ನಿಮ್ಮ iPhone ಅಥವಾ iPad ನಲ್ಲಿ ಇಮೇಲ್ ಕಳುಹಿಸಲು ನಿಮಗೆ ಸಾಧ್ಯವಾಗದಿದ್ದರೆ
ನಿಮ್ಮ iPhone ಅಥವಾ iPad ನಲ್ಲಿ Mail ಆ್ಯಪ್ನಿಂದ ಇಮೇಲ್ ಕಳುಹಿಸಲು ನಿಮಗೆ ಸಾಧ್ಯವಾಗದಿದ್ದರೆ, ನೀವು ಒಂದಷ್ಟು ಪರಿಹಾರಗಳನ್ನು ಪ್ರಯತ್ನಿಸಬಹುದು.
ನೀವು ಪ್ರಾರಂಭಿಸುವ ಮುನ್ನ
ನೀವು ಕೆಲವು ಸಂಗತಿಗಳನ್ನು ಮನಸ್ಸಿನಲ್ಲಿಟ್ಟುಕೊಳ್ಳಬೇಕು ಮತ್ತು ಪರಿಶೀಲಿಸಬೇಕು:
ನೀವು iCloud ಅಥವಾ iTunes ನಲ್ಲಿ iOS ಅಥವಾ iPadOS ಬ್ಯಾಕಪ್ ಮಾಡಿದಾಗ, ಇದು ನಿಮ್ಮ ಮೇಲ್ ಸೆಟ್ಟಿಂಗ್ಗಳನ್ನು ಬ್ಯಾಕಪ್ ಮಾಡುತ್ತದೆ, ಆದರೆ ನಿಮ್ಮ ಇಮೇಲ್ ಅನ್ನು ಅಲ್ಲ. ನಿಮ್ಮ ಇಮೇಲ್ ಖಾತೆ ಸೆಟ್ಟಿಂಗ್ಗಳನ್ನು ನೀವು ಅಳಿಸಿದರೆ ಅಥವಾ ಬದಲಾಯಿಸಿದರೆ, ಈ ಹಿಂದೆ ಡೌನ್ಲೋಡ್ ಮಾಡಲಾದ ಇಮೇಲ್ ಅನ್ನು ನಿಮ್ಮ ಸಾಧನದಿಂದ ತೆಗೆದುಹಾಕಲಾಗುತ್ತದೆ.
ನಿಮ್ಮ ಸಾಧನ ಇಂಟರ್ನೆಟ್ಗೆ ಕನೆಕ್ಟ್ ಆಗಿದೆ ಎಂಬುದನ್ನು ಖಾತ್ರಿಪಡಿಸಿಕೊಳ್ಳಿ.
ಸೇವೆ ಕಡಿತಗೊಂಡಿದ್ದರೆ ನಿಮ್ಮ ಇಮೇಲ್ ಸೇವಾ ಪೂರೈಕೆದಾರರನ್ನು ವಿಚಾರಿಸಿ. ನಿಮ್ಮ ಇಮೇಲ್ಗೆ ಯಾವ ಇಮೇಲ್ ಸೇವಾ ಪೂರೈಕೆದಾರರು ಹೊಂದಾಣಿಕೆಯಾಗುತ್ತಾರೆ ಎಂಬುದನ್ನು ತಿಳಿದುಕೊಳ್ಳಿ.
ನಿಮ್ಮ ಇನ್ಬಾಕ್ಸ್ ಅಥವಾ ಮೇಲ್ಬಾಕ್ಸ್ಗಳ ಪಟ್ಟಿಯಲ್ಲಿ ಕಳುಹಿಸುವುದನ್ನು ರದ್ದುಗೊಳಿಸಿ ಬಟನ್ ಅನ್ನು ಹುಡುಕಿ. ಕಳುಹಿಸುವುದನ್ನು ರದ್ದುಗೊಳಿಸಿ ಎಂಬ ಬಟನ್ ಲಭ್ಯವಿದ್ದರೆ, ಸಂದೇಶವನ್ನು ಕಳುಹಿಸಿಲ್ಲ ಎಂದರ್ಥ.
ನಿಮ್ಮ iCloud Mail ಅನ್ನು ಆ್ಯಕ್ಸೆಸ್ ಮಾಡಲು ನಿಮಗೆ ಸಾಧ್ಯವಾಗದಿದ್ದರೆ, ಅಥವಾ ನಿಮ್ಮ @icloud.com ಇಮೇಲ್ ವಿಳಾಸದ ಮೂಲಕ ಸಂದೇಶಗಳನ್ನು ಕಳುಹಿಸಲು ಹಾಗೂ ಸ್ವೀಕರಿಸಲು ಸಾಧ್ಯವಾಗದೇ ಇದ್ದರೆ, ಏನು ಮಾಡಬೇಕು ಎಂಬುದನ್ನು ತಿಳಿದುಕೊಳ್ಳಿ.
ಕಳುಹಿಸದಿರುವ ಇಮೇಲ್ ಅನ್ನು ನೋಡಲು ಔಟ್ಬಾಕ್ಸ್ ಅನ್ನು ಪರಿಶೀಲಿಸಿ
ನಿಮ್ಮ ಇಮೇಲ್ ಅನ್ನು ಕಳುಹಿಸಲಾಗಿಲ್ಲ ಎಂಬ ಸಂದೇಶ ನಿಮಗೆ ಬಂದರೆ, ಆ ಇಮೇಲ್ ಔಟ್ಬಾಕ್ಸ್ಗೆ ಹೋಗುತ್ತದೆ ಎಂದರ್ಥ. ಈ ಹಂತಗಳ ಮೂಲಕ ನಿಮ್ಮ ಔಟ್ಬಾಕ್ಸ್ ಅನ್ನು ಪರಿಶೀಲಿಸಿ ಮತ್ತು ಇಮೇಲ್ ಅನ್ನು ಮತ್ತೊಮ್ಮೆ ಕಳುಹಿಸಲು ಪ್ರಯತ್ನಿಸಿ:
Mail ನಲ್ಲಿ, ನಿಮ್ಮ ಮೇಲ್ಬಾಕ್ಸ್ಗಳ ಪಟ್ಟಿಗೆ ಹೋಗಿ.
ಔಟ್ಬಾಕ್ಸ್ ಅನ್ನು ಟ್ಯಾಪ್ ಮಾಡಿ. ನಿಮಗೆ ಔಟ್ಬಾಕ್ಸ್ ಕಾಣಿಸದಿದ್ದರೆ, ನಿಮ್ಮ ಇಮೇಲ್ ಅನ್ನು ಕಳುಹಿಸಲಾಗಿದೆ ಎಂದರ್ಥ.
ಔಟ್ಬಾಕ್ಸ್ನಲ್ಲಿರುವ ಇಮೇಲ್ ಅನ್ನು ಟ್ಯಾಪ್ ಮಾಡಿ. ಸ್ವೀಕರಿಸುವವರ ಇಮೇಲ್ ವಿಳಾಸ ಸರಿಯಾಗಿದೆಯೇ ಎಂಬುದನ್ನು ಖಾತ್ರಿಪಡಿಸಿಕೊಳ್ಳಿ.
ಕಳುಹಿಸಿ ಎಂಬುದನ್ನು ಟ್ಯಾಪ್ ಮಾಡಿ.
ನಿಮ್ಮ ಇಮೇಲ್ ವಿಳಾಸ ಹಾಗೂ ಪಾಸ್ವರ್ಡ್ ಅನ್ನು ಪರಿಶೀಲಿಸಿ
ನಿಮ್ಮ ಇಮೇಲ್ ಖಾತೆಗಾಗಿ ಪಾಸ್ವರ್ಡ್ ನಮೂದಿಸುವಂತೆ Mail ನಿಮಗೆ ಹೇಳಿದರೆ, ನಿಮ್ಮ ಪಾಸ್ವರ್ಡ್ ಸರಿಯಾಗಿದೆ ಎಂದು ಖಾತ್ರಿಪಡಿಸಿಕೊಳ್ಳಿ. ನಿಮ್ಮ ಇಮೇಲ್ ವಿಳಾಸ ಮತ್ತು ಪಾಸ್ವರ್ಡ್ ಅನ್ನು ಪರಿಶೀಲಿಸಲು, ನಿಮ್ಮ ಇಮೇಲ್ ಪೂರೈಕೆದಾರರ ವೆಬ್ಸೈಟ್ಗೆ ಸೈನ್ ಇನ್ ಮಾಡಿ.
ನೀವು ಬಳಕೆದಾರರ ಹೆಸರು ಅಥವಾ ಪಾಸ್ವರ್ಡ್ಗೆ ಸಂಬಂಧಿಸಿದ ದೋಷವನ್ನು ಈಗಲೂ ಎದುರಿಸುತ್ತಿದ್ದರೆ, ನಿಮ್ಮ ಇಮೇಲ್ ಪೂರೈಕೆದಾರರು ಅಥವಾ ಸಿಸ್ಟಂ ನಿರ್ವಾಹಕರನ್ನು ಸಂಪರ್ಕಿಸಿ.
ನಿಮ್ಮ ಇಮೇಲ್ ಪೂರೈಕೆದಾರರು ಅಥವಾ ಸಿಸ್ಟಂ ನಿರ್ವಾಹಕರನ್ನು ಸಂಪರ್ಕಿಸಿ
ನಿಮ್ಮ ಇಮೇಲ್ ಪೂರೈಕೆದಾರರನ್ನು ಸಂಪರ್ಕಿಸಿ ಅಥವಾ ಅವರ ಸೇವೆ ಸ್ಥಗಿತಗೊಂಡಿದೆಯೇ ಎಂಬುದನ್ನು ನೋಡಲು ಅವರ ಸ್ಟೇಟಸ್ ವೆಬ್ಪುಟವನ್ನು ಪರಿಶೀಲಿಸಿ.
ನಿಮ್ಮ ಇಮೇಲ್ ಖಾತೆಗೆ ಸಂಬಂಧಿಸಿದಂತೆ ನೀವು ಎರಡು-ಹಂತದ ಪರಿಶೀಲನೆಯಂತಹ ಭದ್ರತಾ ಫೀಚರ್ಗಳು ಅಥವಾ ನಿರ್ಬಂಧಗಳನ್ನು ಆನ್ ಮಾಡಿದ್ದೀರಾ ಎಂದು ನಿಮ್ಮ ಇಮೇಲ್ ಪೂರೈಕೆದಾರರು ಅಥವಾ ಸಿಸ್ಟಂ ನಿರ್ವಾಹಕರನ್ನು ಕೇಳಿ. ನಿಮ್ಮ ಸಾಧನದಲ್ಲಿ ಮೇಲ್ ಕಳುಹಿಸಲು ಮತ್ತು ಸ್ವೀಕರಿಸಲು ನಿಮಗೆ ವಿಶೇಷ ಪಾಸ್ವರ್ಡ್ ಬೇಕಾಗಬಹುದು ಅಥವಾ ನಿಮ್ಮ ಇಮೇಲ್ ಪೂರೈಕೆದಾರರಿಂದ ದೃಢೀಕರಣವನ್ನು ವಿನಂತಿಸಿಕೊಳ್ಳಬೇಕಾಗಬಹುದು.
ನಿಮ್ಮ ಇಮೇಲ್ ಪೂರೈಕೆದಾರರು ಅಥವಾ ಸಿಸ್ಟಂ ನಿರ್ವಾಹಕರ ಜೊತೆಗಿನ ನಿಮ್ಮ ಇಮೇಲ್ ಖಾತೆ ಸೆಟ್ಟಿಂಗ್ಗಳನ್ನು ಪರಿಶೀಲಿಸಿ ಮತ್ತು ಅವೆಲ್ಲವೂ ಸರಿಯಾಗಿವೆ ಎಂಬುದನ್ನು ಖಾತ್ರಿಪಡಿಸಿಕೊಳ್ಳಿ.
ನಿಮ್ಮ ಇಮೇಲ್ ಖಾತೆಯನ್ನು ತೆಗೆದುಹಾಕಿ ಹಾಗೂ ಅದನ್ನು ಮತ್ತೊಮ್ಮೆ ಸೆಟಪ್ ಮಾಡಿ
ನಿಮ್ಮ ಕಂಪ್ಯೂಟರ್ನಲ್ಲಿ, ನಿಮ್ಮ ಇಮೇಲ್ ಪೂರೈಕೆದಾರರ ವೆಬ್ಸೈಟ್ಗೆ ಸೈನ್ ಇನ್ ಮಾಡಿ. ನಿಮ್ಮ ಎಲ್ಲಾ ಇಮೇಲ್ಗಳು ಅಲ್ಲಿವೆ ಎಂಬುದನ್ನು ಖಾತ್ರಿಪಡಿಸಿಕೊಳ್ಳಿ ಅಥವಾ ನಿಮ್ಮ ಇಮೇಲ್ ಅನ್ನು iOS ಅಥವಾ iPadOS ಸಾಧನವನ್ನು ಹೊರತುಪಡಿಸಿ ಬೇರೆ ಎಲ್ಲಾದರೂ ಸೇವ್ ಮಾಡಿದ್ದೀರಿ ಎಂಬುದನ್ನು ಖಾತ್ರಿಪಡಿಸಿಕೊಳ್ಳಿ.
ನಿಮ್ಮ ಸಾಧನದಲ್ಲಿ, ಸೆಟ್ಟಿಂಗ್ಸ್ > ಆ್ಯಪ್ಗಳು > Mail ಗೆ ಹೋಗಿ, ನಂತರ Mail ಖಾತೆಗಳು ಎಂಬುದನ್ನು ಟ್ಯಾಪ್ ಮಾಡಿ.
ನೀವು ತೆಗೆದುಹಾಕಲು ಬಯಸುವ ಇಮೇಲ್ ಖಾತೆಯನ್ನು ಟ್ಯಾಪ್ ಮಾಡಿ.
ಖಾತೆಯನ್ನು ಅಳಿಸಿ ಎಂಬುದನ್ನು ಟ್ಯಾಪ್ ಮಾಡಿ.
ಈ ಲೇಖನದಲ್ಲಿರುವ ಹಂತಗಳಿಂದ ಸಹಾಯವಾಗದಿದ್ದರೆ, ಹೆಚ್ಚಿನ ಮಾಹಿತಿಗಾಗಿ ನಿಮ್ಮ ಇಮೇಲ್ ಸೇವಾ ಪೂರೈಕೆದಾರರನ್ನು ಸಂಪರ್ಕಿಸಿ.
ಇನ್ನಷ್ಟು ಸಹಾಯ ಬೇಕೇ?
ಏನಾಗುತ್ತಿದೆ ಎಂಬುದರ ಕುರಿತು ನಮಗೆ ಹೇಳಿ, ನೀವು ಮುಂದೆ ಏನು ಮಾಡಬಹುದು ಎಂಬುದರ ಕುರಿತು ನಾವು ಸಲಹೆ ನೀಡುತ್ತೇವೆ.
