AirPods, AirPods Pro എന്നിവ എങ്ങനെ റീസെറ്റ് ചെയ്യാം

നിങ്ങളുടെ AirPods ചാർജ് ചെയ്യുന്നില്ലെങ്കിലോ മറ്റൊരു പ്രശ്നം പരിഹരിക്കാനുണ്ടെങ്കിലോ അവ റീസെറ്റ് ചെയ്യേണ്ടി വന്നേക്കാം.

AirPods റീസെറ്റ് ചെയ്യുമ്പോൾ സ്റ്റാറ്റസ് ലൈറ്റ് വെള്ള നിറത്തിൽ മിന്നുന്നില്ലെങ്കിൽ

1. AirPods, ചാർജിംഗ് കെയ്‌സിൽ വച്ച് 20 സെക്കൻഡ് നേരത്തേക്ക് അടപ്പ് അടച്ചുവയ്ക്കുക.

2. ചാർജിംഗ് കെയ്‌സിന്റെ അടപ്പ് തുറക്കുക.

3. നിങ്ങളുടെ AirPods മോഡൽ അനുസരിച്ച്:

   • AirPods 1, AirPods 2, AirPods 3, AirPods Pro 1, AirPods Pro 2 എന്നിവയ്‌ക്ക്, കെയ്‌സിന്റെ മുൻഭാഗത്തുള്ള സ്റ്റാറ്റസ് ലൈറ്റ് ആംബർ നിറത്തിലും അതിന് ശേഷം വെള്ള നിറത്തിലും മിന്നുന്നത് വരെ, കെയ്‌സിലെ സജ്ജീകരണ ബട്ടൺ ഏകദേശം 15 സെക്കൻഡ് വീണ്ടും അമർത്തിപ്പിടിക്കുക.

   • AirPods 4 മോഡലുകൾക്കും AirPods Pro 3 മോഡലിനും, സ്റ്റാറ്റസ് ലൈറ്റ് ഓണായിരിക്കുമ്പോൾ കെയ്‌സിന്റെ മുൻഭാഗത്ത്ഡബിൾ ടാപ്പ് ചെയ്യുക, സ്റ്റാറ്റസ് ലൈറ്റ് വെള്ള നിറത്തിൽ മിന്നുമ്പോൾ വീണ്ടും ഡബിൾ ടാപ്പ് ചെയ്യുക. സ്റ്റാറ്റസ് ലൈറ്റ് അതിവേഗം മിന്നുമ്പോൾ, സ്റ്റാറ്റസ് ലൈറ്റ് ആംബർ നിറത്തിലും അതിന് ശേഷം വെള്ള നിറത്തിലും മിന്നുന്നത് വരെ മൂന്നാം തവണയും ഡബിൾ ടാപ്പ് ചെയ്യുക.

4. AirPods വീണ്ടും കണക്റ്റ് ചെയ്യാൻ: AirPods അതിന്റെ ചാർജിംഗ് കെയ്‌സിൽ വച്ച ശേഷം, അതിന്റെ അടപ്പ് തുറന്നിരിക്കുന്ന നിലയിൽ നിങ്ങളുടെ ഉപകരണത്തിന് സമീപം വയ്ക്കുക, തുടർന്ന് നിങ്ങളുടെ ഉപകരണത്തിന്റെ സ്‌ക്രീനിലുള്ള ഘട്ടങ്ങൾ പാലിക്കുക.

കൂടുതലറിയുക

നിങ്ങളുടെ റീപ്ലെയ്‌സ്‌മെന്റ് AirPods അല്ലെങ്കിൽ ചാർജിംഗ് കെയ്‌സ് സജ്ജീകരിക്കുക