MacBook Air (15 tommu, M3, 2024) Hljóðspjald
Áður en hafist er handa
Viðvörun
Lesið Öryggi rafhlöðu og fylgið leiðbeiningum um vinnuumhverfi og meðhöndlun rafhlöðu áður en hafist er handa.
Fjarlægið eftirfarandi hluta áður en hafist er handa:
Verkfæri
Stillanlegur átaksmælir (10–34 Ncm)
ESD-örugg flísatöng
Nemi úr næloni (svartur teinn)
Átaksmælir (blár, 0,65 kgf. cm)
Torx Plus 3IP 44 mm hálfmánabiti
Torx Plus 5IP 50 mm biti
Kynnið ykkur ítarlegan lista yfir öll verkfæri sem þarf fyrir allar viðgerðir.
Mikilvægt
Ef hljóðspjaldið er fjarlægt þarf að setja nýtt upp í staðinn.
Losun
Notið svarta teininn til að lyfta upp svampinum á tengihlíf hljóðspjaldsins (1).
Notið bláa átaksmælinn og 3IP bita til að fjarlægja 3IP skrúfuna (923-08925) úr tengihlíf hljóðspjaldsins (2). Fjarlægið hlífina og geymið hana fyrir samsetningu.
Notið slétta enda svarta teinsins til að lyfta endanum á sveigjanlega kapli hljóðspjaldsins af tenginu.
Notið slétta enda svarta teinsins til að lyfta endanum á sveigjanlega kapli hornskynjara fyrir lok af tenginu.
Flettið sveigjanlegum kapli hljóðspjaldsins varlega af topphulstrinu.
Notið 10–34 Ncm stillanlega átaksmælinn og 5IP bita til að fjarlægja tvær 5IP skrúfur (923-08924) úr hljóðspjaldinu.
Glennið sundur ESD-öruggu töngina og rennið öðrum oddi hennar undir tengi hornskynjara fyrir lok til að losa um límið.
Athugið: Límið undir tengi hornskynjara fyrir lok er mjög sterkt.
Hallið hljóðspjaldinu upp og fjarlægið það úr topphulstrinu.
Notið svarta teininn og ESD-örugga töng til að fjarlægja allar límleifar eða hluta sem eftir eru af tengi hornskynjara fyrir lok úr topphulstrinu. Lögin í tengi hornskynjara fyrir lok geta aðskilist þegar hann er fjarlægður.
Samsetning
Fjarlægið límfilmuna af tengi hornskynjara fyrir lok á hljóðspjaldinu.
Mikilvægt: Ekki fjarlægja límfilmuna af sveigjanlega kapli hljóðspjaldsins.
Setjið hljóðspjaldið í topphulstrið (1).
Mikilvægt: Gangið úr skugga um að sveigjanlegur kapall hornskynjara fyrir lok (2) klemmist ekki undir tengi hornskynjara fyrir lok (3) á hljóðspjaldinu.
Stillið herslugildi 10–34 Ncm stillanlega átaksmælisins á 16 Ncm. Þrýstið hljóðspjaldinu varlega upp við topphulstrið (1) og notið stillanlega átaksmælinn og 5IP bita til að skrúfa tvær 5IP skrúfur (923-08924) aftur í hljóðspjaldið (2).
VARÚÐ: Ekki ýta á tengi hornskynjara fyrir lok sem er merkt með rauðum lit.
Tryggið að tengi hornskynjara fyrir lok flútti við skjálömina og brún topphulstursins eins og sýnt er.
Mikilvægt: Ef tengi hornsskynjara fyrir lok flúttar ekki við skal losa um 5IP skrúfurnar tvær. Stillið stöðu tengis hornskynjara fyrir lok og endurtakið samsetningarskref 3.
Þrýstið endanum á sveigjanlegum kapli hornskynjara fyrir lok á tengi hornskynjara fyrir lok á hljóðspjaldinu. Haldið honum niðri í 30 sekúndur til að virkja límið.
Þrýstið enda sveigjanlega kapals hljóðspjaldsins á tengið (1). Notið síðan slétta enda svarta teinsins til að lyfta sveigjanlega kaplinum varlega og stilla 90 gráðu sveigju sveigjanlega kapalsins við tengið á millispjaldinu (2).
Haldið áfram að þrýsta enda sveigjanlega kapals hljóðspjaldsins á tengið (1). Notið síðan ESD-örugga töng til að fletta límfilmunni af sveigjanlega kaplinum (2).
Notið slétta enda svarta teinsins til að þrýsta sveigjanlega kapli hljóðspjaldsins varlega á hljóðspjaldið til að mynda 90 gráðu sveigju.
Gangið úr skugga um að sveigjanlegur kapall hljóðspjaldsins sé samsíða brúninni á topphulstrinu (1) og samsíða tengi hljóðspjaldsins á millispjaldinu (2).
Mikilvægt: Sveigjanlegi kapall hljóðspjaldsins ætti að liggja flatur í topphulstrinu.
Ýtið svo á og haldið sveigjanlega kapli hljóðspjaldsins niðri í 30 sekúndur til að festa hann við topphulstrið.
Þrýstið enda sveigjanlega kapals hljóðspjaldsins á tengið til að tryggja að hann losni ekki þegar hann er færður til.
Setjið tengihlíf hljóðspjaldsins yfir endann á sveigjanlegum kapli hljóðspjaldsins.
Mikilvægt: Hafið í huga staðsetningu tengihlífar hljóðspjaldsins á myndinni hér fyrir neðan. Gangið úr skugga um að brún tengihlífarinnar sitji undir kæliplötunni og að svamphlífin sitji ofan á kæliplötunni.
Notið slétta enda svarta teinsins til að lyfta upp svampinum á tengihlíf hljóðspjaldsins (1).
Notið bláa átaksmælinn og 3IP bita til að skrúfa eina 3IP skrúfu (923-08925) aftur í tengihlíf hljóðspjaldsins (2).
Setjið eftirfarandi hluti aftur í til að ljúka samsetningu: