iPhone 15 Pro Max myndavél

Áður en hafist er handa

Viðvörun

Lestu Öryggi rafhlöðu og fylgdu leiðbeiningum um vinnuumhverfi og meðhöndlun rafhlöðu áður en hafist er handa.

Varúð

• Þetta ferli krefst kerfisstillingar. Þegar skrefum sundurhlutunar og samsetningar er lokið skal athuga hvernig hefja á kerfisstillingarferlið á support.apple.com/self-service-repair.

• Ekki snerta TrueDepth-myndavélasamstæðuna eða nálæga hluti til að forðast skemmdir á linsunum.

Losun

1. Settu hulstrið í viðgerðarbakkann þannig að að UBC-tengið snúi að hakinu.

2. Settu á þig hanska til að forðast að óhreinka myndavélarlinsurnar.

3. Notaðu átaksskrúfjárn og JCIS-bitann til að fjarlægja stjörnuskrúfurnar þrjár úr myndavélinni.

   

4. Lyftu endum myndavélarsnúranna tvegga úr tengjunum.

   • Athugaðu: Tvær efstu myndavélarsnúrurnar ná yfir þriðju myndavélarsnúruna.

   

5. Lyftu enda rafhlöðusnúrunnar af tenginu.

   

6. Notaðu ESD-örugga töng til að grípa um skrúfugatið neðst vinstra megin á myndavélinni. Lyftu svo myndavélinni úr hulstrinu.

   • Varúð: Ef þú ert að setja myndavélina sem var fyrir upp aftur skaltu setja hana niður þannig að linsurnar snúi niður á vinnusvæðið og myndavélarlokið sé yfir linsunum.

   

Samsetning

Varúð

Til að forðast að óhreinka linsurnar skaltu ekki fjarlægja myndavélarlokið eða linsuhlífarnar fyrr en þú ert tilbúin(n) að setja myndavélina í hulstrið.

1. Vertu í hönskum til að forðast að óhreinka myndavélarlinsurnar.

2. Notaðu ESD-örugga töng til að grípa um neðra vinstra skrúfugatið á myndavélinni.

   • Mikilvægt

     • Til að setja upp nýja myndavél skaltu fjarlægja linsuhlífarnar og halda áfram í skref 3.

     • Ef þú ætlar að setja sömu myndavél upp aftur skaltu fjarlægja myndavélarlokið og kanna hvort linsurnar eru rykugar, rispaðar eða óhreinar. Ef ekkert er að skaltu fara í skref 3. Ef myndavélin er skemmd skaltu endurtaka skref 1 og 2 með nýrri myndavél, fjarlægja linsuhlífarnar og fara áfram í skref 3.

3. Notaðu ESD-örugga töng til að halla myndavélinni niður í hulstrið.

   

4. Notaðu flata endann á svarta teininum til að lyfta myndavélarsnúrunum tveimur svo þær séu ekki fyrir. Þrýstu svo endanum á snúrunni fyrir neðri myndavélina að tenginu.

   

5. Þrýstu endunum á efri snúrunum tveimur að tengjunum.

   

6. Ýttu varlega á myndavélina til að tryggja að hún sé rétt staðsett í hulstrinu.

7. Stilltu herslugildið á 10–34 Ncm stillanlega átaksskrúfjárninu á 13 Ncm. Notaðu stillanlega átaksskrúfjárnið og JCIS-bitann fyrir það til að setja eftirfarandi nýjar skrúfur í myndavélina.

   • Ein stjörnuskrúfa (923-09572) (1)

   • Ein stjörnuskrúfa (923-09574) (2)

   • Ein stjörnuskrúfa (923-09573) (3)

   

8. Skoðaðu jarðtengifjöðrina fyrir ofan myndavélina. Ef jarðtengifjöðrin er ekki bogin eða skemmd skaltu klára samsetninguna. Ef jarðtengifjöðrin er bogin eða skemmd skaltu fara í skref 9.

   

9. Athugaðu afstöðu jarðtengifjaðrarinnar á myndavélinni. Notaðu síðan átaksskrúfjárn og JCIS-bitann til að fjarlægja stjörnuskrúfuna úr jarðtengifjöður myndavélarinnar. Hentu jarðtengifjöðrinni og settu skrúfuna til hliðar.

10. Staðsettu jarðtengifjaðrirnar á nýju myndavélinni í hulstrinu. Notaðu svo græna átaksskrúfjárnið og JCIS-bitann til að setja eina nýja stjörnuskrúfu (923-09965) í jarðtengifjöðrina.

Settu eftirfarandi hlut aftur á til að ljúka samsetningu:

• Skjá

Varúð

• Fjarlægðu iPhone úr viðgerðarbakkanum og athugaðu hvort myndavélarlinsurnar séu rykugar, rispaðar eða óhreinar. Ef þær eru óhreinar skaltu endurtaka öll skref til að fjarlægja og setja upp nýja myndavél.

• Þegar skrefum sundurhlutunar og samsetningar er lokið skal athuga hvernig hefja á kerfisstillingarferlið á support.apple.com/self-service-repair.

• Í kerfisstillingu þarf að kvarða LiDAR-skannann. Undirbúðu þig fyrir kvörðun með því að fylgja eftirfarandi skrefum:

1. Notaðu vel upplýst svæði sem inniheldur hluti af mismunandi stærðum og gerðum.

2. Sittu eða stattu í rúmlega 1 metra fjarlægð frá hlutunum.

3. Haltu tækinu lóðrétt og láttu olnbogann hvíla á líkamanum til að halda handleggnum stöðugum.

4. Hefðu skönnun með því að fara fram og til baka vinstra og hægra megin frá upphafspunktinum. Fylgdu leiðbeiningunum sem birtast á skjá tækisins.

Athugaðu: Kvörðunarferlið tekur um það bil 5 mínútur.