Apple Creator Studio - ஓர் அறிமுகம்

Apple Creator Studio குறித்துத் தெரிந்துகொள்ள வேண்டிய அனைத்தும் இங்கே கொடுக்கப்பட்டுள்ளன. அதாவது, இதில் என்னென்ன ஆப்ஸ் உள்ளன, அவற்றை எங்கே பதிவிறக்குவது, எப்படிச் சந்தா சேர்வது, சிஸ்டம் தேவைகள், நுண்ணறிவு அம்சங்கள் மற்றும் பல தகவல்கள் கொடுக்கப்பட்டுள்ளன.

Apple Creator Studio என்பது படைப்பாற்றலுக்கும் பணிக்கும் உதவுகின்ற Apple ஆப்ஸைக் கொண்ட ஒரு தொகுப்பாகும். இதில் Final Cut Pro, Logic Pro, Pixelmator Pro, Motion, Compressor, MainStage ஆகியவை அடங்கும். இந்தச் சந்தாவில் Keynote, Pages, Numbers, Freeform ஆகிய ஆப்ஸில் உள்ள பிரீமியம் உள்ளடக்கமும் AI அம்சங்களும் கிடைக்கின்றன.

Apple Creator Studio அம்சங்கள் குறித்த மேலோட்டப் பார்வை

Apple Creator Studio-ஐப் பதிவிறக்குதல்

Apple Creator Studio-ஐப் பதிவிறக்க App Store செல்லுங்கள்

இதில் உள்ளவை:

  • Mac 12.2-க்கான Final Cut Pro

  • iPad 3.2-க்கான Final Cut Pro

  • Mac 12.2-க்கான Logic Pro

  • iPad 3.2-க்கான Logic Pro

  • Mac 4.2-க்கான Pixelmator Pro

  • iPad 4.2-க்கான Pixelmator Pro

  • Motion 6.2 (Mac)

  • Compressor 5.2 (Mac)

  • MainStage 4.2 (Mac)

  • Keynote 15.2 (Mac, iPad மற்றும் iPhone)

  • Pages 15.2 (Mac, iPad, iPhone மற்றும் Apple Vision Pro)

  • Numbers 15.2 (Mac, iPad, iPhone மற்றும் Apple Vision Pro)

  • Freeform (Mac, iPad, iPhone மற்றும் Apple Vision Pro)

ஒவ்வொரு புது iPhone, Mac மற்றும் iPad-இலும் Keynote, Pages, Numbers, Freeform ஆகிய ஆப்ஸ் இருக்கும். இந்த ஆப்ஸில் உள்ள பிரீமியம் உள்ளடக்கத்தையும் நுண்ணறிவு அம்சங்களையும் Apple Creator Studio சந்தா மூலம் பெறலாம்.

உங்கள் பிராந்தியத்தில் Apple Creator Studio சந்தாவிற்கான கட்டணம் எவ்வளவு என்று தெரிந்துகொள்ளுங்கள்

Apple Creator Studio-க்குச் சந்தா சேர்தல்

நீங்கள் முதன்முதலில் Apple Creator Studio ஆப்ஸைத் திறக்கும்போது, ​​உங்கள் Apple கணக்கைப் பயன்படுத்தி ஒரு மாதக் கட்டணமற்ற உபயோகத்திற்குப் பதிவுசெய்து, மாதாந்திர அல்லது வருடாந்திரச் சந்தாவைத் தேர்வுசெய்யலாம். நிர்வகிக்கப்படும் Apple கணக்கைப் பயன்படுத்தி சந்தா சேர முடியாது.

  1. Apple Creator Studio ஆப்ஸில் ஏதேனும் ஒன்றைத் திறந்து, தொடர்க என்பதைக் கிளிக் செய்து அல்லது தட்டி திரையில் தோன்றும் அறிவிப்புகளைப் பின்பற்றுங்கள். Keynote, Pages, Numbers அல்லது Freeform ஆப்ஸில் பிரீமியம் உள்ளடக்கம் அல்லது அம்சங்களை நீங்கள் பயன்படுத்தும்போது ஆப்ஸிற்குள் இருந்தே சந்தா சேரலாம். Apple Vision Pro-இல் Freeform ஆப்ஸிற்குள் இருந்தே சந்தா சேர முடியாது.

  2. கட்டணமற்ற உபயோகத்தை ஏற்றுக்கொள்ளுங்கள் என்பதையோ கிடைக்கக்கூடிய பிற விருப்பத்தையோ கிளிக் செய்யுங்கள் அல்லது தட்டுங்கள். அதன்பிறகு, உங்கள் Apple கணக்கைப் பயன்படுத்தி சந்தா சேர, திரையில் தோன்றும் அறிவிப்புகளைப் பின்பற்றுங்கள்.

  3. தொடங்க, Apple Creator Studio ஆப்ஸில் புதிய புராஜெக்ட் அல்லது ஆவணத்தை உருவாக்குங்கள் அல்லது ஏற்கெனவே உள்ள புராஜெக்ட்டையோ ஆவணத்தையோ திறங்கள்.

நீங்கள் ஏற்கெனவே iPad-க்கான Final Cut Pro அல்லது iPad-க்கான Logic Pro-க்குச் சந்தா சேர்ந்திருந்தால், மற்றொரு Apple Creator Studio ஆப்ஸைப் பதிவிறக்கித் திறங்கள். அதன்பிறகு, அந்த ஆப்ஸிற்குள் இருந்தே சந்தா சேருங்கள்.

நீங்கள் புதிய Mac அல்லது iPad வாங்கினால், Apple Creator Studio-ஐ 3 மாதங்கள் கட்டணமில்லாமல் பெறலாம். இந்த ஆஃபரைப் பெற, புதிய சாதனத்தை அமைப்பதற்கு நீங்கள் பயன்படுத்திய அதே Apple கணக்கின் மூலம் சந்தா சேர்வதை உறுதிப்படுத்திக்கொள்ளுங்கள்.

சந்தாவை நிர்வகித்தல்

உங்கள் Mac, iPad அல்லது iPhone-இல் இருந்தே உங்கள் Apple Creator Studio சந்தாவை மாற்றலாம், ரத்துசெய்யலாம். உங்கள் சந்தாவை நீங்கள் ரத்துசெய்தாலும், சந்தாவின் பில்லிங் காலம் முடியும் வரை Apple Creator Studio-இல் உள்ள எல்லா ஆப்ஸிற்கும் உங்களுக்கு முழு அணுகல் இருக்கும்.

Mac-இல் சந்தாவை நிர்வகித்தல்

  1. சேர்க்கப்பட்டுள்ள ஆப்ஸில் ஏதேனும் ஒன்றில், மெனு பட்டியில் இருந்து ஆப்ஸின் பெயரைத் தேர்வுசெய்து, மெனுவில் இருந்து சந்தாக்களை நிர்வகியுங்கள் என்பதைத் தேர்வுசெய்யுங்கள். App Store திறக்கப்பட்டு, உங்கள் சந்தாக்கள் காட்டப்படும். உங்கள் சந்தாக்கள் காட்டப்படவில்லை என்றால், Apple Creator Studio-க்குச் சந்தா சேர்வதற்குப் பயன்படுத்திய அதே Apple கணக்கின் மூலம் App Store-இல் உள்நுழைந்திருப்பதை உறுதிப்படுத்திக்கொள்ளுங்கள்.

  2. சந்தாக்கள் பட்டியலில், Apple Creator Studio என்பதைக் கிளிக் செய்து, உங்கள் சந்தாவை மாற்றுங்கள் அல்லது ரத்துசெய்யுங்கள்:

    • சந்தாத் திட்டத்தை மாற்ற, வேறொரு சந்தா விருப்பத்தைக் கிளிக் செய்து, காட்டப்படும் வழிமுறைகளைப் பின்பற்றுங்கள்.

    • உங்கள் சந்தா அல்லது கட்டணமற்ற உபயோகத்தை ரத்துசெய்ய, 'சந்தாவை ரத்துசெய்' என்பதைக் கிளிக் செய்து, காட்டப்படும் வழிமுறைகளைப் பின்பற்றுங்கள்.

  3. உங்கள் பேமெண்ட் முறையை மாற்ற அல்லது புதுப்பிக்க, கீழ் இடது மூலையில் உள்ள உங்கள் பெயரைக் கிளிக் செய்யுங்கள். கணக்கு அமைப்புகள் என்பதைக் கிளிக் செய்து, பேமெண்ட் முறைகள் என்பதைக் கிளிக் செய்யுங்கள். அதன்பிறகு, காட்டப்படும் வழிமுறைகளைப் பின்பற்றுங்கள்.

iPad அல்லது iPhone-இல் சந்தாவை நிர்வகித்தல்

  1. முகப்புத் திரையில் இருந்து அமைப்புகள் ஆப்ஸைத் திறந்து, உங்கள் Apple கணக்கைத் தட்டுங்கள்.

  2. சந்தாக்கள் என்பதைத் தட்டுங்கள். உங்கள் சந்தாக்கள் காட்டப்படவில்லை என்றால், Apple Creator Studio-க்குச் சந்தா சேர்வதற்குப் பயன்படுத்திய அதே Apple கணக்கின் மூலம் App Store-இல் உள்நுழைந்திருப்பதை உறுதிப்படுத்திக்கொள்ளுங்கள்.

  3. சந்தாக்கள் பட்டியலில், Apple Creator Studio என்பதைத் தட்டி, உங்கள் சந்தாவை மாற்றுங்கள் அல்லது ரத்துசெய்யுங்கள்:

    • உங்கள் சந்தாத் திட்டத்தை மாற்ற, 'எல்லாத் திட்டங்களையும் காட்டு' என்பதைத் தட்டுங்கள். அதன்பிறகு, வேறொரு சந்தா விருப்பத்தைத் தட்டி, திரையில் தோன்றும் வழிமுறைகளைப் பின்பற்றுங்கள்.

    • உங்கள் சந்தா அல்லது கட்டணமற்ற உபயோகத்தை ரத்துசெய்ய, 'சந்தாவை ரத்துசெய்' என்பதைத் தட்டி, காட்டப்படும் வழிமுறைகளைப் பின்பற்றுங்கள்.

  4. உங்கள் பேமெண்ட் முறையை மாற்ற அல்லது புதுப்பிக்க:

    • App Store-ஐத் திறந்து, ’எனது கணக்கு’ பட்டனையோ மேல் வலதுபுறத்தில் உள்ள உங்கள் படத்தையோ தட்டுங்கள்.

    • உங்கள் பெயரைத் தட்டவும்.

    • "பேமெண்ட்டுகளை நிர்வகியுங்கள்" என்பதைத் தட்டி, "பேமெண்ட் முறைகள்" என்பதைத் தட்டுங்கள்.

    • தற்போதுள்ள பேமெண்ட் முறையை மாற்றுங்கள் அல்லது அகற்றுங்கள். இல்லையென்றால், புதிய பேமெண்ட் முறையைச் சேருங்கள்.

ஆப்ஸைத் தனித்தனியாகப் பர்ச்சேஸ் செய்தல்

Final Cut Pro, Motion, Compressor, Logic Pro, MainStage, Pixelmator Pro ஆகியவையும் Mac-க்கான ஒருமுறை வாங்கும் ஆப்ஸாக App Store-இல் கிடைக்கின்றன. இந்த ஆப்ஸில் ஏதேனும் ஒன்றை நீங்கள் முன்பே வாங்கியிருந்து Apple Creator Studio சந்தாவையும் வைத்திருந்தால், இந்த ஆப்ஸின் இரண்டு பதிப்புகளையும் பயன்படுத்தலாம் (இந்த ஆப்ஸின் இரண்டு பதிப்புகளையும் உங்கள் Mac-இல் நிறுவலாம்). வெவ்வேறு பதிப்புகளை எளிதாக வேறுபடுத்தி அறியும் வகையில், Apple Creator Studio-இல் உள்ள ஆப்ஸ் ஒவ்வொன்றும் பிரத்தியேக ஐகானைக் கொண்டிருக்கும். தனியாக வாங்கிய ஆப்ஸை நீங்கள் பகிரலாம்.

உங்கள் குடும்பத்துடன் Apple Creator Studio-ஐப் பகிர்தல்

நீங்கள் குடும்பத்தில் பகிர்தல் அம்சத்தில் பதிவுசெய்திருந்தால், நீங்களும் வேறு ஐந்து குடும்ப உறுப்பினர்களும் (அதிகபட்சம்) Apple Creator Studio சந்தாவிற்கான அணுகலைப் பகிர்ந்துகொள்ளலாம். Apple Creator Studio மாதாந்திர அல்லது வருடாந்திரச் சந்தாவைப் பகிர, அது குடும்பத்தில் பகிர்தல் > சந்தா பகிர்தல் என்பதன் கீழ் காட்டப்படுவதையும் செயலில் இருப்பதையும் உறுதிப்படுத்திக்கொள்ளுங்கள்.

உங்கள் குடும்பத்தினருடன் ஆப்ஸையும் பர்ச்சேஸ்களையும் பகிர்வது பற்றி மேலும் தெரிந்துகொள்ளுங்கள்

உயர்கல்வி மாணவர் மற்றும் கல்வியாளர் சந்தாக்களுக்குக் குடும்பப் பகிர்தல் அம்சம் கிடைக்காது.

Apple Creator Studio கல்லூரி மாணவர் அல்லது கல்வியாளர் சந்தாவைப் பெறுதல்

நீங்கள் ஒரு பட்டம் வழங்கும் கல்லூரி அல்லது பல்கலைக்கழகத்தில் சேர்க்கப்பட்டுள்ள சரிபார்க்கப்பட்ட கல்லூரி மாணவர் அல்லது அங்கு பணியாற்றும் சரிபார்க்கப்பட்ட கல்வியாளர் என்றால், தள்ளுபடி செய்யப்பட்ட மாதாந்திர அல்லது வருடாந்திரக் கட்டணத்தில் Apple Creator Studio-க்குச் சந்தா சேரலாம்.

மற்ற மாணவர்கள் மற்றும் கல்வியாளர்களுக்கு, நீங்கள் Pro Apps Bundle for Education-ஐச் சிறப்புத் தள்ளுபடி விலையில் வாங்கலாம். Pro Apps Bundle for Education-இல் Final Cut Pro, Motion, Compressor, Logic Pro, MainStage ஆகியவற்றின் ஒரு முறை வாங்கும் பதிப்புகள் இருக்கும். இந்தத் தொகுப்பானது Apple Store for Education அல்லது Apple Store for Education Institution-இல் ஒரு Mac-ஐ வாங்கும்போது முன்கூட்டியே நிறுவப்பட்ட நிலையில் கிடைக்கிறது.

Apple Creator Studio சிஸ்டம் தேவைகள்

Apple Creator Studio-இன் முழுமையான செயல்பாடுகள் macOS 26, iPadOS 26, iOS 26 ஆகியவற்றில் கிடைக்கின்றன. Apple Creator Studio App Store-இல் கிடைக்கிறது மற்றும் இதற்கு ஒரு Apple கணக்கு தேவை. அம்சங்கள் மாற்றத்திற்கு உட்பட்டவை, மேலும் சில அம்சங்களைப் பயன்படுத்த இணைய இணைப்பு தேவைப்படக்கூடும். கூடுதல் கட்டணங்களும் விதிமுறைகளும் பொருந்தக்கூடும்.

ஒவ்வொரு Apple Creator Studio ஆப்ஸிற்கான குறைந்தபட்ச சிஸ்டம் தேவைகள் பின்வருமாறு:

  • Pixelmator Pro தவிர்த்து மற்ற அனைத்து Mac ஆப்ஸிற்கும் macOS 15.6 அல்லது அதற்குப் பிந்தைய பதிப்புகள் தேவை. Pixelmator Pro-க்கு macOS 26 அல்லது அதற்குப் பிந்தைய பதிப்புகள் தேவை.

  • Final Cut Pro:

    • Mac-இல் Final Cut Pro பயன்படுத்த macOS 15.6 அல்லது அதற்குப் பிந்தைய பதிப்புகள் தேவை.

    • iPad-இல் Final Cut Pro பயன்படுத்த iPadOS 18.6 அல்லது அதற்குப் பிந்தைய பதிப்புகள், மேலும் Apple M1 சிப் அல்லது அதற்குப் பிந்தைய சிப்களுடன் கூடிய iPad, iPad Pro அல்லது iPad Air, iPad (A16) அல்லது iPad mini (A17 Pro) தேவை.

  • Logic Pro:

    • Mac-இல் Logic Pro பயன்படுத்த macOS 15.6 அல்லது அதற்குப் பிந்தைய பதிப்புகள், மேலும் Apple silicon உடன் கூடிய ஒரு Mac தேவை.

    • iPad-இல் Logic Pro பயன்படுத்த iPadOS 26 அல்லது அதற்குப் பிந்தைய பதிப்புகள், மேலும் Apple A12 Bionic சிப் அல்லது அதற்குப் பிந்தைய சிப்களுடன் கூடிய ஒரு iPad தேவை. சில அம்சங்களைப் பயன்படுத்த Apple A17 Pro சிப் அல்லது அதற்குப் பிந்தைய சிப்கள் தேவை.

  • Pixelmator Pro:

    • Mac-இல் Pixelmator Pro பயன்படுத்த macOS 26 அல்லது அதற்குப் பிந்தைய பதிப்புகள் தேவை.

    • iPad-இல் Pixelmator Pro பயன்படுத்த iPadOS 26 அல்லது அதற்குப் பிந்தைய பதிப்புகள், Apple M1 சிப் அல்லது அதற்குப் பிந்தைய சிப்களுடன் கூடிய ஒரு iPad, iPad Pro அல்லது iPad Air, iPad (A16) அல்லது iPad mini (A17 Pro) தேவை.

  • Keynote, Pages மற்றும் Numbers:

    • Mac-இல் Keynote, Pages மற்றும் Numbers பயன்படுத்த macOS 15.6 அல்லது அதற்குப் பிந்தைய பதிப்புகள் தேவை.

    • iPad மற்றும் iPhone-இல் Keynote, Pages மற்றும் Numbers பயன்படுத்த iPadOS 18 அல்லது அதற்குப் பிந்தைய பதிப்புகளும் iOS 18 அல்லது அதற்குப் பிந்தைய பதிப்புகளும் தேவை.

    • Apple Vision Pro-இல் Pages மற்றும் Numbers பயன்படுத்த visionOS 2 அல்லது அதற்குப் பிந்தைய பதிப்புகள் தேவை.

    • சில பிரீமியம் அம்சங்களைப் பயன்படுத்த macOS 26, iPadOS 26, iOS 26 அல்லது visionOS 26 அல்லது அதற்குப் பிந்தைய பதிப்புகள் தேவை.

  • Freeform:

    • Mac, iPad, iPhone மற்றும் Apple Vision Pro-இல் Freeform பயன்படுத்த macOS 26.4, iPadOS 26.4, iOS 26.4 மற்றும் visionOS 26.4 அல்லது அவற்றுக்குப் பிந்தைய பதிப்புகள் தேவை.

  • Motion பயன்படுத்த macOS 15.6 அல்லது அதற்குப் பிந்தைய பதிப்புகள் தேவை.

  • Compressor பயன்படுத்த macOS 15.6 அல்லது அதற்குப் பிந்தைய பதிப்புகள் தேவை. சில அம்சங்களைப் பயன்படுத்த Apple silicon உடன் கூடிய Mac தேவை.

  • MainStage பயன்படுத்த macOS 15.6 அல்லது அதற்குப் பிந்தைய பதிப்புகள், மேலும் Apple silicon உடன் கூடிய Mac தேவை.

நுண்ணறிவு அம்சங்கள்

Apple Creator Studio-இன் Keynote, Pages, Numbers மற்றும் Freeform ஆகிய பதிப்புகளில் பட உருவாக்கம், அதிகத் தெளிவுத்திறன் மற்றும் தானியங்குச் செதுக்குதல் போன்ற நுண்ணறிவு அம்சங்கள் உள்ளன. மேலும், Keynote-இல் விளக்கக்காட்சிகளை உருவாக்குதல், வழங்குபவர் குறிப்புகளைத் தயார்செய்தல், ஸ்லைடுகளைச் சீரமைத்தல் ஆகிய வசதிகளும், Numbers-இல் மேஜிக் ஃபில் வசதியும் உள்ளன.

நுண்ணறிவு அம்சங்களுக்கான சிஸ்டம் தேவைகள்

பட உருவாக்கபட உருவாக்க1 அம்சத்தையும், Keynote-இல் வழங்குபவர் குறிப்புகளைத் தயார்செய்தல்1,2, விளக்கக்காட்சிகளை உருவாக்குதல்1,2

  • iPhone 15 Pro அல்லது iPhone 15 Pro Max அல்லது அதற்குப் பிந்தைய பதிப்புகள், A17 Pro அல்லது M1 மற்றும் அதற்குப் பிந்தைய பதிப்புகளுடன் கூடிய iPad அல்லது M1 மற்றும் அதற்குப் பிந்தைய பதிப்புகளுடன் கூடிய Mac.

  • iOS 26, iPadOS 26 அல்லது macOS Tahoe 26 அல்லது அதற்குப் பிந்தைய பதிப்புகள்.

  • ஒரு Apple கணக்கு, இதில் iCloud அமைக்கப்பட்டிருப்பதுடன் இது செயலிலும் இருக்க வேண்டும். நிர்வகிக்கப்படும் கணக்கு உள்ளமைவுகள் காரணமாக, நுண்ணறிவு அம்சங்கள் கிடைப்பது கட்டுப்படுத்தப்படலாம்.

Keynote, Pages, Numbers, Freeform ஆகியவற்றில் பட உருவாக்க அம்சத்தைப் பயன்படுத்துவது வயதுக் கட்டுப்பாடுகளுக்கு உட்பட்டது. Apple Vision Pro-இல் Pages, Numbers மற்றும் Freeform ஆப்ஸில் பட உருவாக்க அம்சத்தைப் பயன்படுத்த, Apple Intelligence-ஐ ஆன் செய்யுங்கள்.

நுண்ணறிவு அம்சங்களின் உபயோக வரம்புகள்

பட உருவாக்கம், ஸ்லைடுகளை உருவாக்குதல், வழங்குபவர் குறிப்புகளைத் தயார்செய்தல் ஆகியவை வரம்புகளுக்கு உட்பட்டவை:

  • இந்த அம்சங்கள் OpenAI மூலம் இயங்குகின்றன, மேலும் OpenAI சேவைகள் கிடைக்கும் பிராந்தியங்களில் கிடைக்கின்றன. இந்த அம்சங்கள் கிடைப்பது நெட்வொர்க் கட்டுப்பாடுகள் காரணமாக மேலும் கட்டுப்படுத்தப்படலாம் அல்லது உள்ளூர் கட்டுப்பாடுகள், நெட்வொர்க் சேவை வழங்குநர்கள் அல்லது அரசாங்க விதிமுறைகள் காரணமாகத் தடுக்கப்படலாம். OpenAI சேவை வழங்கப்படும் நாடுகள் மற்றும் பிராந்தியங்கள்

  • நீங்கள் உருவாக்கக்கூடிய படங்கள், ஸ்லைடுகள் மற்றும் வழங்குபவர் குறிப்புகளின் சரியான எண்ணிக்கை வினவல்கள் எந்தளவு சிக்கலாக உள்ளது என்பதையும், சேவையகத்தின் கிடைக்கும் தன்மை, நெட்வொர்க்கின் கிடைக்கும் தன்மை ஆகியவற்றையும் பொறுத்து மாறுபடும். பிரத்தியேகமாகப் பயன்படுத்தினால், ஒரு மாதத்திற்கு நீங்கள் குறைந்தபட்சம்:

    • 50 படங்களை உருவாக்கலாம்

    • 50 விளக்கக்காட்சிகளை உருவாக்கலாம் (ஒவ்வொன்றும் தோராயமாக 8–10 ஸ்லைடுகளுடன்)

    • 700 ஸ்லைடுகளுக்கு வழங்குபவர் குறிப்புகளைத் தயார்செய்யலாம்

  • ஒவ்வொரு மாதமும் உபயோக வரம்புகள் மீட்டமைக்கப்படும்.

  • உங்கள் உபயோக நிலையைப் பார்க்க:

    • Mac-இல், நீங்கள் பயன்படுத்தும் ஆப்ஸைப் பொறுத்து, மெனு பட்டியில் Keynote, Pages, Numbers அல்லது Freeform என்பதைத் தேர்வுசெய்யுங்கள். நுண்ணறிவு அம்சங்கள் என்பதைத் தேர்வுசெய்து, உபயோக நிலையைக் காட்டு என்பதைத் தேர்வுசெய்யுங்கள்.

    • iPhone அல்லது iPad-இல் Keynote, Pages, Numbers அல்லது Freeform ஆப்ஸைத் திறந்து மேலும் பட்டனைத்null தட்டுங்கள். நுண்ணறிவு அம்சங்கள் என்பதைத் தட்டி, உபயோக நிலையைக் காட்டு என்பதைத் தட்டுங்கள்.

  • இந்த அம்சங்கள் எதிர்பாராத முடிவுகளை வழங்கக்கூடும். முடிவுகள் தொடர்பான சிக்கல்களைப் புகாரளிக்க:

    • உருவாக்கப்பட்ட விளக்கக்காட்சிக்கு, ஸ்லைடுகள் உருவாக்கப்பட்டதும் காட்டப்படும் அறிவிப்பில் "சிக்கலைப் புகாரளித்திடுக" என்பதைக் கிளிக் செய்யுங்கள் அல்லது தட்டுங்கள்.

    • உருவாக்கப்பட்ட வழங்குபவர் குறிப்புகளுக்கு, குறிப்புகள் உருவாக்கப்பட்ட பிறகு, வழங்குபவர் குறிப்புகளில் ‘சிக்கலைப் புகாரளித்திடுக’ பட்டனைக்null கிளிக் செய்யுங்கள் அல்லது தட்டுங்கள்.

    • உருவாக்கப்பட்ட படத்தில், மேலும் பட்டனைக்null கிளிக் செய்யுங்கள் அல்லது தட்டுங்கள். அதன்பிறகு, மெனுவில் "சிக்கலைப் புகாரளித்திடுக" என்பதைக் கிளிக் செய்யுங்கள் அல்லது தட்டுங்கள்.

  • உங்கள் ChatGPT கணக்குடன் இந்த அம்சங்கள் ஒருங்கிணைக்கப்படவில்லை.

நுண்ணறிவு அம்சங்கள் மற்றும் தனியுரிமை

இந்த அம்சங்களின் ஒரு பகுதியாக நீங்கள் அனுப்பும் உள்ளடக்கமானது நுண்ணறிவு மாடல்களுக்குப் பயிற்சி அளிக்க ஒருபோதும் பயன்படுத்தப்படாது.

Apple Creator Studio-இல் சேர்க்கப்பட்டுள்ள உரிமத்தொகை இல்லாத உள்ளடக்கத்தைப் பயன்படுத்துதல்

Apple Creator Studio-இல் சேர்க்கப்பட்டுள்ள உரிமத்தொகை இல்லாத உள்ளடக்கத்தைப் பயன்படுத்துவது Apple Creator Studio விதிமுறைகளுக்கும் நிபந்தனைகளுக்கும் உட்பட்டது.

மேலும் அறிக

Apple Creator Studio குறித்து மேலும் தெரிந்துகொள்ளுங்கள்

iPad-க்கான Final Cut Pro அல்லது iPad-க்கான Logic Pro சந்தா செயல்படவில்லை என்றால்

1 OpenAI மூலம் இயங்குகிறது

2 பீட்டாவில் கிடைக்கிறது

வெளியிடப்பட்ட தேதி: