Mac Studio (2022) Aflgjafi

Áður en hafist er handa

Losun

1. Notið ESD-örugga töng til að fletta einangrunarhlíf safnleiðarans af. Fleygið einangrunarhlíf safnleiðarans.

   

2. Setjið 10IP bitann á 0,3–1,2 Nm stillanlega átaksmælinn.

3. Notið stillanlega átaksmælinn og 10IP bitann til að fjarlægja tvær 10IP skrúfur (923-07097) úr aflgjafanum og safnleiðaranum.

   

4. Notið stillanlega átaksmælinn og 10IP bitann til að fjarlægja fjórar 10IP skrúfur (923-07096) úr aflgjafanum.

   

5. Lyftið einni hlið aflgjafans örlítið upp. Klípið í endann á sveigjanlega rafmagnskaplinum. Grípið um annan enda rafmagnskapalsins og rennið honum úr tenginu. Leggið síðan aflgjafann niður á innri umgjörðina.

   

6. Snúið tölvunni þannig að baktengin snúi fram.

7. Lyftið einni hlið aflgjafans örlítið upp. Klípið og haldið utan um endann á rafmagnskapalstenginu (1). Togið síðan í endann á rafmagnskapalstenginu og dragið það úr tenginu (2).

   

8. Lyftið aflgjafanum úr innri umgjörðinni og húsinu.

Samsetning

1. Staðsetjið aflgjafann yfir húsinu. Gangið úr skugga um að tengi fyrir rafmagnskapal og tengi fyrir aflgjafamerki á aflgjafanum flútti við tengi fyrir kapal rafmagnstengis og rafmagnskapal aflgjafa í húsinu.

2. Leggið síðan aflgjafann á innri umgjörðina. Látið fjórar skorur á aflgjafanum flútta við fjórar skrúfufestingar á innri umgjörðinni.

   

3. Snúið tölvunni þannig að baktengin snúi fram. Lyftið einni hlið aflgjafans örlítið upp. Stingið enda rafmagnskapalstengisins í samband við tengið. Gangið úr skugga um að spennan sé föst. Leggið síðan aflgjafann niður á innri umgjörðina.

   • Varúð: Ekki strekkja á rafmagnskapalstenginu þegar aflgjafanum er lyft upp.

   

4. Snúið tölvunni þannig að framtengin snúi fram. Lyftið einni hlið aflgjafans örlítið upp. Stingið enda sveigjanlega rafmagnskapalsins í samband við tengið. Leggið síðan aflgjafann niður á innri umgjörðina.

   • Varúð: Ekki strekkja á rafmagnskapli aflgjafans þegar aflgjafanum er lyft upp.

   

5. Gangið úr skugga um að tveir pinnar á safnleiðaranum flútti við tvö stilligöt í aflgjafanum.

   

6. Ekki taka 10IP bitann af 0,3–1,2 Nm stillanlega átaksmælinum. Gangið úr skugga um að herslugildið sé enn stillt á 0,7 Nm.

7. Notið stillanlega átaksmælinn og 10IP bitann til að skrúfa fjórar 10IP skrúfur (923-07096) aftur í aflgjafann.

   

8. Ekki taka 10IP bitann af 0,3–1,2 Nm stillanlega átaksmælinum. Stillið herslugildið á 0,6 Nm.

9. Notið stillanlega átaksmælinn og 10IP bitann til að skrúfa tvær 10IP skrúfur (923-07097) aftur í aflgjafann og safnleiðarann.

   

10. Festið einangrunarhlíf fyrir nýjan safnleiðara yfir skrúfurnar tvær.

    

Setjið eftirfarandi hlut aftur á til að ljúka samsetningu:

• Botnhulstur