iPad құрылғысын ояту, құлпын ашу және құлыптау
iPad заряд үнемдеу үшін дисплейді өшіреді, қауіпсіздік үшін құлыптайды және оны пайдаланбай отырғаныңызда ұйқы режиміне өтеді. iPad құрылғысын қайтадан пайдаланғыңыз келгенде оны жылдап оятып, құлпын аша аласыз.
iPad құрылғысын ояту
iPad құрылғысын ояту үшін келесі әрекеттердің бірін орындаңыз:
Жоғарғы түймені басыңыз.
Экранды түртіңіз (қолдау көрсетілген үлгілерде).
Face ID арқылы iPad құлпын ашу
Face ID функциясы бар iPad құрылғыңыз болса, бірақ баптау кезінде Face ID функциясын қоспаған болсаңыз, Face ID функциясын баптау бөлімін қараңыз. Одан кейін мына қадамдарды орындаңыз:
Экранды түртіңіз, одан кейін iPad құрылғыңызға қараңыз.
iPad құрылғысының құлпы ашылғанын білдіру үшін құлып белгішесі жабық күйден ашық күйге өзгереді.
Экранның төменгі жағынан жоғары қарай сырғытыңыз.
iPad құрылғысын қайтадан құлыптау үшін жоғарғы түймені басыңыз. Экранды бір минут немесе одан көп уақыт бойы түртпесеңіз, iPad құрылғысы автоматты түрде құлыпталады. Дегенмен, «Attention Aware Features» реттеуі «Реттеулер» 
> «Face ID және құпиякод» тармағында қосылса, iPad назарды анықтаған уақыт бойы күңгірттелмейді немесе құлыптанбайды.
Touch ID арқылы iPad құлпын ашу
Touch ID функциясы бар iPad құрылғыңыз болса, бірақ баптау кезінде Touch ID функциясын қоспаған болсаңыз, Touch ID функциясын баптау бөлімін қараңыз. Одан кейін келесі әрекеттердің біреуін орындаңыз:
«Басты бет» түймесі бар iPad құрылғысында: «Басты бет» түймесін Touch ID функциясымен тіркеген саусағыңызды пайдаланып басыңыз.
iPad (10-буын және одан кейінгі), iPad mini (6-буын), iPad mini (A17 Pro) және iPad Air (4-буын және одан кейінгі): Touch ID функциясымен тіркеген саусағыңызды пайдаланып жоғарғы түймеге (Touch ID) қойыңыз.
iPad құрылғысын қайтадан құлыптау үшін жоғарғы түймені басыңыз. Экранды бір минут немесе одан көп уақыт бойы түртпесеңіз, iPad құрылғысы автоматты түрде құлыпталады.
Құпиякод арқылы iPad құлпын ашу
iPad құрылғысын баптаған кезде құпиякодты жасамаған болсаңыз, Құпиякод орнату бөлімін қараңыз. Одан кейін мына қадамдарды орындаңыз:
«Басты бет» түймесін басыңыз («Басты бет» түймесі бар iPad құрылғысында) немесе құлыптау экранының төменінен жоғарыға қарай сырғытыңыз (басқа iPad үлгілерінде).
Құпиякодыңызды енгізіңіз.
iPad құрылғысын құлыптау
Келесі әдістерді пайдаланып iPad құрылғысын құлыптауыңызға және экраны өшіруіңізге болады:
Қолмен: Жоғарғы түймені басыңыз.
Автоматты түрде: iPad құрылғысымен белгілі бір уақыт бойы әрекеттеспесеңіз, ол өздігінен құлыптанады. iPad құрылғысы автоматты түрде құлыптанатын уақытты өзгерту бөлімін қараңыз.