Mac Studio (2022) Fremri USB-C tengi

Áður en hafist er handa

Fjarlægið eftirfarandi íhluti áður en hafist er handa:

Verkfæri

  • Nemi úr næloni (svartur teinn)

  • Átaksmælir (grænn, 0,45 kgf. cm)

  • Torx T3-hálfmánabiti

  • Torx T3-skrúfjárn

  • Torx T5-skrúfjárn

  • USB-C-hleðslukapall

Losun

  1. Komið tölvunni þannig fyrir að baktengin snúi að ykkur.

  2. Ef gerðin sem verið er að gera við er grunnstillt með SSD-einingu nálægt fremri USB-C tengjunum skal fylgja sundurhlutunarskrefunum í SSD-einingar. Haldið svo áfram í skref 3. Ef engin SSD-eining er uppsett á þeirri staðsetningu skal halda áfram í skref 3.

  3. Notið T5-skrúfjárnið til að losa alveg T5-skrúfurnar á fremri USB-C festingunni. Fjarlægið festinguna og geymið hana fyrir samsetningu.

    • Athugið: T5-skrúfan er áföst og helst föst við fremri USB-C festinguna.

  4. Notið T3-skrúfjárnið til að fjarlægja tvær T3-skrúfur (923-07105) úr tengihlíf fremri USB-C tengjanna.

    • Mikilvægt: Haldið tengihlíf fremri USB-C tengjanna á sínum stað á meðan skrúfurnar eru fjarlægðar til að forðast að tengihlífin detti niður í húsið.

  5. Fjarlægið tengihlíf fremri USB-C tengjanna og geymið fyrir samsetningu.

  6. Notið slétta endann á svarta teininum til að taka endann á sveigjanlega kapli fremra USB-C tengisins úr sambandi við tengið.

  7. Snúið tölvunni á hvolf og látið aftari tengin snúa upp.

  8. Notið T5-skrúfjárnið til að fjarlægja tvær T5-skrúfur (923-07093) úr fremri USB-C tengjunum.

  9. Lyftið fremri USB-C tengjunum úr húsinu.

Samsetning

  1. Stingið fremri USB-C tengjunum í opin á húsinu.

  2. Notið T5-skrúfjárnið til að skrúfa lauslega tvær T5-skrúfur (923-07093) í fremri USB-C tengi.

  3. Látið pinnana tvo á fremri USB-C festingunni flútta við götin tvö á fremri USB-C tengjunum. Notið T5-skrúfjárnið til að skrúfa lauslega T5-festiskrúfuna á festingunni í.

  4. Staðsetjið tölvuna eins og sýnt er.

  5. Stingið báðum endum USB-C hleðslukapalsins í fremri USB-C tengin (1) til að tryggja að fremri USB-C tengin sitji rétt. Stillið af USB-C tengi þar til auðvelt er að stinga báðum endum USB-C-hleðslukapalsins inn og fjarlægja hann.

  6. Notið T5-skrúfjárnið til að herða alveg T5-skrúfurnar tvær (2) í fremri USB-C tengin og T5-festiskrúfuna (3) í fremri USB-C festinguna.

  7. Snúið tölvunni þannig að aftari tengin snúi fram.

  8. Ýtið enda sveigjanlega kapals fremri USB-C tengjanna í tengið.

  9. Setjið tengihlíf fremri USB-C tengjanna yfir enda sveigjanlega kapals fremri USB-C tengjanna.

  10. Notið græna átaksmælinn og Torx T3-hálfmánabitann til að skrúfa tvær T3-skrúfur (923-07105) aftur í tengihlífina.

  11. Ef SSD-eining var fjarlægð til að auðvelda aðgang að fremri USB-C tengjum skal fylgja samsetningarskrefunum í SSD-einingar þegar einingin er sett aftur upp.

Settu eftirfarandi hluti aftur í til að ljúka samsetningu:

Birt: