ਆਪਣੇ ਬੱਚੇ ਦੇ ਡਿਵਾਈਸ ’ਤੇ ਮਾਪਿਆਂ ਦੇ ਕੰਟਰੋਲ ਸੈੱਟ ਅੱਪ ਕਰਨੇ

iOS 27, iPadOS 27, macOS 27 ਅਤੇ watchOS 27 ਵਿੱਚ ਮਾਪਿਆਂ ਦੇ ਕੰਟਰੋਲ* ਦਾ ਨਵਾਂ ਅਨੁਭਵ ਡਿਜ਼ਾਈਨ ਕੀਤਾ ਗਿਆ ਹੈ ਜਿਸ ਨਾਲ ਤੁਹਾਡੇ ਬੱਚੇ ਦੇ ਡਿਵਾਈਸਾਂ ਦਾ ਪ੍ਰਬੰਧਨ ਕਰਨ ਦੇ ਨਵੇਂ ਤਰੀਕੇ ਮਿਲਦੇ ਹਨ। ਤੁਹਾਡੇ ਅਤੇ ਤੁਹਾਡੇ ਪਰਿਵਾਰ ਵੱਲੋਂ ਆਪਣੇ ਡਿਵਾਈਸ ਅੱਪਡੇਟ ਕਰਨ ਤੋਂ ਬਾਅਦ, ਤੁਹਾਨੂੰ ਹਰੇਕ ਬੱਚੇ ਲਈ ਇੱਕ ਛੋਟਾ ਜਿਹਾ ਸੈੱਟ ਅੱਪ ਕਰਨਾ ਪਵੇਗਾ। ਤੁਸੀਂ ਪਹਿਲਾਂ ਸੈੱਟ ਅੱਪ ਕੀਤੇ ਮਾਪਿਆਂ ਦੇ ਕੰਟਰੋਲਾਂ ਦੀ ਸਮੀਖਿਆ ਅਤੇ ਤਬਦੀਲੀਆਂ ਕਰ ਸਕਦੇ ਹੋ ਜਾਂ ਪਹਿਲੀ ਵਾਰ ਮਾਪਿਆਂ ਦੇ ਕੰਟਰੋਲ ਸੈੱਟ ਅੱਪ ਕਰ ਸਕਦੇ ਹੋ।

ਜੇਕਰ ਤੁਸੀਂ ਪਹਿਲੀ ਵਾਰ ਆਪਣੇ ਬੱਚੇ ਲਈ ਡਿਵਾਈਸ ਸੈੱਟ ਅੱਪ ਕਰ ਰਹੇ ਹੋ, ਤਾਂ ਦੇਖੋ: iPhone, iPad, Mac ਜਾਂ Apple Watch ਦਾ ਸੈੱਟ ਅੱਪ ਕਰਨਾ।

ਸ਼ੁਰੂ ਕਰਨ ਲਈ ਵਿਕਲਪਾਂ ਵਾਲੀ ਮਾਪਿਆਂ ਦੇ ਕੰਟਰੋਲ ਸੈੱਟ ਅੱਪ ਸਕਰੀਨ।

ਕਦਮ 1: ਸ਼ੁਰੂ ਕਰੋ

ਜਦੋਂ ਤੁਸੀਂ ਅਤੇ ਤੁਹਾਡਾ ਪਰਿਵਾਰ ਆਪਣੇ ਡਿਵਾਈਸ ਅੱਪਡੇਟ ਕਰ ਲੈਣ ਤਾਂ ਤੁਹਾਨੂੰ ਆਪਣੇ ਬੱਚੇ ਵਾਸਤੇ ਮਾਪਿਆਂ ਦੇ ਕੰਟਰੋਲ ਸੈੱਟ ਅੱਪ ਕਰਨ ਲਈ ਸੱਦਾ ਭੇਜਿਆ ਜਾਵੇਗਾ। ਤੁਸੀਂ ਸੈੱਟ ਅੱਪ ਕਰ ਸਕੋਗੇ ਕਿ ਤੁਹਾਡਾ ਬੱਚਾ ਕਿਹੜੀਆਂ ਐਪਾਂ ਚਲਾ ਸਕਦਾ ਹੈ, ਕਿਹੜੇ ਸੰਪਰਕਾਂ ਨਾਲ ਗੱਲਬਾਤ ਕਰ ਸਕਦਾ ਹੈ ਅਤੇ ਉਹ ਐਪਾਂ ਅਤੇ ਵੈੱਬਸਾਈਟਾਂ ਨੂੰ ਕਦੋਂ ਐਕਸੈੱਸ ਕਰ ਸਕਦਾ ਹੈ ਅਤੇ ਹੋਰ ਵੀ ਬਹੁਤ ਕੁਝ।

ਸ਼ੁਰੂਆਤ ਕਰਨ ਲਈ “ਸ਼ੁਰੂ ਕਰੋ” ’ਤੇ ਟੈਪ ਕਰੋ ਜਾਂ ਕਲਿੱਕ ਕਰੋ। ਜੇ ਤੁਸੀਂ ਹੁਣ ਇਹਨਾਂ ਕਦਮਾਂ ਨੂੰ ਪੂਰਾ ਨਹੀਂ ਕਰ ਸਕਦੇ, ਤਾਂ ਤੁਸੀਂ ਕਿਸੇ ਵੀ ਸਮੇਂ ਪਰਿਵਾਰਕ ਸਾਂਝਾਕਰਨ ਸੈਟਿੰਗਾਂ > (ਤੁਹਾਡੇ ਬੱਚੇ ਦਾ ਨਾਮ) ’ਤੇ ਜਾ ਕੇ ਸ਼ੁਰੂ ਕਰ ਸਕਦੇ ਹੋ।

ਮਾਪਿਆਂ ਦੇ ਕੰਟਰੋਲ ਸੈੱਟ ਅੱਪ ਸਕਰੀਨ ਐਪਾਂ ਅਤੇ ਵੈੱਬਸਾਈਟਾਂ ਵਰਗੇ ਐਕਸੈੱਸ ਕੀਤੇ ਜਾ ਸਕਣ ਵਾਲੇ ਕੰਟੈਂਟ ਦੀ ਕਿਸਮ ਲਈ ਵਿਕਲਪ ਦਿਖਾਉਂਦੀ ਹੈ।

ਕਦਮ 2: ਚੁਣੋ ਕਿ ਤੁਹਾਡਾ ਬੱਚਾ ਕਿਹੜਾ ਕੰਟੈਂਟ ਐਕਸੈੱਸ ਕਰ ਸਕਦਾ ਹੈ

ਨਿਰਧਾਰਤ ਕਰੋ ਕਿ ਤੁਹਾਡਾ ਬੱਚਾ ਕਿਹੜੀਆਂ ਐਪਾਂ, ਵੈੱਬਸਾਈਟਾਂ ਅਤੇ ਕਿਹੜੇ ਕੰਟੈਂਟ ਨੂੰ ਐਕਸੈੱਸ ਕਰ ਸਕਦਾ ਹੈ। ਤੁਸੀਂ ਦੋ ਸੈਟਿੰਗਾਂ ਚੁਣੋਗੇ:

Safari ਵਿੱਚ ਉਨ੍ਹਾਂ ਦੀ ਵੈੱਬਸਾਈਟ ਐਕਸੈੱਸ ਦਾ ਪ੍ਰਬੰਧਨ ਕਰਨ ਲਈ: “ਸਿਰਫ਼ ਪ੍ਰਵਾਨ ਵੈੱਬਸਾਈਟਾਂ” ਜਾਂ “ਬ੍ਰਾਊਜ਼ ਕਰਨ ਲਈ ਪੁੱਛੋ” ਨਾਲ, ਤੁਹਾਡੇ ਬੱਚੇ ਨੂੰ Safari ਵਿੱਚ ਕਿਸੇ ਨਵੀਂ ਸਾਈਟ ’ਤੇ ਜਾਣ ਤੋਂ ਪਹਿਲਾਂ ਤੁਹਾਡੀ ਪ੍ਰਵਾਨਗੀ ਲੋੜੀਂਦੀ ਹੈ। ਪ੍ਰਵਾਨ ਹੋਣ ਤੋਂ ਬਾਅਦ, ਉਹ ਸਾਈਟ ਐਕਸੈੱਸ ਕਰਨ ਯੋਗ ਰਹਿੰਦੀ ਹੈ। “ਅਡਲਟ ਵੈੱਬਸਾਈਟਾਂ ਨੂੰ ਸੀਮਤ ਕਰੋ” ਨਾਲ, ਕਈ ਅਡਲਟ ਵੈੱਬਸਾਈਟਾਂ ਦਾ ਐਕਸੈੱਸ ਸੀਮਤ ਕੀਤਾ ਜਾਂਦਾ ਹੈ। ਜਾਂ ਤੁਸੀਂ ਇੰਟਰਨੈੱਟ ਦੀ ਅਸੀਮਤ ਵਰਤੋਂ ਦੀ ਆਗਿਆ ਦੇ ਸਕਦੇ ਹੋ।
ਨੋਟ: 13 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਲਈ “ਬ੍ਰਾਊਜ਼ ਕਰਨ ਲਈ ਪੁੱਛੋ” ਡਿਫ਼ੌਲਟ ਰੂਪ ਵਿੱਚ ਚਾਲੂ ਹੁੰਦਾ ਹੈ। 18 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਦੇ ਖਾਤੇ ’ਤੇ “ਅਡਲਟ ਵੈੱਬਸਾਈਟਾਂ ਨੂੰ ਸੀਮਤ ਕਰੋ” ਡਿਫ਼ੌਲਟ ਤੌਰ ’ਤੇ ਚਾਲੂ ਹੁੰਦਾ ਹੈ। 13 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਨੂੰ ਨਵੀਆਂ ਵੈੱਬਸਾਈਟਾਂ ਬ੍ਰਾਊਜ਼ ਕਰਨ ਲਈ ਬੇਨਤੀ ਕਰਨੀ ਪੈਂਦੀ ਹੈ ਅਤੇ 18 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਨੂੰ ਸਾਰੀਆਂ ਬਲੌਕ ਕੀਤੀਆਂ ਵੈੱਬਸਾਈਟਾਂ ਬ੍ਰਾਊਜ਼ ਕਰਨ ਲਈ ਇਜਾਜ਼ਤ ਦੀ ਲੋੜ ਪੈਂਦੀ ਹੈ। (ਉਮਰ ਵਰਗ ਦੇਸ਼ ਜਾਂ ਖੇਤਰ ਅਨੁਸਾਰ ਵੱਖ-ਵੱਖ ਹੋ ਸਕਦਾ ਹੈ।)
ਕੰਟੈਂਟ ਤੱਕ ਉਹਨਾਂ ਦਾ ਐਕਸੈੱਸ ਚੁਣਨ ਲਈ: ਕਿਤਾਬਾਂ ਐਪ ਵਰਗੀਆਂ Apple ਐਪਾਂ ਰਾਹੀਂ ਉਪਲਬਧ ਕਿਤਾਬਾਂ, ਫ਼ਿਲਮਾਂ, TV ਸ਼ੋਅ ਅਤੇ ਸੰਗੀਤ ਲਈ ਉਮਰ ਰੇਟਿੰਗਾਂ ਸੈੱਟ ਕਰੋ। ਉਦਾਹਰਨ ਵਜੋਂ ਉਮਰ ਰੇਟਿੰਗ ਜਾਂ ਇਤਰਾਜ਼ਯੋਗ ਕੰਟੈਂਟ ਨੂੰ ਬਲੌਕ ਕਰਨਾ ਚੁਣ ਸਕਦੇ ਹੋ।
ਨੋਟ: ਬੱਚਿਆਂ ਦੇ ਖਾਤੇ ਵਰਤ ਰਹੇ 18 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਲਈ ਉਮਰ-ਆਧਾਰਿਤ ਕੰਟੈਂਟ ਅਤੇ ਪਰਦੇਦਾਰੀ ਪਾਬੰਦੀਆਂ ਡਿਫ਼ੌਲਟ ਰੂਪ ਵਿੱਚ ਚਾਲੂ ਹੁੰਦੀਆਂ ਹਨ ਅਤੇ ਕਦੇ ਵੀ ਅਡਜਸਟ ਕੀਤੀਆਂ ਜਾ ਸਕਦੀਆਂ ਹਨ। (ਉਮਰ ਵਰਗ ਦੇਸ਼ ਜਾਂ ਖੇਤਰ ਅਨੁਸਾਰ ਵੱਖਰਾ ਹੋ ਸਕਦਾ ਹੈ।)