Pro Display XDR мониторын VESA Mount Adapter адаптеріне тіркеу
Apple Pro Display XDR мониторын VESA Mount Adapter адаптеріне тіркеу үшін мына қадамдарды орындаңыз.
Маңызды: VESA орнату шешімі мен орнату әдісінің (болт немесе қапсырма түрі) Pro Display XDR мониторының салмағын (16,5 фунтқа/7,5 кг-ға дейін) көтеруге жеткілікті екенін тексеріңіз.
Маңызды: Pro Display XDR мониторына кездейсоқ соққы тимейтін орнату орнын таңдаңыз; Pro Display XDR мониторын төмен қарап тұратын етіп орнатпаңыз (мысалы, төбеге).
Шыныны сырып алмау үшін мониторды бетін төмен жұмсақ шүберекке қаратып орналастырыңыз.
VESA Mount Adapter адаптерінің артындағы істіктердің (жасылмен көрсетілген) монитор кірісіндегі тесіктермен (көкпен көрсетілген)тураланғанын тексеріңіз.
Адаптер Pro Display XDR мониторының артындағы кіріске тураланғаннан кейін, адаптерді істіктер орнына сырт етіп түскенше екі бағытта аздап бұраңыз. Құлып тік позицияда болады.
Адаптерді бекіту мақсатында құлыпты сағат тілінің бағытымен бұрау үшін берілген кілтті пайдаланыңыз.
Монитор дұрыс орнатылған кезде, құлып көлденең позицияда болады.
