તમારા AirPods Pro ને કેવી રીતે સાફ કરવા
નિયમિત સફાઈ તમારા AirPods Proની જાળવણી કરવામાં મદદ કરી શકે છે.
તમારા AirPods ને ઓળખો, અથવા તમારા AirPods અથવા AirPods Max ની સફાઈ કેવી રીતે કરવી તે શીખો.
તમારા AirPods Pro 2 અને AirPods Pro 3ની મૅશને સાફ કરો
તમારે શાની જરૂર છે
Belkin AirPods ક્લિનિંગ કિટ અથવા:
PEG-6 કેપ્રિલિક/કેપ્રિક ગ્લિસરાઈડ્સ ધરાવતું માઇસેલર પાણી, જેમ કે બાયોડર્મા અથવા ન્યુટ્રોજેનાનું
નિસ્યંદિત પાણી
નરમ-બરછટ રેસાવાળો બાળકોનો ટૂથબ્રશ
બે નાના કપ
પેપર ટૉવેલ્
તમારા AirPods Pro 2માં સાફ કરવાની જગ્યાઓ
તમે તમારા AirPods Pro 2 સાફ કરો તે પહેલાં, ઇઅર ટિપ દૂર કરો.
ઇઅર ટિપ દૂર કરવા માટે, જ્યાં ઇઅર ટિપ AirPod સાથે જોડાયેલી છે, તે ભાગે તેને આંગળીઓથી મજબૂત રીતે ખેંચો. જો તમને વધુ પકડની જરૂર હોય, તો ઇઅર ટિપની રબરની ધારને અંદરથી બહાર તરફ ફેરવો અથવા ઇઅર ટિપને કાઢવા માટે સ્વચ્છ કપડાનો ઉપયોગ કરો.
તમે તમારા AirPods Pro 2 પર ફરતે લગાવેલી મૅશ સાફ કરી શકો છો. અન્ય કોઈપણ ભાગને સાફ કરવાનું ટાળો.
તમારા AirPods Pro 3માં સાફ કરવાની જગ્યાઓ
તમે તમારા AirPods Pro 3 સાફ કરો તે પહેલાં, ઇઅર ટિપ દૂર કરો.
ઇઅર ટિપ દૂર કરવા માટે, જ્યાં ઇઅર ટિપ AirPod સાથે જોડાયેલી છે, તે બેઝ પર તેને આંગળીઓથી મજબૂત રીતે ખેંચો. જો તમને વધુ પકડની જરૂર હોય, તો ઇઅર ટિપની રબરની ધારને અંદરથી બહાર તરફ ફેરવો અથવા ઇઅર ટિપને કાઢવા માટે સ્વચ્છ કપડાનો ઉપયોગ કરો.
તમે તમારા AirPods Pro 3 પર નીચેના માઇક સહિત ફરતે લગાવેલી મૅશ સાફ કરી શકો છો. અન્ય કોઈપણ ભાગને સાફ કરવાનું ટાળો.
તમારા AirPods ને કેવી રીતે સાફ કરવા
એક કપમાં થોડી માત્રામાં માઈસેલર પાણી ઉમેરો.
જ્યાં સુધી ટૂથબ્રશના બરછટ રેસા માઈસેલર પાણીમાં સંપૂર્ણ રીતે ભીના ન થઈ જાય ત્યાં સુધી તેને એક કપ પાણીમાં ડુબાડો.
તમારા AirPod ને મૅશ ઉપરની તરફ રહે તે રીતે પકડી રાખો.
લગભગ 15 સેકન્ડ સુધી મૅશને ગોળાકાર ગતિમાં બ્રશ કરો.
તમારા AirPod ને ઊંધો કરો અને તેને પેપર ટુવાલ પર હળવા હાથે દબાવીને કોરો કરો. ખાતરી કરો કે પેપર ટુવાલ મૅશ સાથે સંપર્કમાં રહે.
તમે સાફ કરવા માંગો છો તે દરેક મૅશ માટે, પગલાં 2-5 ને વધુ બે વાર (કુલ ત્રણ વખત) પુનરાવર્તિત કરો.
માઇસેલર પાણીને ધોઈ નાખવા માટે, બ્રશને નિસ્યંદિત પાણીથી ધોઈ લો. પછી, તમે સાફ કરેલ દરેક મૅશ માટે નિસ્યંદિત પાણી સાથે પગલાં 1-5 ને પુનરાવર્તિત કરો.
ચાર્જિંગ કેસમાં મૂકતા પહેલાં અથવા તેનો ઉપયોગ કરતા પહેલાં તમારા AirPods ને — ઓછામાં ઓછા બે કલાક સુધી સંપૂર્ણપણે સૂકાવા દો.
તમારા AirPods Proની બોડી સાફ કરો
જો તમારા AirPods Pro એવી કોઈપણ વસ્તુઓના સંપર્કમાં આવે જેનાથી ડાઘ અથવા અન્ય નુકસાન થઈ શકે—ઉદાહરણ તરીકે, સાબુ, શેમ્પૂ, કંડિશનર, લોશન, પરફ્યૂમ, સોલ્વન્ટ, ડિટર્જન્ટ, એસિડ અથવા એસિડિક ખોરાક, ઇંસેક્ટ રેપેલંટ, સનસ્ક્રીન, તેલ, અથવા હેર ડાઈ:
તેમને સ્વચ્છ પાણીથી સહેજ ભીના કરેલા કપડા વડે સાફ કરો, અને નરમ, સૂકા, રૂંવાટી વગરના કપડાથી કોરા કરો.
ચાર્જિંગ કેસમાં મૂકતા પહેલાં અથવા તેનો ઉપયોગ કરવાનો પ્રયાસ કરતા પહેલાં તેમને ઓછામાં ઓછા બે કલાક માટે સંપૂર્ણપણે સૂકવવા દો.
તમારા AirPods Pro ને વહેતા પાણીની નીચે ન ધુઓ, અને તમારા AirPods Pro ને સાફ કરવા માટે તીક્ષ્ણ વસ્તુઓ અથવા ઘર્ષક સામગ્રીનો ઉપયોગ ન કરો.
AirPods Pro 3 માટે વૈકલ્પિક વધારાની સફાઈ
દરેક AirPodને સીલ કરવા માટે તેની ઇઅર ટિપના છિદ્ર પર તમારા અંગૂઠો અથવા તર્જની આંગળી રાખો.
દરેક AirPod ને 10 સેકન્ડ માટે પાણીના બાઉલમાં ડુબાડીને ધુઓ. સાથે જ, કચરો ધોવા માટે AirPod ને હળવાશથી હલાવો.
વધારાનું પાણી દૂર કરવા માટે AirPodનું સ્ટેમ પકડીને ઇઅર ટિપને સૂકા, રૂંવાટી વગરના કપડા પર 10 સેકન્ડ માટે હળવા હાથે દબાવો.
તમારા AirPods Pro 3ને રુંવાટી વગરના કપડાથી કોરા કરો.
ચાર્જિંગ કેસમાં મૂકતા પહેલાં અથવા તેનો ઉપયોગ કરવાનો પ્રયાસ કરતા પહેલાં, તમારા AirPods Pro 3ને — ઓછામાં ઓછા બે કલાક માટે — સંપૂર્ણપણે સૂકાવા દો.
તમારા AirPods Proની ઇઅર ટિપ સાફ કરો
જો ઇઅર ટિપમાં પાણી એકઠું થઈ ગયું હોય, તો ઇઅર ટિપનું ઓપનિંગ નીચેની તરફ રહે તે રીતે AirPodને નરમ, સૂકા અને રુંવાટી વગરના કપડા પર હળવેથી ઠપકારીને પાણી દૂર કરો.
દરેક AirPodમાંથી ઇઅર ટિપ ખેંચી લો અને ઇઅર ટિપને પાણીથી ધુઓ. સાબુ અથવા ઘરમાં વપરાતા અન્ય ક્લિનરનો ઉપયોગ કરવો નહીં.
ઇઅર ટિપને નરમ, સૂકા, રુંવાટી વગરના કપડાથી સાફ કરો. દરેક AirPod સાથે ઇઅર ટિપને ફરી જોડતા પહેલાં, ખાતરી કરો કે ઇઅર ટિપ સંપૂર્ણપણે સૂકી છે.
દરેક AirPod પર ઇઅર ટિપ પાછી જોડો. ઇઅર ટિપ અંડાકાર હોય છે, તેથી તેને પાછી જોડતા પહેલાં બરાબર ગોઠવી લેવાની ખાતરી કરો.
તમારા AirPods Proનું ચાર્જિંગ કેસ સાફ કરો
ચાર્જિંગ કેસને નરમ, સૂકા, રૂંવાટી વગરના કપડાથી સાફ કરો. જરૂર પડે તો તમે કાપડને આઇસોપ્રોપીલ આલ્કોહોલથી થોડું ભીનું કરી શકો છો. ચાર્જિંગ કેસને સૂકવવા દો. ચાર્જિંગ પોર્ટમાં કોઈ પ્રવાહી ન જાય તેની ખાતરી કરો. અહીં કેટલીક વધુ માર્ગદર્શિકાઓ આપી છે:
સ્વચ્છ, સૂકા, નરમ રેસાવાળા બ્રશથી ચાર્જિંગ પોર્ટમાંનો કચરો સાફ કરો.
ચાર્જિંગ કેસ સાફ કરવા માટે ઘર્ષિત વસ્તુઓનો ઉપયોગ કરશો નહીં.
મેટલ ભાગને નુકસાન ન થાય તે માટે, ચાર્જિંગ પોર્ટમાં કંઈપણ મૂકશો નહીં.
ત્વચાની બળતરા ટાળવાની ટિપ્સ
ખાસ કરીને જો તમને એલર્જી હોય અથવા સંવેદનશીલ ત્વચા હોય તો ત્વચાની બળતરા ટાળવાની રીતો અહીં આપી છે:
AirPods Pro પહેરીને વર્કઆઉટ કર્યા પછી, અથવા પરસેવો, સાબુ, શેમ્પૂ, મેકઅપ, સનસ્ક્રીન અને લોશન જેવા ત્વચામાં બળતરા ઉત્પન્ન શકે તેવા પ્રવાહીના સંપર્કમાં તમારું ઉપકરણ આવ્યા પછી, તેને સાફ કરો અને સૂકવો. જો તમારું ઉપકરણ પરસેવો, સાબુ, શેમ્પૂ, મેકઅપ, સનસ્ક્રીન અને લોશન જેવા ત્વચામાં બળતરા ઉત્પન્ન શકે તેવા પ્રવાહીના સંપર્કમાં આવે, તો તેને સાફ કરો અને સૂકવો. તમારા AirPods Pro—તેમજ તમારી ત્વચાને—સ્વચ્છ અને સૂકી રાખવાથી તમને મહત્તમ આરામ મળશે અને લાંબા ગાળે તમારા ઉપકરણને નુકસાન થતું અટકાવી શકાશે.
જો તમને અમુક ચોક્કસ પદાર્થો પ્રત્યે એલર્જી અથવા સંવેદનશીલતા હોય તો AirPodsની સામગ્રી તપાસો.
જો તમને વધુ મદદની જરૂર હોય તો
જો સાફ કરવાથી તમારી સમસ્યાનો ઉકેલ ન આવે, તો તમારા AirPods Proની સર્વિસ કરાવો.
જો તમારા AirPodsને નુકસાન થયું હોય, તો તમે બદલવા માટે ઓર્ડર આપી શકો છો. જો તમારી સમસ્યા Apple Limited Warranty, AppleCare+, અથવા ગ્રાહક કાયદા હેઠળ આવરી લેવાતી નથી, તો તમે વૉરંટી વિનાના શુલ્ક સાથે તમારા AirPods બદલાવી શકો છો.