Mac Pro (2023) og Mac Pro (Rack, 2023) SSD-einingar

Áður en hafist er handa

Varúð

• Þetta ferli krefst kerfisstillingar. Eftir að öllum sundurhlutunar- og samsetningarskrefum er lokið skal athuga hvernig hefja á kerfisstillingarferlið.

• Ef skipt er um SSD-einingar þarf aðra Mac-tölvu sem keyrir nýjustu útgáfuna af macOS eða aðra Mac-tölvu með Apple Configurator uppsettan til að endurheimta Mac-tölvuna áður en kerfisstillingarferlið er ræst.

Losun

1. Finnið SSD-eininguna sem á að fjarlægja. Rennið krækjunni á SSD-einingarhlífinni til vinstri (1) og dragið SSD-einingarhlífina að ykkur (2) til að taka hana af tölvunni. Geymið SSD-einingarhlífina fyrir samsetningu.

   

2. Notið 10–34 Ncm stillanlega átaksmælinn og Torx T8 bita til að fjarlægja 8IP skrúfuna (923-03425) úr SSD-einingunni sem á að fjarlægja.

   

3. Dragið SSD-eininguna beint út úr tenginu eins og sýnt er.

   • Varúð: Ekki halla SSD-einingunni þegar hún er tekin úr tenginu. Ef tengi skemmist þarf að skipta um móðurborð.

   

Samsetning

1. Notið þrýstiloft til að fjarlægja óhreinindi af tenginu.

2. Setjið SSD-eininguna sem er merkt 00 inn í efsta tengið. Setjið SSD-eininguna sem er merkt 01 inn í neðsta tengið.

   

3. Stillið herslugildi 10–34 Ncm stillanlega átaksmælisins á 29,5 Ncm. Notið stillanlega átaksmælinn og Torx T8 bita til að skrúfa 8IP skrúfuna (923-03425) aftur í SSD-eininguna sem verið er að koma aftur fyrir.

   

4. Rennið krækjunni á hlíf SSD-einingarinnar til vinstri (1). Setjið hlíf SSD-einingarinnar yfir opið. Ýtið síðan á vinstri brúnina á hlíf SSD-einingarinnar til að festa hana á sínum stað (2).

   

Setjið eftirfarandi hlut aftur á til að ljúka samsetningu:

• Mac Pro (2023)

  • Hús

• Mac Pro (Rack, 2023)

  • Hlíf fyrir efri hluta og aðgangshleri (aðeins aðgangshleri)

Varúð

• Eftir að öllum sundurhlutunar- og samsetningarskrefum er lokið skal athuga hvernig hefja á kerfisstillingarferlið.

• Ef skipt er út SSD-einingum fer tölvan ekki í gang og gaumljósið blikkar appelsínugult. Fylgið leiðbeiningunum til að endurheimta Mac-tölvuna. Hefjið síðan kerfisstillingarferlið.