iPhone 15 Myndavél

Áður en hafist er handa

Viðvörun

• Lesið Öryggi með rafhlöðu og fylgið leiðbeiningum um vinnuumhverfi og meðhöndlun rafhlöðu áður en hafist er handa.

Varúð

Forðist að snerta myndavélarlinsurnar, fjaðrir TrueDepth-myndavélarinnar eða nálæga hluta.

Mikilvægt

• Ef þessum íhlut er skipt út er mælt með að keyra viðgerðaraðstoð til þess að ljúka viðgerðinni. Viðgerðaraðstoðin er í boði í tækinu þegar öllum samsetningarskrefum er lokið.

• Ef iPhone er með mmWave-loftnet þarf að aftengja einn sveigjanlegan kapal í viðbót. Skoðið hlið iPhone-símans til að sjá hvort hann sé með mmWave-loftnet.

Fjarlæging

Varúð

Ráðlagt er að nota hanska og hylja myndavélarlinsurnar til að forðast að óhreinka linsurnar.

1. Notið stillanlega átaksmælinn og JCIS-bitann til að fjarlægja þrjár krosshausaskrúfur úr hlíf myndavélarinnar. Setjið skrúfurnar til hliðar.

   • Varúð: Forðist að snerta linsur myndavélarinnar.

   

2. Lyftið endunum á tveimur sveigjanlegum köplum myndavélar af tengjunum.

   • Mikilvægt: Ef iPhone-síminn er með mmWave-loftnet skal lyfta enda sveigjanlegs kapals mmWave-loftnetsins af tenginu eins og sýnt er með brotalínu.

   

3. Notið svarta teininn til að rjúfa límið á milli sveigjanlegs kapals neðri myndavélarinnar og rásarinnar fyrir myndavélina. Lyftið því næst myndavélinni og sveigjanlegum köplum myndavélarinnar úr hulstrinu. Mikilvægt: Ef iPhone er með mmWave-loftnet skal lyfta sveigjanlegum kapli mmWave-loftnetsins og setja hann örlítið til hliðar áður en myndavélin er fjarlægð.

   • Varúð: mmWave-loftnetið verður áfram í hulstrinu. Ekki fjarlægja það.

     

Samsetning

Mikilvægt

Hlíf fylgir með myndavélinni sem á að setja í staðinn fyrir þá fyrri. Látið hlífina vera áfram á meðan nýja myndavélin er sett upp.

1. Klæðist hönskum til að forðast að óhreinka myndavélarlinsurnar.

2. Leitið eftir skemmdum á jarðtengifjöðrunum áður en þær eru settar saman aftur. Gangið úr skugga um að jarðtengifjaðrirnar séu hvorki bognar né brotnar.

   • Mikilvægt: Ef fjöðrin er brotin eða bogin þarf hugsanlega að skipta um myndavélina.

   

3. Notið ESD-örugga töng til að koma myndavélinni fyrir í hulstrinu. Gangið úr skugga um að sveigjanlegu kaplar myndavélanna séu inni í rásinni á milli rafhlöðunnar og myndavélarinnar.

   • Mikilvægt: Ef iPhone er með mmWave-loftnet skal staðsetja sveigjanlegan kapal mmWave-loftnetsins (1) og sveigjanlega kapla myndavélarinnar (2, 3) inni í rásinni milli rafhlöðunnar og myndavélarinnar eins og sýnt er.

   

4. Ýtið endum sveigjanlegra kapla myndavélarinnar í tengin.

   • Mikilvægt: Ef iPhone-síminn er með mmWave-loftnet skal ýta enda sveigjanlegs kapals mmWave-loftnetsins í tengið.

5. Stillið herslugildi stillanlega átaksmælisins á 13 Ncm. Notið stillanlega átaksmælinn og JCIS-bitann fyrir stillanlegan átaksmæli til að skrúfa þrjár nýjar krosshausaskrúfur (923-09822) í myndavélina.

   

Setjið eftirfarandi hlut aftur á til að ljúka samsetningu:

• Glerbakstykki

Mikilvægt

• Fjarlægið hlífina af myndavélinni áður en glerbakstykkið er sett aftur upp.

• Viðgerðaraðstoðin er í boði í tækinu þegar öllum samsetningarskrefum er lokið og mælt er með að keyra hana til að ljúka viðgerðinni. .