iMac (24 tommu, 2024) Endursamsetning skjás
Áður en hafist er handa
Hætta
Lesið Rafmagnsöryggi áður en hafist er handa.
Viðvörun
Lesið Öryggi vegna brotins glers áður en hafist er handa.
Fjarlægið eftirfarandi hlut áður en hafist er handa:
Verkfæri
Skjástandur
Etanólþurrkur eða IPA-þurrkur (ísóprópýlalkóhól)
Kapton-límband
Örfínn frotteklútur
Málningarlímband (1 til 2 tommur á breidd)
Öryggisgleraugu með hliðarhlífum
Skæri
Sílikonrúlla
Límdúkar
Stoðfleygar
Skoðið ítarlegan lista yfir verkfæri sem þarf fyrir allar viðgerðir.
Varúð
Þetta ferli krefst kerfisstillingar. Eftir að öllum sundurhlutunar- og samsetningarskrefum er lokið skal athuga hvernig hefja á kerfisstillingarferlið.
Samsetning
Notið etanól- eða IPA-þurrkur til að fjarlægja leifar af skjálími af skjánum og húsinu.
Mikilvægt: Skoðið leiðbeiningar um fjarlægingu skjás til að kynna ykkur hvernig skal fjarlægja límleifar af skjá.
Gangið úr skugga um að tölvan sé hrein og laus við óhreinindi.
Leggið límborðana á sléttan flöt og athugið hvort þeir séu skemmdir og krumpaðir.
970-01974 (1)
946-25207 (2)
946-25208 (3)
iMac (24 tommu, 2024, tvö tengi) (946-31564) (4), iMac (24 tommu, 2024, fjögur tengi) (946-18118) (4)
- Varúð: Neðri límborðinn er mismunandi eftir gerðum. Gangið úr skugga um að notaður sé réttur límborði fyrir gerðina sem gert er við.
- Varúð: Skemmdir borðar geta valdið útlitsgalla og ljósleka. Samloðun skjásins og hússins getur einnig orðið veikari. Ef límborðarnir eru skemmdir eða krumpaðir skal skipta um þá.
Athugið: Límborðar skjásins eru með tvö lög af lími með frauðlagi á milli. Pappírsfilma er yfir borðanum á undirhliðinni og plastfilma er yfir honum á yfirhliðinni. Litirnir á filmunum geta verið mismunandi.
Leggið húsið flatt niður eins og sýnt er. Flettið litlum pappírsfilmubút af einum límborða skjásins.
Mikilvægt: Bíðið með að fjarlægja plastfilmuna af límborða skjásins.
Athugið: Ef tölvan er með millistykki fyrir VESA-festingu skal láta tölvuna liggja flata á VESA-stoðfleygnum.
Látið límborða skjásins flútta við samsvarandi brún á húsinu og þrýstið filmulausa hluta límborðans á húsið.
Flettið pappírsfilmunni af í skrefum og þrýstið líminu á brún hússins þar til allur borðinn er límdur við.
Endurtakið skref 4 til 6 til að líma eftirstandandi límborða á skjáinn. Haldið svo áfram að skrefi 8.
Skoðið hvernig límborði skjásins liggur. Gangið úr skugga um að engar krumpur eða innilokað loft sé til staðar.
Snúið húsinu þannig að efri brúinn sé næst ykkur. Komið stoðfleygunum fyrir í húsinu eins og sýnt er.
Ef Kapton-límband var notað til að festa sveigjanlegan kapal myndavélar og eDP og sveigjanlegan kapal fyrir baklýsingu skjás við húsið við sundurhlutun skal fjarlægja Kapton-límbandið.
Setjið neðri brún skjásins í raufina á stoðfleygsstandinum. Hvílið skjáinn á þríhyrningslaga stoðfleygunum.
Stingið endanum á sveigjanlegum skjákapli baklýsingar í tengið aftan á skjánum (1).
Festið límbandið yfir tengið fyrir sveigjanlegan skjákapal baklýsingar (2).
Mikilvægt: Ef límbandið skemmdist þegar það var fjarlægt skal henda því og nota límbandið sem fylgir með í byrjunar- eða áfyllingarpakka fyrir skjá.
Stingið tveimur endum á sveigjanlegum kapli myndavélar og eDP í tengin (1) aftan á skjánum. Lokið síðan lásörmunum (2).
Lyftið efri brún skjásins örlítið. Fjarlægið síðan þríhyrningslaga stoðfleygana tvo úr húsinu.
Takið skjáinn varlega úr raufinni á stoðfleygsstandinum (1). Leggið síðan efri brún skjásins á húsið (2).
- Varúð: Ekki strekkja á sveigjanlegu köplunum þegar skjárinn er færður til.
Setjið flötu hlið skjásins á húsið. Efri brún skjásins á að hanga rétt yfir efri brún hússins.
Látið skjáinn flútta við húsið. Setjið síðan tvær ræmur af málningarlímbandi á efri hluta tölvunnar til að festa skjáinn tímabundið við húsið.
Haldið skjánum í flútti við húsið þegar tölvan er reist varlega upp. Skjárinn mun hliðrast örlítið til þegar hann krækist á hanka skjásins og samræmist við brúnir hússins.
- Varúð: Skjánum er aðeins haldið að hluta til á sínum stað með hönkum skjásins í húsinu. Haldið skjánum í flútti við húsið til að tryggja að skjárinn detti ekki af hönkunum.
Athugið: Ef tölvan er með millistykki fyrir VESA-festingu skal láta tölvuna standa upprétta á skjástandinum.
Gangið úr skugga um að skjárinn og húsið séu í réttri stöðu á öllum fjórum hliðum. Lagið síðan málningarlímbandsræmurnar tvær svo að þær passi vel yfir efri hluta tölvunnar.
Takið skjáinn rétt mátulega frá húsinu til að fjarlægja filmurnar af skjálímborðunum tveimur á neðri hluta hússins.
Athugið: Fjarlægið filmurnar með því að nota flipana á miðju húsinu eins og sýnt er.
Takið skjáinn rétt mátulega frá húsinu til að fjarlægja filmurnar af skjálímborðunum tveimur á neðri hlutanum á hvorri hlið hússins.
Athugið: Fjarlægið filmurnar með því að nota flipana á miðju húsinu eins og sýnt er.
Fjarlægið tvær ræmur af málningarlímbandi af efri hluta tölvunnar.
Setjið tvær ræmur af málningarlímbandi á neðri hluta tölvunnar. Þrýstið límbandinu á skjáinn til að tryggja að það festist vel.
Takið skjáinn rétt mátulega frá húsinu til að fjarlægja filmurnar af skjálímborðunum tveimur á efri hlutanum á hvorri hlið hússins.
Athugið: Fjarlægið filmurnar með því að nota flipana á miðju húsinu eins og sýnt er.
Takið skjáinn rétt mátulega frá til að fjarlægja filmurnar af skjálímborðunum tveimur á efri hluta hússins.
Athugið: Fjarlægið filmurnar með því að nota flipana á miðju húsinu eins og sýnt er.
Leggið tölvuna flata og látið skjáinn snúa upp. Fjarlægið síðan málningarlímbandið.
Takið filmuna af límdúknum. Rúllið silíkonrúllunni fram og til baka á límdúknum til að hreinsa rúlluna.
Rúllið silíkonrúllunni fram og til baka eftir neðri hluta og hliðum skjásins til að festa límborðana.
Athugið: Ef tölvan er með millistykki fyrir VESA-festingu skal leggja hana á þríhyrningslaga stoðfleygana tvo.
Staðsetjið þríhyrningslaga stoðfleygana eins og sýnt er.
Fjarlægið stoðfleyginn af tölvunni og leggið tölvuna á þríhyrningslaga stoðfleygana þannig að skjárinn vísi upp.
Rúllið silíkonrúllunni fram og til baka eftir efri brún skjásins til að festa skjálímborðana.
Hreinsið skjáinn með örfínum frotteklút.
Varúð
Eftir að öllum sundurhlutunar- og samsetningarskrefum er lokið skal athuga hvernig hefja á kerfisstillingarferlið.
Kerfisstilling er nauðsynleg ef nýr skjár eða móðurborð var sett í.
Ef skipt var um móðurborð ræsir tölvan sig í greiningarham þar til kerfisstillingu er lokið.
Ef skipt var um skjá er ekki víst að birtustig skjásins og „Réttur tónn“ virki sem skyldi fyrr en að lokinni kerfisstillingu.