Apple аккаунтыңыздың қауіпсіздігі бұзылды деп ойласаңыз
Apple аккаунтыңызды рұқсаты жоқ адам пайдалана алуы мүмкін деп алаңдасаңыз, бұл қадамдар аккаунтыңызды басқару мүмкіндігін қалпына келтіруге көмектеседі.
Apple аккаунтыңыздың қауіпсіздігіне нұқсан келтірілгенін көрсететін белгілер
Apple сізге (хабарландыру немесе электрондық пошта арқылы) аккаунтыңыздағы бейтаныс әрекеттер (мысалы, егер Apple аккаунтыңызға біреу сізге бейтаныс құрылғыдан кірген болса немесе құпия сөзіңіз өзгертіліп, бірақ оны сіз өзгертпеген болсаңыз) туралы хабарлайды.
Сіз сұрамаған екі факторлы аутентификация кодын (не сенімді құрылғыда, не мәтіндік хабарлама арқылы) алдыңыз.
Сіз күмәнді әрекеттерді байқайсыз: сіз жібермеген хабарлар, сіз жоймаған жойылған элементтер, сіз өзгертпеген немесе сізге бейтаныс аккаунт мәліметтері, сіз қоспаған немесе танымайтын сенімді құрылғылар немесе таныс емес сатып алу операциясы.
Құпия сөзіңіз енді жұмыс істемейді.
Құрылғыңызды басқа біреу құлыптады немесе “Жоғалды” режиміне қойды.
Apple аккаунтыңызды басқару мүмкіндігін қолыңызға алыңыз
Apple аккаунтыңыздың құпия сөзін өзгертіңіз. Мықты және бірегей құпия сөзді пайдаланғаныңызға көз жеткізіңіз.
Егер Apple аккаунтыңыздың құпия сөзін басқа біреу өзгерткендіктен өзгерте алмасаңыз, құпия сөзді бастапқы күйге қайтарыңыз.
Қате немесе бейтаныс жеке ақпаратты немесе қауіпсіздік туралы ақпаратты жаңарту үшін account.apple.com өтіңіз.
account.apple.com ”Құрылғылар” тармағын таңдап, Apple аккаунтыңызбен байланысты кез келген бейтаныс құрылғыны жойыңыз.
Apple аккаунтыңызбен байланысты әрбір электрондық пошта мекенжайы мен телефон нөмірін басқаратыныңызға көз жеткізу үшін электрондық пошта провайдеріне және ұялы байланыс операторына хабарласыңыз. Мысалы, ұялы байланыс операторынан Apple аккаунтыңызбен байланысты телефон нөміріне SMS хабарларын басқаға бағыттау қосылмағанын нақтылаңыз.
Apple аккаунтының құпия сөзін бастапқы күйге қайтару немесе жүйеге кіру мүмкін болмаса
Егер Apple аккаунтының құпия сөзін бастапқы күйге қайтара алмасаңыз немесе account.apple.com кіре алмасаңыз, аккаунтты қалпына келтіруді бастау және аккаунтты қалпына келтіруді күту мерзімінен кейін пайдалану мүмкіндігін қалпына келтіру үшін iforgot.apple.com бөліміне өтіңіз.
Аккаунтты қалпына келтіру туралы толық ақпарат алыңыз
Apple аккаунтыңыздың қауіпсіздендігін қамтамасыз етіңіз
Apple аккаунтыңызды басқару мүмкіндігін қалпына келтіргеннен кейін, құрылғыларыңызда кірген барлық Apple аккаунттарын басқару және Apple аккаунтыңыздың қауіпсіздігі қамтамасыз етілгеніне көз жеткізу үшін осы нұсқауларды орындаңыз.
Құрылғыңызда қай Apple аккаунты ашық екенін біліңіз
Тек сіз басқаратын немесе сенетін Apple аккаунттарына кіргеніңізге көз жеткізу үшін құрылғылардың әрқайсысындағы параметрлерді тексеріңіз.
iPhone, iPad, iPod touch немесе Apple Watch құрылғыңызда «Реттеулер» қолданбасын ашыңыз, ал Mac құрылғысында «Жүйе реттеулері» (немесе «Жүйе параметрлері») тармағын ашыңыз.
Атыңызды көруіңіз керек. Атыңызды түртіп, Apple аккаунтыңызбен байланысты электрондық пошта мекенжайын тексеріңіз.
Әр құрылғыңыздан Apple аккаунтыңызбен кірген қызметтердің (соның ішінде FaceTime, Хабарлар, Медиа және сатып алу, Интернет аккаунтары, Пошта және Күнтізбе) реттеулерін тексеріңіз.
Windows жүйесіне арналған iCloud, HomePod (iPhone немесе iPad құрылғысындағы Home қолданбасы арқылы) және Apple TV (iCloud Photos немесе Home Sharing үшін) тексеріңіз.
Apple аккаунтыңыздың қауіпсіздігі қорғалғанына көз жеткізіңіз
Егер бұрын орнатпаған болсаңыз, Apple аккаунтына арналған екі факторлы аутентификацияны орнатыңыз. Бұл қосымша қауіпсіздік мүмкіндігі аккаунтыңызға (тіпті құпия сөзіңізді білсе де) басқа біреудің кіруіне жол бермеуге арналған.
Фишинг сияқты мақсатты шабуылдардан қосымша қорғау үшін Apple аккаунтыңызға арналған қауіпсіздік кілттерін пайдаланыңыз.
Сіз құпия сөзіңізді білетін және Apple аккаунтыңызға кіре алатын жалғыз адам болуыңыз керек.
Егер сіз білмейтін немесе сенбейтін адам Apple аккаунтыңызға кіре алса, аккаунтыңыз қорғалмаған.
Құрылғыңызды құпия кодпен қорғаңыз, ал егер біреу iPhone құрылғыңызды қолына түсіріп, құпия кодыңызды біліп алатын жағдайдағы қосымша қорғаныс үшін iPhone үшін «Ұрланған құрылғыны қорғау» функциясын қосыңыз.
Құрылғы жоғалған жағдайда оны қалай қорғау керектігін біліңіз
Құрылғы ұрланған жағдайда оны қалай қорғау керектігін біліңіз
Apple аккаунтыңыздың қауіпсіздігін қамтамасыз ету жолы туралы толығырақ біліңіз
