Aðalhljóðnemi fyrir iPhone Air
Áður en hafist er handa
Viðvörun
Lesið Öryggi rafhlöðu og fylgið leiðbeiningum um vinnuumhverfi og meðhöndlun rafhlöðu áður en hafist er handa.
Verkfæri
Límskeri
50 mm stjörnubiti
ESD-örugg töng
Nemi úr næloni (svartur teinn)
Átaksmælir (grár, 0,55 kgf cm)
44 mm Trilobe-hálfmánabiti
Skoðið ítarlegan lista yfir verkfæri sem þarf fyrir allar viðgerðir.
Losun
Athugið: Ef losunarskrefum er þegar lokið skal fara beint í samsetningu.
Mikilvægt
Ljúkið losunarskrefum 1 til 3 fyrir glerbakstykkið. Haldið síðan áfram í skref 1.
Notið átaksmæli og trilobe-bitann til að fjarlægja tvær trilobe-skrúfur.
Notið átaksmæli og stjörnubitann til að fjarlægja sex stjörnuskrúfur. Ljúkið síðan öllu skrefinu áður en haldið er áfram í næsta skref.
Fjarlægið hlífar móðurborðsins og glerbakstykkisins og geymið þær fyrir samsetningu.
Lyftið endum sveigjanlega rafhlöðukapalsins (1) og sveigjanlega kapalsins fyrir glerbakstykkið (2) frá tengjunum.
Varúð: Aftengja verður sveigjanlega rafhlöðukapalinn fyrst til að tryggja að slökkt sé á iPhone-símanum.
Haldið í brúnir glerbakstykkisins. Togið í flipana á sogskálunum til að losa þær af glerbakstykkinu. Setjið síðan glerbakstykkið á hvolf á hreint, flatt yfirborð.
Fjarlægið kverkahlíf Taptic Engine og hlíf Taptic Engine og geymið þær fyrir samsetningu.
Notið svarta teininn eða límskera til að skilja sveigjanlega kapal Taptic Engine frá sveigjanlega kapli USB-C tengisins. Ljúkið síðan öllu skrefinu áður en haldið er áfram í næsta skref.
Lyftið endanum á sveigjanlegum kapli Taptic Engine úr tenginu.
Fjarlægið Taptic Engine.
Takið endann á sveigjanlega kaplinum fyrir hljóðnemann úr sambandi við tengið.
Fjarlægið aðalhljóðnemann.
Samsetning
Skýringarmynd fyrir skrúfur
Hreinsið límleifar úr hulstrinu.
Flettið hlífðarfilmunni af nýja aðalhljóðnemanum og komið aðalhljóðnemanum fyrir í hulstrinu. Þrýstið aðalhljóðnemanum á sinn stað í 20 sekúndur til að virkja límið.
Þrýstið enda sveigjanlegs kapals aðalhljóðnemans að tenginu.
Notið gráa átaksmælinn til að skrúfa eina nýja stjörnuskrúfu (923-13686) aftur í aðalhljóðnemann.
Setjið eftirfarandi hluti aftur í til að ljúka samsetningu: