Егер сіз iPhone немесе iPad құрылғысында электрондық хат жібере алмасаңыз

Егер сіз iPhone немесе iPad құрылғыңыздағы Пошта қолданбасынан электрондық хат жібере алмасаңыз, мына әдістерді пайдаланып көріңіз.

Бастамас бұрын

Есте сақтау және тексеру қажет бірнеше жайт бар:

• Сіз iCloud немесе iTunes ішінде iOS немесе iPadOS сақтық көшірмесін жасағанда, электрондық хатыңыздың емес, пошта реттеулерінің сақтық көшірмесі жасалады. Электрондық пошта аккаунты реттеулерін жойсаңыз немесе өзгертсеңіз, алдыңғы жүктеп алынған электрондық хат құрылғыңыздан өшірілуі мүмкін.

• Құрылғыңыздың интернетке қосылғанына көз жеткізіңіз.

• Қызметтің істен шыққанын не шықпағанын білу үшін электрондық пошта қызметінің провайдеріне хабарласыңыз. Қай электрондық пошта қызметінің провайдері электрондық поштаңыздың аккаунтына сәйкес келетінін біліңіз.

• Кіріс қалтаңыздан немесе пошта жәшіктерінің тізімінен «Жіберуден бас тарту» түймесін табыңыз. «Жіберуден бас тарту» түймесі қолжетімді болмаса, хабар жіберілмеді.

• Сіз iCloud поштаңызды пайдалана алмасаңыз немесе @icloud.com электрондық мекенжайыңыз арқылы хабарларды жібере және ала алмағанда не істеу керек екенін біліңіз.

Жіберілмеген электрондық хаттың бар-жоғын Шығыс қалтасынан тексеріңіз

Электрондық хатыңыздың жіберілмегені туралы хабар алсаңыз, ол электрондық хат Шығыс қалтасына кетеді. Шығыс қалтасын тексеріп, осы қадамдар арқылы электрондық хатты қайта жіберіп көріңіз:

1. Пошта қолданбасында пошта жәшіктерінің тізіміне өтіңіз.

2. Шығыс қалтасын түртіңіз. Шығыс қалтасын көрмесеңіз, электрондық хатыңыз жіберілді.

   

3. Шығыс қалтасындағы электрондық хатты түртіңіз. Алушының электрондық мекенжайының дұрыстығын тексеріңіз.

4. «Жіберу» түймесін басыңыз.

Электрондық пошта мекенжайы мен құпиясөзді тексеру

Пошта қолданбасы электрондық пошта аккаунты үшін құпия сөзді енгізуді сұраса, құпия сөзіңіздің дұрыстығын тексеріңіз. Электрондық мекенжайыңыз бен құпия сөзіңіздің дұрыстығын тексеру үшін электрондық пошта провайдерінің веб-сайтына кіріңіз.

Пайдаланушы атына немесе құпия сөзге қатысты қате шыға берсе, электрондық пошта провайдеріне немесе жүйе әкімшісіне хабарласыңыз.

Электрондық пошта провайдеріне немесе жүйе әкімшісіне хабарласу

1. Қызмет жұмысында ақау бар-жоғын тексеру үшін электрондық пошта провайдеріне хабарласыңыз немесе веб-бет күйін тексеріңіз.

2. Электрондық пошта провайдерінен немесе жүйе әкімшісінен электрондық пошта аккаунтыңыз үшін екі қадамдық тексеру сияқты қауіпсіздік функцияларын немесе шектеулерді қосқаныңызды не қоспағаныңызды сұраңыз. Құрылғыңызда электрондық хат жіберу және алу үшін арнайы құпия сөз қажет болуы немесе провайдеріңізден авторизация сұрауыңыз қажет болуы мүмкін.

3. Электрондық пошта аккаунты реттеулерінің дұрыстығына көз жеткізу үшін оларды электрондық пошта провайдерімен немесе жүйе әкімшісімен бірге тексеріңіз.

Электрондық пошта аккаунтын жойып, қайта орнату

1. Компьютеріңізде электрондық пошта провайдерінің веб-сайтына кіріңіз. Барлық электрондық хаттарыңыздың бар екеніне немесе хаттарыңыздың iOS не iPadOS құрылғысынан бөлек жерде сақталғанына көз жеткізіңіз.

2. Құрылғыңызда «Реттеулер» > «Қолданбалар» > «Пошта» бөліміне өтіп, «Пошта аккаунттары» түймесін түртіңіз.

3. Жою қажет электрондық пошта аккаунтын түртіңіз.

4. «Аккаунтты жою» түймесін түртіңіз.

5. Аккаунтыңызды қайта қосыңыз.

Осы мақаладағы қадамдар көмектеспесе, толығырақ ақпарат алу үшін электрондық пошта қызметінің провайдеріне хабарласыңыз.