iPad (A16) hnappur að ofan

Áður en hafist er handa

Viðvörun

Lesið Öryggi rafhlöðu og fylgið leiðbeiningum um vinnusvæði og meðhöndlun rafhlaðna áður en hafist er handa.

Mikilvægt

Ef skip er um þennan hlut er mælt með því að keyra Viðgerðaraðstoð til að virkja öryggiseiginleika. Viðgerðaraðstoðin er í boði í tækinu þegar öllum samsetningarskrefum er lokið.

Losun

Athugið: Ef sundurhlutunarskrefum er þegar lokið skal fara beint í samsetningu.

1. Notið átaksmæli og JCIS-skrúfbitann til að fjarlægja eina krosshausaskrúfu úr tengihlíf myndavélar (1), eina krosshausaskrúfu úr sveigjanlega kaplinum fyrir hnappinn að ofan (2) og tvær krosshausaskrúfur úr festingunni fyrir hnappinn af ofan (3). Setjið skrúfurnar til hliðar.

   

2. Fjarlægið tengihlíf myndavélarinnar og geymið hana fyrir samsetningu.

   

3. Takið endann á sveigjanlega kaplinum fyrir hnappinn að ofan úr sambandi við tengið.

   

4. Flettið síðan sveigjanlega kaplinum fyrir hnappinn að ofan gætilega af hulstrinu.

   

5. Notið verkfærið til að fjarlægja lím til að losa festinguna úr hulstrinu. Fjarlægið festinguna og sveigjanlega kapalinn fyrir hnappinn að ofan.

   

Samsetning

1. Notið etanólþurrku eða IPA-þurrku til að strjúka af opinu fyrir hnappinn að ofan í hulstrinu.

   

2. Komið nýja sveigjanlega kaplinum fyrir hnappinn að ofan og festingunni fyrir í opinu á hulstrinu.

   

3. Haldið um festinguna og ýtið á hnappinn að ofan til að ganga úr skugga um að það smelli í honum eins og á að gera. Ef það heyrist smellur í hnappinum, eins og á að gera, er haldið áfram í skref 4. Ef það gerist ekki skal fjarlægja hnappinn að ofan og festinguna og endurtaka síðan samsetningarskref 1 til og með 3.

4. Notið bláa átaksmælinn og JCIS-skrúfbitann til að skrúfa tvær nýjar krosshausaskrúfur í festinguna (1) og eina nýja krosshausaskrúfu í sveigjanlega kapalinn fyrir hnappinn að ofan (2):

   • Tvær skrúfur (452-11913) (1)

   • Ein skrúfa (452-11907) (2)

     

5. Þrýstið enda sveigjanlegs kapals hnappsins að ofan að tenginu.

   

6. Setjið tengihlíf myndavélarinnar aftur upp. Notið síðan gráa átaksmælinn og JCIS-skrúfbitann til að skrúfa eina nýja krosshausaskrúfu (452-11910) í tengihlífina.

   

Settu eftirfarandi hluti aftur í til að ljúka samsetningu:

• Hulstursgler og skjár

Mikilvægt

Viðgerðaraðstoðin er í boði í tækinu þegar öllum samsetningarskrefum er lokið og hennar er krafist til að virkja öryggiseiginleika. Upplýsingar um hvernig á að ræsa viðgerðaraðstoð.

Athugið: Ef viðgerðaraðstoð hefur ekki verið keyrð gæti varahluta- og þjónustuferill tækisins sýnt stöðu íhlutar sem „ljúka viðgerð“ og Apple Diagnostics fyrir viðgerð í sjálfsafgreiðslu kann að sýna stöðu íhlutar sem „óþekkt“.