Mac mini (2024) Móðurborð
Áður en hafist er handa
Fjarlægið eftirfarandi hluta áður en hafist er handa:
- Mikilvægt: Fjarlægið SSD eininguna eingöngu ef verið er að skipta um móðurborðið. Flytjið SSD eininguna úr fyrra móðurborðinu yfir í nýja móðurborðið. 
 
Verkfæri
- Stillanlegur átaksmælir (10–34 Ncm) 
- Stillanlegur átaksmælir (0,3–1,2 Nm) 
- Torx Plus 5IP 50 mm biti 
- Torx Plus 8IP 89 mm biti 
Kynnið ykkur ítarlegan lista yfir verkfæri sem þarf fyrir allar viðgerðir.

Varúð
- Ef skipt er um þennan íhlut er ráðlagt að keyra viðgerðaraðstoð fyrir hugbúnað til þess að ljúka viðgerðinni. Viðgerðaraðstoðin er í boði í tækinu þegar öllum samsetningarskrefum er lokið. 
- Ef skipt er um móðurborð þarf að nota aðra Mac-tölvu með nýjustu útgáfu af macOS til að endurheimta Mac-tölvuna áður en viðgerðaraðstoðarferlið er ræst. 
Losun
Athugið: Ef sundurhlutunarskrefum er þegar lokið skal fara beint í samsetningu.
- Notið 0,3–1,2 Nm stillanlega átaksmælinn og 8IP bitann til að fjarlægja þrjár 8IP skrúfur úr móðurborðinu. - 923-11050 (1) 
- 923-11049 (2)  
 
- Notið 10–34 Nm stillanlega átaksmælinn og 5IP bita til að fjarlægja tvær 5IP skrúfur (923-11051) úr safnleiðaranum.  
- Haldið um kæliplötuna og rennið móðurborðinu varlega að framhlið hússins þar til USB-C spjöldin að aftan, HDMI-spjaldið og Ethernet-spjaldið eru komin fram yfir brún hússins.  - Athugið: Jöfnunarpinnar safnleiðarans ættu að losna úr götunum á móðurborðinu þegar því er rennt að framhlið hússins.  
 
- Lyftið móðurborðinu eins og sýnt er (1) og snúið svo móðurborðinu (2) til að komast að rafmagnstenginu undir móðurborðinu. - Varúð: Rafmagnskapallinn er enn tengdur við móðurborðið. Ekki skemma rafmagnskapalinn þegar móðurborðinu er snúið út úr húsinu.  
 
- Takið enda rafmagnskapalsins úr tenginu á móðurborðinu.  
- Lyftið síðan móðurborðinu úr húsinu. 
Samsetning
- Stingið enda rafmagnskapalsins í tengið á móðurborðinu.  
- Snúið móðurborðinu þannig að það flútti við húsið (1) og látið síðan móðurborðið síga niður í húsið eins og sýnt er (2).  
- Haldið um kæliplötuna og rennið móðurborðinu í átt að húsinu aftanverðu þar til USB-C spjöldin að aftan, HDMI-spjaldið og Ethernet-spjaldið flútta við opin aftan á húsinu.  
- Gætið þess að jöfnunarpinnum safnleiðarans sé stungið í opin á móðurborðinu eins og sýnt er. Ef pinnarnir eru ekki í götunum skal færa móðurborðið varlega þar til þeir stingast í götin.  
- Stillið herslugildi 10–34 Ncm stillanlega átaksmælisins á 13 Ncm. 
- Notið stillanlega átaksmælinn og 5IP-bita til að skrúfa tvær 5IP-skrúfur (923-11051) aftur í safnleiðarann.   
- Stillið herslugildi 0,3–1,2 Nm stillanlega átaksmælisins á 0,65 Nm. 
- Notið stillanlega átaksmælinn og 8IP-bitann til að skrúfa þrjár 8IP-skrúfur aftur í móðurborðið. - 923-11050 (1)  
- 923-11049 (2)   
 
Setjið eftirfarandi hluti aftur í til að ljúka samsetningu:
- Mikilvægt: Setið SSD eininguna aftur upp ef skipt var um móðurborðið. 
 
Varúð
- Viðgerðaraðstoðin er í boði í tækinu þegar öllum samsetningarskrefum er lokið og mælt er með að keyra hana til að ljúka viðgerðinni. Upplýsingar um hvernig á að ræsa viðgerðaraðstoð. 
- Ef móðurborðinu er skipt út fer tölvan ekki í gang og gaumljósið blikkar appelsínugult. Fylgið leiðbeiningunum til að endurheimta Mac-tölvuna. Ræsið síðan viðgerðaraðstoð.