iPadஐ வேக் செய்தல், அன்லாக் செய்தல் மற்றும் லாக் செய்தல்

iPadஐச் செயல்படுத்த, பின்வருவனவற்றில் ஒன்றைச் செய்யவும்:

• மேல் பட்டனை அழுத்தவும்.

  

• திரையைத் தட்டவும் (ஆதரிக்கப்பட்ட மாடல்கள்).

  

உங்களிடம் Face ID உள்ள iPad இருந்தும், அமைவின்போது நீங்கள் Face IDஐ ஆன் செய்யாமல் இருந்திருந்தால், Face IDஐ அமைத்தல் கட்டுரையைப் பார்க்கவும். பின்னர் இந்தப் படிகளைப் பின்பற்றவும்:

1. திரையைத் தட்டி, உங்கள் iPadஐப் பார்க்கவும்.

   iPad அன்லாக் செய்யப்பட்டிருப்பதைக் குறிக்க, பூட்டு ஐகான் மூடப்பட்ட நிலையில் இருந்து திறப்பது போல் அனிமேட் ஆகும்.

2. திரையின் கீழ்ப்பகுதியில் இருந்து மேல்நோக்கி ஸ்வைப் செய்யவும்.

iPadஐ மீண்டும் லாக் செய்ய, மேல் பட்டனை அழுத்தவும். அதன் திரையை சுமார் ஒரு நிமிடம் தொடாமல் இருந்தால் iPad தானாக லாக் செய்யப்படும். இருப்பினும், அமைப்புகள்  > Face ID & பாஸ்கோடு என்பதில் “கவன ஈர்ப்பு அறிதல்” அம்சங்கள் ஆன் செய்யப்பட்டிருந்தால், கவன ஈர்ப்பை iPad கண்டறியும் வரை சாதனத்தின் திரை மங்காது அல்லது லாக் ஆகாது.

உங்களிடம் Touch ID உள்ள iPad இருந்தும், அமைவின்போது Touch IDஐ ஆன் செய்யாமல் இருந்திருந்தால் Touch IDஐ அமைத்தல் கட்டுரையைப் பார்க்கவும். பிறகு பின்வருவனவற்றில் ஒன்றைச் செய்யவும்:

• முகப்பு பட்டன் உள்ள iPadஇல்: Touch ID மூலம் பதிவுசெய்த விரலைப் பயன்படுத்தி முகப்பு பட்டனை அழுத்தவும்.

  

• iPad (10ஆவது ஜெனரேஷன் மற்றும் அதற்குப் பிந்தைய மாடல்கள்), iPad mini (6ஆவது ஜெனரேஷன்), iPad mini (A17 Pro), iPad Air (4ஆவது ஜெனரேஷன் மற்றும் பிந்தைய மாடல்கள்) ஆகிய சாதனங்களில்: Touch ID மூலம் பதிவுசெய்த விரலை மேல் பட்டன் மீது (Touch ID) வைக்கவும்.

  

iPadஐ மீண்டும் லாக் செய்ய, மேல் பட்டனை அழுத்தவும். அதன் திரையை சுமார் ஒரு நிமிடம் தொடாமல் இருந்தால் iPad தானாக லாக் செய்யப்படும்.

நீங்கள் iPadஐ அமைத்தபோது பாஸ்கோடை உருவாக்கவில்லை எனில், பாஸ்கோடை அமைத்தல் கட்டுரையைப் பார்க்கவும். பின்னர் இந்தப் படிகளைப் பின்பற்றவும்:

1. முகப்பு பட்டனை (முகப்பு பட்டனுள்ள iPadஇல்) அழுத்தவும் அல்லது பூட்டுத் திரையின் கீழ்ப்பகுதியில் இருந்து மேல் நோக்கி ஸ்வைப் செய்யவும் (மற்ற iPad மாடல்களில்).

2. உங்கள் பாஸ்கோடை உள்ளிடவும்.

பின்வரும் வழிமுறைகளைப் பயன்படுத்தி iPadஐ லாக் செய்து திரையை ஆஃப் செய்யலாம்:

• நீங்களாகவே செயல்படுத்துதல்: மேல் பட்டனை அழுத்தவும்.

• தானாகச் செயல்படுத்த: குறிப்பிட்ட காலத்திற்கு iPadஐத் தொடவில்லை என்றால் அது தானாகவே பூட்டப்படும். iPad எப்போது தானாக லாக் செய்யப்பட வேண்டும் என்பதை மாற்றுதல்-ஐப் பார்க்கவும்.