充份運用 HomePod 的 Siri 功能

要取得最新新聞?想查詢天氣預報?探索如何在 HomePod 上使用 Siri 解決生活上的各種問題。

預先計劃

你可以透過 HomePod 向 Siri 查詢天氣、尋找好去處和最快捷的交通路線,以確保準時到達目的地。

查詢天氣

想知道是否要穿外套或帶雨傘出門?問一問 Siri 即可。請說「喂 Siri」,然後說出這樣的指令:

  • 「出面幾多度?」
  • 「今日使唔使帶遮?」
  • 「聽日天氣點?」

尋找好去處

想找間新餐廳試一試?或者想知道附近士多的營業時間?問一問 Siri 即可。請說「喂 Siri」,然後可以問:

  • 「邊度有好嘅墨西哥餐廳?」
  • 「Apple Store 幾點閂門?」
  • 「最近嘅油站喺邊度?」

查詢交通情況

無論你在上班途中,還是只想知道前往目的地所需的時間,Siri 都可以為你提供資料。請說「喂 Siri」,然後說出這樣的指令:

  • 「返工塞唔塞車?」
  • 「揸車去馬鞍山要幾耐?」

 

  

緊貼最新資訊

使用 Siri 了解最新活動、體育及股票等資訊。

取得最新新聞

你可以取得來自全球主要新聞來源的新聞報導。請說「喂 Siri」,然後說出這樣的指令:

  • 「今日有咩新聞?」
  • 「我想聽最新嘅體育新聞。」

想轉換其他新聞來源?你可以說出這樣的指令:「喂 Siri,轉去全國公共廣播電台。」

了解最新體育消息

想知道騎士和勇士哪隊勝出 NBA 總決賽?或者黑豹隊下次比賽日期?Siri 可以告訴你。只要說「喂 Siri」,然後說出這樣的指令:

  • 「而家有咩足球比賽?」
  • 「熱刺尋晚有冇贏?」
  • 「米高・佐敦入過幾多個三分波?」

查詢股價

透過 Siri 緊貼股市行情、股價、新聞等股市資訊。請說「喂 Siri」,然後說出這樣的指令:

  • 「今日個市點?」
  • 「Apple 嘅市值係幾多?」
  • 「今日嘅納斯達克指數係幾多?」
  • 「比較 Apple 同納斯達克指數。」

 

    

Siri 伴你入廚

需要烹飪助手?Siri 不但可以助你計算材料用量、設定多個計時器,甚至可以計算卡路里。

計算材料用量

想知道一杯等於幾安士?Siri 可以幫到你。只需說「喂 Siri」,然後可以問:

  • 「一夸脫即係幾多杯?」
  • 「一杯即係幾多安士?」
  • 「一湯匙即係幾多茶匙?」
  • 「一磅有幾多克?」

 

設定多個計時器

要同時準備多款菜式?Siri 可以在 HomePod 上設定多個計時器,並加以命名。只需說「喂 Siri」,然後說出這樣的指令:

  • 「設定 45 分鐘焗千層麵計時器。」
  • 「設定第二個計時器,計時 15 分鐘。」
  • 「焗千層麵計時器仲有幾耐?」
  • 「暫停焗千層麵計時器。」

取得營養資料

問一問 Siri 有關食物的問題,即可從 USDA 數據庫取得答案,了解食物中卡路里、維他命等含量,確保吃得健康。請說「喂 Siri」,然後可以問:

  • 「一安士車打芝士有幾多卡路里?」
  • 「咖啡嘅咖啡因含量係幾多?」
  • 「羽衣甘藍嘅纖維含量?」

 

  

更多在 HomePod 上使用 Siri 的方式

HomePod 的 Siri 可以回答你想知道或家中需要解決的問題。以下說明可執行的操作。

掌握時間

要早起趕往機場搭飛機?或者想查詢另一個城市的時間?Siri 可以幫到你。請說「喂 Siri」,然後說出這樣的指令:

  • 「柏林而家幾點鐘?」
  • 「夏令時間幾時開始?」
  • 「聽朝六點叫我起身。」
  • 「將六點嘅鬧鐘改到去六點半。」

當鬧鐘響起時,你可以說:「喂 Siri,延遲響鬧」或「喂 Siri,停止」。

尋找我的 iPhone

如果你的裝置開啟了「尋找我的 iPhone」功能,你可以要求 Siri 在裝置上播放音效以便尋找。請說「喂 Siri」,然後可以問:

  • 「我部 iPhone 喺邊?」
  • 「喺我部 iPhone 播放聲音。」
  • 「我隻 Apple Watch 喺邊?」

要求 Siri 翻譯

你可以叫 Siri 說普通話、西班牙文、法文、德文、意大利文或其他語言。請說「喂 Siri」,然後可以問:

  • 「『幸會』普通話點講?」
  • 「『多謝』意大利文點講?」
  • 「『早晨』德文點講?」

了解 Siri 可以翻譯的語言

取得答案

Siri 對任何事都略有所知,從算術到流行文化無所不曉。請說「喂 Siri」,然後可以問 Siri:

  • 「呢首歌係邊個唱㗎?」
  • 「85 蚊嘅 15% 貼士係幾多?」
  • 「少女峰有幾高?」
  • 「舊年邊套戲攞最佳影片奬?」

 

更多內容

Siri 的可用性、功能及指令視乎語言、國家及地區而異。了解各國家和地區所支援的 Siri 功能

發佈日期: