iPad құрылғысында отбасы мүшесі үшін «Экран уақыты» функциясын баптау

1. iPad құрылғыңызда «Реттеулер» қолданбасына  өтіңіз.

2. «Экран уақыты» түймесін түртіңіз, төмен жылжып, «Отбасы» түймесінің төменіндегі отбасы мүшесін таңдаңыз.

3. Мына әрекеттердің кез келгенін орындаңыз:

   • Отбасы мүшесінің бос уақытын жоспарлау үшін Экраннан алыс уақытты жоспарлау бөліміндегі нұсқауларды орындаңыз.

     Сұрауды «Хабарлар» қолданбасында немесе «Реттеулер»  > «Экран уақыты» тармағында қабылдауыңызға немесе қабылдамауыңызға болады.

   • Отбасы мүшесі үшін қолданбаны пайдалану шектеулерін орнату үшін Қолданбаны пайдалану үшін шектерді орнату бөліміндегі нұсқауларды орындаңыз.

   • Отбасы мүшеңізге барлық уақытта қолдануға рұқсат ету үшін қолданбалар мен контактілерді таңдау үшін Барлық уақытта рұқсат ету үшін қолданбалар мен контактілерді таңдау бөліміндегі нұсқауларды орындаңыз. Сондай-ақ отбасы мүшесінің контактілерін көруіңізге немесе өзгертуіңізге және қолданбалар үшін Жас ауқымын орнатуыңызға болады.

     Ескертпе: Отбасы мүшесіне денсаулық немесе арнайы мүмкіндіктер қолданбалары қажет болса, олардың «Рұқсат етілген қолданбалар» тізімінде екеніне көз жеткізіңіз. «Хабарлар» қолданбасына әрқашан рұқсат берілмесе, отбасыңыздың мүшесі демалыс уақытында немесе қолданба шектеуінің мерзімі аяқталғаннан кейін хабарларды (соның ішінде төтенше жағдай нөмірлері мен контактілерге) жібере немесе ала алмауы мүмкін.

   • Отбасы мүшелеріне миопия (жақыннан көргіштік) немесе көздің шаршау қаупін азайтуға көмектесу «Экранға дейінгі қашықтық» функциясын қосыңыз.

   • Жанұя мүшесі үшін Экран уақытының құпиякодын жасау үшін Экран уақытының құпиякодын жасау бөлімін қараңыз.

   • Отбасыңыз үшін Байланыс қауіпсіздігі мүмкіндіктерін қосу үшін Отбасы мүшесінің iPad құрылғысындағы хабарларда орынсыз суреттер мен видеолардың бар-жоғын тексеруді қосу немесе өшіру бөлімін қараңыз.

Сондай-ақ, жанұя мүшесі үшін келесі әрекеттердің кез келгенін орындауыңызға болады:

• Контентті блоктау және iTunes және App Store сервистерінде сатып алуға тыйым салу

• Нақты контактілерден қоңыраулар мен хабарларға рұқсат ету немесе оларды блоктау

1. iPad құрылғыңызда «Реттеулер» қолданбасына  өтіңіз.

2. «Экран уақыты» түймесін түртіңіз, одан кейін отбасы мүшесінің атын таңдаңыз. (Төменге жылжуыңыз керек болуы мүмкін.)

3. «Байланыс шектеулері» түймесін түртіңіз, одан кейін «[Балаңыздың] контактілерін басқару» реттеуін қосыңыз.

   Балаңызға контактілерді қосуға және өңдеуге рұқсат беру үшін «Контактіні өңдеуге рұқсат беру» реттеуін қосыңыз.

4. Балаңызға өз құрылғысындағы контактілерді басқару сұрауын мақұлдатқызыңыз.

5. Балаңыз сұрауды қабылдағаннан кейін келесі әрекеттердің кез келгенін орындаңыз:

   • Балаңыздың контактілерін қарау: «Контактілер» түймесін түртіңіз.

   • Балаңыздың контактілерін өңдеңіз: «Контактілер» түймесін түртіңіз, атты түртіңіз, одан кейін экранның жоғарғы оң жағындағы «Өңдеу» түймесін түртіңіз.

   • Балаңыздың контактілерінен біреуді өшіру: «Контактілер» түймесін түртіңіз, атты түртіңіз, одан кейін «Контактіні жою» түймесін түртіңіз. (Төменге жылжуыңыз керек болуы мүмкін.)

   • Балаңыздың контактілеріне біреуді қосу: «Контактілер» түймесін түртіңіз, жоғарғы оң жақ бұрыштағы қосу түймесін түртіңіз.

   Ескертпе: Балаңыздың контактілерін көрген немесе өзгерткен сайын баланың Экран уақыты құпиякодын енгізуіңіз керек

Отбасыңыздың мүшесінің iPad құрылғысына суреттер мен видеолардағы жалаңаштықтарды олар жіберілместен немесе алынбастан бұрын анықтатқызуыңызға болады. Бұл мүмкіндік «Хабарлар», «AirDrop», Контакт постерлері, «FaceTime», «Фотоларды таңдау» қолданбаларында және «Фотолар» қолданбасындағы ортақ альбомдарда қолжетімді. Жалаңаш фотолар немесе видеолар кейбір үшінші тарап қолданбаларында бөлісу үшін олар таңдалған кезде де анықталуы мүмкін.

Жалаңаштық болуы мүмкін фотоларды немесе видеоларды жіберу әрекеті анықталса, «Байланыс қауіпсіздігі» ескерту береді, қауіпсіз болу опцияларын береді және пайдалы ресурстарды қамтамасыз етеді. Фотолар мен видеолар құрылғыда талданады. Apple жалаңаштық анықталғаны туралы белгіні алмайды және фотоларға немесе видеоларға қол жеткізе алмайды.

Қосымша ақпарат алу үшін Балаңыздың Apple құрылғысындағы байланыс қауіпсіздігі туралы атты Apple қолдау көрсету қызметінің мақаласын қараңыз.

1. iPad құрылғыңызда «Реттеулер» қолданбасына  өтіңіз.

2. «Экран уақыты» түймесін түртіңіз, төмен жылжыңыз, одан кейін отбасы мүшесінің атын таңдаңыз.

3. «Байланыс қауіпсіздігі» түймесін түртіңіз, одан кейін «Байланыс қауіпсіздігі» реттеуін қосыңыз немесе өшіріңіз.

   «Экран уақыты» құпия кодын енгізуіңіз керек болуы мүмкін.

Бала аккаунтын орнатқанда, «Бала аккаунтын жасау» түймесін түрткеннен кейін баланың атын және туған күнін енгізесіз. Баланың жасы оның қол жеткізе алатын контентін автоматты түрде анықтайды. Сондай-ақ, «Контент және құпиялылық шектеулері» терезесіндегі айқындық рейтингтерін қолмен шектеу арқылы отбасы мүшеңіздің құрылғысындағы «Музыка», «Подкасттар» немесе «News» қолданбасындағыдай белгілі бір контенттің жасқа сәйкес келуін қамтамасыз етуге көмектесе аласыз.

1. Отбасыңыздың мүшесінің iPad құрылғысында «Реттеулер» қолданбасына  өтіңіз.

2. «Экран уақыты», «Контент және құпиялылық шектеулері» опцияларын түртіңіз, одан кейін «Контент және құпиялылық шектеулері» параметрін қосыңыз.

3. Нақты контент пен құпиялылық опцияларын таңдаңыз. Оғар қоса мына әрекеттердің кез келгенін орындаңыз:

   • Отбасы мүшеңіздің есту қабілетін қорғау үшін төмен жылжыңыз, «Қатты дыбысты азайту» түймесін түртіңіз, одан кейін «Рұқсат бермеу» реттеуін таңдаңыз. (Бұл құлаққаптың максималды дыбыс деңгейін өзгертуге жол бермейді.) Қатты құлақаспап дыбыстарын «Реттеулер» қолданбасында азайту бөлімін қараңыз.

   • Балаңыз белгілі бір қолданбалар мен мүмкіндіктерде қол жеткізе алатын контентті өзгерту үшін «Рұқсат етілген қолданбалар мен функциялар» түймесін түртіңіз, одан кейін оларды өшіріңіз. Қол жеткізуге рұқсат ету үшін оларды қосыңыз.

4. Жоғарғы сол жақтағы түймесін түртіңіз.

«Экран уақыты» реттеулерін кейінірек қосу немесе өзгерту үшін жоғарыдағы бөлімдерде сипатталған қадамдарды орындаңыз.