استعمال' کے بالکل اوپر مل جائیں گی۔
تجاویز کے متعلق مزید معلومات حاصل کریں
آپ کو ذیل میں دی گئی تجاویز موصول ہو سکتی ہیں:
آٹو برائٹنیس' کو آن کریں: آٹو برائٹنیس فی الحال آف ہے۔ بیٹری لائف کو بہتر بنانے کے لیے،آٹو برائٹنیس کو آن کریں۔۔
آٹو لاک کو فعال کریں: آٹو لاک آف ہے، اور آپ کی ڈیوائس اکثر غیر فعال رہتی ہے۔ بیٹری لائف کو بہتر بنانے کی غرض سے، آٹو لاک کو فعال کریں.
بہت تیز چمک: اسکرین کی تیز روشنی بہت زیادہ بیٹری خرچ کرتی ہے، اور آپ کی برائٹنس تجویز کردہ حد سے زیادہ سیٹ کی گئی ہے۔ بیٹری کی زندگی کو بہتر بنانے کے لیے، برائٹنیس کم کریں.
انسائٹ کے بارے میں مزید جانیں
iOS 18 اور بعد کے ورژنز، اور iPadOS 18 اور بعد کے ورژنز میں، انسائٹ آپ کو بیک گراؤنڈ میں ہونے والی ان سرگرمیوں سے آگاہ کرتی ہیں جو کچھ دیر کے لیے بیٹری لائف اور تھرمل کارکردگی پر اثر انداز ہو سکتی ہیں۔ جب یہ سرگرمی مکمل ہو جائے گی، تو بیٹری لائف دوبارہ معمول پر آ جائے گی۔ آپ کو ذیل میں دی گئی انسائٹ میں سے کوئی ایک نظر آ سکتی ہے:
جاری iOS اپ ڈیٹ: ایک حالیہ سافٹ ویئر اپ ڈیٹ بیک گراؤنڈ میں مکمل ہو رہی ہے۔
ڈیوائس کا جاری سیٹ اپ: آپ کی ڈیوائس بیک گراؤنڈ میں سیٹ اپ کے مراحل مکمل کر رہی ہے۔
روزانہ استعمال' چیک کرنا
سیٹنگ' کھولیں اور 'بیٹری' پر ٹیپ کریں۔
روزانہ استعمال' کا چارٹ چیک کریں۔
روزانہ استعمال' کا چارٹ گزشتہ سات دنوں کے مقابلے میں آج کے بیٹری کے استعمال کا خلاصہ پیش کرتا ہے۔ آپ کو ایک پیغام نظر آئے گا جس سے پتہ چلے گا کہ آپ معمول سے زیادہ، کم، یا اس کے برابر بیٹری استعمال کر رہے ہیں۔
چارٹ کے نیچے، 'ایپ اور سسٹم کی سرگرمی میں بیٹری کا استعمال' آج سب سے زیادہ بیٹری استعمال کرنے والی تین ایپس کو ظاہر کرتا ہے۔ آپ کسی بھی ایپ پر ٹیپ کر کے ایک چارٹ دیکھ سکتے ہیں جو اس ایپ کے آج کے بیٹری کے استعمال کا پچھلے سات دنوں کے استعمال سے موازنہ کرتا ہے۔
اپنی بیٹری کے استعمال کے بارے میں مزید معلومات حاصل کرنے کے لیے، 'بیٹری کے استعمال کا مکمل ریکارڈ' پر ٹیپ کریں۔ روزانہ استمال' چارٹ آج کی بیٹری کے استعمال کا پچھلے سات دنوں کے استعمال کے ساتھ موازنہ کرتا ہے۔ کسی مخصوص دن کے استعمال کی تفصیلات دیکھنے کے لیے اس دن کی بار پر ٹیپ کریں۔ ایپ اور سسٹم کی سرگرمی میں بیٹری کا استعمال' دن بھر میں آپ کی استعمال کردہ ایپس اور بیٹری استعمال کرنے والی سسٹم سرگرمیوں کی فہرست کے لیے بیٹری کا استعمال ظاہر کرتا ہے۔
ہر ایپ کی تفصیلات میں، آپ کو استعمال کی اس طرح کی اقسام نظر آ سکتی ہیں:
پس منظر کی سرگرمی: ایپ کی زیادہ تر بیٹری کا استعمال،اس وقت ہوا جب ایپ بیک گراؤنڈ میں فعال تھی۔ جیسے، میوزک چلانا یا لوکیشن ٹریک کرنا۔ آپ اس ایپ کا استعمال کم کر کے بیٹری لائف کو بہتر بنا سکتے ہیں۔
موبائل کوریج نہ ہونا اور کم سگنل: آپ کی ڈیوائس Wi-Fi یا سیلولر سگنل کی تلاش میں تھی یا اسے کمزور سگنل والے ماحول میں استعمال کیا جا رہا تھا، جس سے بیٹری لائف متاثر ہوئی۔ بیٹری لائف کو بہتر بنانے کے لیے، اگر ہو سکے تو، اپنی ڈیوائس کو ایسی جگہ پر استعمال کریں جہاں سگنل مضبوط ہوں۔۔ اگر آپ کو معلوم ہے کہ آپ کچھ دیر کے لیے ایسے علاقے میں ہوں گے جہاں کوریج نہیں ہے، تو ایئر پلین موڈ کو آن کریں۔
نوٹیفکیشنز: اس ایپ کے نوٹیفکیشنز ڈیوائس کو ایکٹو کر دیتے ہیں۔ بیٹری لائف بہتر بنانے کے لیے، آپ ایپ کے نوٹیفیکیشنز کو ایڈجسٹ کر سکتے ہیں تاکہ ڈیوائس کم بار ایکٹو ہو۔
چارجر سے منسلک: یہ ایپ صرف اس وقت استعمال کی گئی جب آپ کی ڈیوائس چارج ہو رہی تھی، لہذا بیٹری خرچ نہیں ہوئی۔
جب بھی ممکن ہو Wi-Fi کا استعمال کریں
Wi-Fi سیلولر نیٹ ورکس کی نسبت کم بیٹری پاور خرچ کرتا ہے۔ جب آپ انٹرنیٹ استعمال کرنے والی ایپس چلاتے ہیں، تو یقینی بنائیں کہ Wi-Fi آن ہے اور ہو سکے تو کسی Wi-Fi نیٹ ورک سے کنیکٹ کریں:
سیٹنگ کھولیں اور Wi-Fi پر ٹیپ کریں۔
کسی Wi-Fi نیٹ ورک کو منتخب کریں۔
اگر ممکن ہو تو، اپنی ڈیوائس کو مضبوط سگنل والی جگہ پر استعمال کریں۔ مضبوط سگنل والی جگہوں پر استعمال کرنے سے Wi-Fi اور سیلولر کنکشنز دونوں کم بیٹری استعمال کرتے ہیں۔ اگر آپ کو معلوم ہے کہ آپ کچھ دیر کے لیے ایسے علاقے میں ہوں گے جہاں کوریج نہیں ہے، تو ایئر پلین موڈ کو آن کریں۔
iPhone 12 اور اس کے بعد کے ماڈلز، iPhone SE (تیسری جنریشن)، اور 5G والے iPad ماڈلز میں، آپ 5G آٹو کو آن کر سکتے ہیں، جس سے اسمارٹ ڈیٹا موڈ فعال ہو جاتا ہے۔ جب 5G کی اسپیڈ واضح طور پر بہتر تجربہ نہیں دیتی، تو آپ کی ڈیوائس خودکار طور پر ایل ٹی ای پر سوئچ ہو جاتی ہے، جس سے بیٹری لائف کی بچت ہوتی ہے۔
5G آٹو کو آن کرنے کا طریقہ:
iPhone میں، 'سیٹنگ' کھولیں، سیولر پر ٹیپ کریں، 'سیلولر ڈاٹا آپشنز' پر ٹیپ کریں، اور پھر 'وائس اینڈ ڈاٹا' کو منتخب کریں۔ iPad میں، 'سیٹنگ' کھولیں، 'سیلولر ڈاٹا آپشنز' پر ٹیپ کریں، اور پھر ڈاٹا کو منتخب کریں۔
5G آٹو پر ٹیپ کریں۔
اگر کسی اپ ڈیٹ کے بعد بیٹری لائف توقع سے کم ہے
اگر آپ کو محسوس ہوتا ہے کہ اپنی ڈیوائس کو اپ ڈیٹ کرنے کے بعد آپ کی بیٹری لائف کم ہو گئی ہے، تو چند دن انتظار کریں اور پھر دوبارہ چیک کریں۔
اگرچہ آپ اپ ڈیٹ کے فوراً بعد اپنی ڈیوائس کا استعمال کر سکتے/سکتی ہیں، لیکن اپ ڈیٹ سے متعلق بعض ٹاسکس بیک گراؤنڈ میں چلتے رہتے ہیں جو بیٹری لائف اور تھرمل پرفارمنس پر اثر انداز ہو سکتے ہیں۔ جب یہ کام جاری ہوں،'سیٹنگ' کھولنے اور 'بیٹری' پر ٹیپ کرنے کے بعد، آپ کو یہ 'انسائٹ' نظر آ سکتی ہے جاری iOS اپڈیٹ۔.
اڈاپٹیو پاور استعمال کریں
اڈیپٹیو پاور' کی مدد سے، آپ کا iPhone ان دنوں میں خودکار طور پر بیٹری لائف بڑھا سکتا ہے جب آپ معمول سے زیادہ پاور استعمال کر رہے ہوں۔ اڈیپٹیو پاور' یہ پیشین گوئی کر سکتی ہے کہ آپ کو کب اضافی بیٹری کی ضرورت ہو گی اور پھر آپ کی بیٹری کو زیادہ دیر تک چلانے میں مدد کے لیے پرفارمنس میں ایڈجسٹمنٹس کرتی ہے۔ فعال ہونے پر، جب آپ کی بیٹری 20 فیصد تک پہنچ جائے تو بیٹری لائف کو خودکار طور پر بڑھانے کے لیے 'اڈیپٹیو پاور' حتیٰ کہ 'لو پاور موڈ' کو بھی آن کر سکتی ہے۔
آپ 'اڈیپٹیو پاور' کو iOS 26 یا بعد کے ورژنز اور ان میں سے کسی ایک ڈیوائس کے ساتھ استعمال کر سکتے/سکتی ہیں:
iPhone 17 ماڈلز
iPhone Air
iPhone 16 ماڈلز
iPhone 15 Pro Max
iPhone 15 Pro
اڈیپٹیو پاور' کے بارے میں مزید معلومات حاصل کریں'
لو پاور موڈ استعمال کریں
آپ لو پاور موڈ کو آن کر کے اپنی ڈیوائس کی بیٹری لائف بڑھا سکتے/سکتی ہیں۔ لو پاور موڈ کچھ سیٹنگز اور فیچرز، جیسے Mail fetch، ارے Siri، بیک گراؤنڈ ایپ ریفریش، اور بعض بصری اثرات کو کم یا غیر فعال کر کے آپ کی ڈیوائس کی پاور کا استعمال کم کر دیتا ہے۔
لو پاور موڈ' استعمال کرنے کا طریقہ:
سیٹنگ' کھولیں، 'بیٹری' پر ٹیپ کریں، اور پھر 'پاور موڈ' پر ٹیپ کریں۔
لو پاور موڈ آن کریں۔
آپ لو پاور موڈ کو iPhone پر کنٹرول سینٹر یا iPad پر کنٹرول سینٹر۔
جب آپ کی ڈیوائس 80 فیصد سے زیادہ چارج ہو جاتی ہے، تو 'لو پاور موڈ' خودکار طور پر آف ہو جاتا ہے۔
بیٹری ہیلتھ' چیک کرنا
کوئی بیٹری کتنا عرصہ چلتی ہے، اس کا انحصار بیٹری کی صلاحیت اور آپ کے سافٹ ویئر اور ہارڈویئر فیچرز کے استعمال پر ہے۔
تمام ریچارج ہونے بیٹریوں کی طرح، iPhone اور iPad کی بیٹریوں کی لائف بھی محدود ہوتی ہے اور بالآخر انہیں تبدیل کرنے کی ضرورت پڑ سکتی ہے۔ آپ اپنی بیٹری کی صلاحیت یہاں چیک کر سکتے/سکتی ہیں:
iPhone 15 اور اس کے بعد کے ماڈلز اور مخصوص iPad ماڈلز: سیٹنگز کھولیں، بیٹری پر ٹیپ کریں، اور پھر بیٹری ہیلتھ پر ٹیپ کریں۔
iPhone 14 اور اس سے پہلے کے ماڈلز پر: 'سیٹنگ' کھولیں، 'بیٹری' پر ٹیپ کریں، اور پھر 'بیٹری ہیلتھ اور چارجنگ' پر ٹیپ کریں۔
اگر آپ کو 'بیٹری ہیلتھ' کے آگے سروس لکھا نظر آئے، تو مکمل پرفارمنس اور صلاحیت بحال کرنے کے لیے اپنی بیٹری تبدیل کرنے پر غور کریں۔ اسکرین پر دی گئی ہدایات کی پیروی کریں۔