iPad құрылғысын дисплейге кабельмен қосу
Тиісті кабельмен немесе адаптермен iPad құрылғыңызды компьютер дисплейі, теледидар немесе проектор сияқты қосымша дисплейге қосуыңызға болады, ол жерде iPad экранын қарай аласыз.
Mac компьютеріңізді iPad жүйесіне қосу арқылы жұмыс кеңістігін кеңейту үшін iPad құрылғыңызды Mac компьютеріңіз үшін екінші дисплей ретінде пайдалану бөлімін қараңыз.
iPad құрылғысын Studio Display немесе Pro Display XDR дисплейіне қосу
Apple дисплейіңіз оны қуат көзіне қосып, дисплеймен бірге берілген Thunderbolt кабелін пайдаланып iPad құрылғыңызға (қолдау көрсетілетін үлгілер) қосқанда автоматты түрде қосылады. iPad құрылғыңыз дисплейге қосулы кезде зарядталады.
Studio Display немесе Pro Display XDR туралы қосымша ақпаратты Дисплейлер қолдауы веб-сайтынан қараңыз.
iPad құрылғыңызды USB-C портын пайдаланып қосу
USB-C порты бар үлгілерде iPad құрылғысын дисплейдегі USB немесе Thunderbolt 3 портына тікелей қоса алуыңыз мүмкін.
iPad құрылғыңызбен келетін зарядтау кабелі дисплейіңіздегі, теледидардағы немесе проектордағы портпен үйлесімді емес болса, келесі әрекеттерді орындаңыз:
USB-C Display AV адаптерін немесе USB-C VGA көп портты адаптерін iPad құрылғысының зарядтау портына қосыңыз.
HDMI немесе VGA кабелін адаптерге қосыңыз.
HDMI немесе VGA кабелінің екінші ұшын дисплейге, теледидарға немесе проекторға қосыңыз.
Қажет болса, дисплейде, теледидарда немесе проекторда дұрыс видео көзіне ауысыңыз. Көмек керек болса, дисплей нұсқаулығын пайдаланыңыз.
Егер дисплей iPad құрылғысына жалғанған кезде қосылмаса, оны iPad құрылғысынан ажыратып, қайта қосыңыз. Егер бұл жұмыс істемесе, дисплейді қуат көзінен ажыратып, қайта қосыңыз.
iPad Pro құрылғысындағы USB-C порты арқылы зарядтау және қосу атты Apple қолдау көрсету қызметінің мақаласын қараңыз.
iPad құрылғыңызда Lightning порты бар болса оны қосу
Lightning порты бар үлгілерде келесі әрекеттерді орындаңыз:
Lightning Digital AV Adapter немесе Lightning - VGA Adapter адаптерін iPad құрылғысының зарядтау портына қосыңыз.
HDMI немесе VGA кабелін адаптерге қосыңыз.
HDMI немесе VGA кабелінің екінші ұшын дисплейге, теледидарға немесе проекторға қосыңыз.
Қажет болса, дисплейде, теледидарда немесе проекторда дұрыс видео көзіне ауысыңыз. Көмек керек болса, дисплейіңізбен келген нұсқаулықты қараңыз.
iPad құрылғыңыз дисплейге, теледидарға немесе проекторға қосулы тұрғанда оны зарядтау үшін зарядтау кабелінің бір ұшын адаптердегі қосымша портқа кіргізіңіз, зарядтау кабелінің екінші ұшын қуат адаптеріне қосыңыз, одан кейін қуат адаптерін қуат розеткасына қосыңыз.