Mac Pro компьютеріңізде бос орынды үнемдеңіз
Optimize Storage көмегімен файлдарды талап бойынша қолжетімді ету арқылы Mac Pro компьютеріңізде орынды автоматты түрде босатуыңызға болады. Ең ескі файлдарыңыз оларды кез келген уақытта жүктей алуыңыз үшін iCloud қызметіне және электрондық поштаңыздың IMAP немесе Exchange серверіне сақталады. Сондай-ақ, үлкен файлдарды анықтауға және жоюға арналған құралдар бар.
Жадты оңтайландырыңыз. Сақтау ұсыныстарын көру үшін Apple мәзірі 
> About This Mac тармағына өтіңіз, Storage түймесін, одан кейін Manage түймесін басыңыз. Mac компьютеріңізді қалай теңшегеніңізге қарай түрлі ұсыныстарды көресіз. Mac компьютеріңізде жад аз болса, Storage тақтасына сілтемесі бар ескертуді көресіз.
Параметрлерді келесіге орнату:
iCloud қызметінде сақтау: Барлық файлдарды, фотосуреттерді және хабарларды iCloud қызметінде сақтап, Mac компьютеріңізде орынды үнемдеңіз.
Desktop and Documents: Desktop and Documents қалталарыңыздан барлық файлдарды iCloud Drive қызметінде сақтаңыз. Жадта бос орын қажет болғанда, iCloud Drive соңғы ашылған файлдарды Mac компьютеріңізде сақтайды, ал ең ескі файлдарды талап бойынша қолжетімді етеді.
Photos: Фотосуреттер мен бейнелерді iCloud Photos қалтасында сақтаңыз. Жадта бос орын қажет болғанда, iCloud Photos қызметі Mac компьютеріңіздегі фотосуреттер мен бейненің оңтайландырылған нұсқаларын пайдаланады, ал түпнұсқаларды талап бойынша қолжетімді етеді.
Messages: Барлық хабарлар мен тіркемелерді iCloud қызметінде сақтаңыз. Жадта бос орын қажет болғанда, iCloud соңғы тіркемелерді Mac компьютеріңізде сақтайды, ал ең ескі файлдарды талап бойынша қолжетімді етеді.
Файлдарыңыз бұлтта сақталса да оларды Mac Pro компьютеріңізден тікелей аша аласыз. Mac компьютеріңіздегі iCloud мазмұныңызға қатынау бөлімін қараңыз.
Жадты оңтайландыру: Фильмдер мен телешоулардың TV қолданбасында сақталуын оңтайландыру арқылы Mac компьютеріңізде бос орынды үнемдеңіз. Фильмдерді немесе телешоуларды Mac Pro компьютеріңізден оларды қарағаннан кейін автоматты түрде жоюды таңдауыңызға болады. Оларды кез келген уақытта қайтадан жүктеп алуыңызға болады.
Қоқысты автоматты түрде босату: Trash себетінде 30 күннен артық жатқан элементтерді автоматты түрде өшіріңіз.
Ретсіздікті азайту: Үлкен файлдарды оңай анықтаңыз және бұдан әрі керек емес файлдарды жойыңыз. Үлкенірек файлдарды шолу үшін бүйірлік жолақтағы санаттарды басыңыз—Books, Documents, iCloud Drive, Mail, Messages, Music Creation, Photos, Trash және т.б.
Жұмыс істеу кезінде бос орынды үнемдеуіңізге көмектесу үшін macOS келесі әрекеттерді де орындайды:
Safari шолғышынан бірдей файлды екі рет жүктеп алуыңызды болдырмайды
Жаңа қолданбаны орнатуды аяқтаған кезіңізде орнатқыш бағдарламалық жасақтаманы жоюды ескертеді
Жад азайғанда жоюға қауіпсіз журналдар мен кэштерді тазалайды
Қосымша мәліметтер. Жүйе туралы ақпарат пайдаланушы нұсқаулығындағы Mac компьютеріңізде сақтау орнын оңтайландыру бөлімін қараңыз.