iPadஇல் ஸ்கிரீன்ஷாட் எடுத்தல்

1. ஒரே நேரத்தில் மேல் பட்டனையும் ஒலியளவு பட்டன்களில் ஏதேனும் ஒன்றையும் விரைவாக அழுத்தி விடுவிக்கவும்.

   குறிப்பு: உங்கள் iPadஇல் ஹோம் பட்டன் இருந்தால், அதையும் மேல் பட்டனையும் ஒரே நேரத்தில் விரைவாக அழுத்தி விடவும்.

   

2. திரையின் கீழ் இடது மூலையில் உள்ள ஸ்கிரீன்ஷாட் சிறுபடத்தைத் தட்டி, பின்வருவனவற்றில் ஏதேனும் ஒன்றைச் செய்யவும்:

   • உங்கள் iPad திரைக்கு அப்பால் உள்ள உள்ளடக்கத்தைப் பதிவுசெய்தல்: முழுப் பக்கத்தைத் தட்டவும். ஸ்கிரீன்ஷாட்டின் மேலும் பல பகுதிகளைப் பார்க்க, உங்கள் விரலையோ Apple Pencilஐயோ வலதுபுறத்தில் உள்ள முன்னோட்டப் படத்தில் இழுக்கவும். உதாரணமாக, Safariஇல் முழு இணையப்பக்கத்தையும் படம்பிடிக்கலாம்.

   • கிராப் செய்தல்: ஹேண்டில்களை இழுக்கவும். முழுப் பக்க ஸ்கிரீன்ஷாட்டின் சிறிய பகுதியைச் சேமிக்க, -ஐத் தட்டி, ஹேண்டில்களை இழுக்கவும்.

   • குறிப்பைச் சேர்த்தல்: -ஐத் தட்டி, மார்க்-அப் கருவிகளைப் பயன்படுத்தவும்.

   • ரத்துசெய்தல் அல்லது நீக்குதல்: -ஐத் தட்டவும்.

3. சேமிக்க, -ஐத் தட்டவும்.

ஸ்கிரீன்ஷாட் எடுக்க வன்பொருள் பட்டன்களைப் பயன்படுத்துவதற்குப் பதிலாக, நீங்கள் Siri அல்லது AssistiveTouchஐப் பயன்படுத்தலாம். இல்லையெனில், நீங்கள் Apple Pencilஐப் பயன்படுத்தினால், திரையின் கீழ் இடது அல்லது கீழ் வலது மூலையிலிருந்து மூலைவிட்டமாக மேல்நோக்கி ஸ்வைப் செய்யவும்.

ஸ்கிரீன்ஷாட்கள் தானாகவே உங்கள் புகைப்பட லைப்ரரியில் சேமிக்கப்படும்.

1. உங்கள் iPadஇல் ஃபோட்டோஸ் செயலிக்குச் செல்லவும்.

2. “சேகரிப்புகள்” என்பதைத் தட்டி, கீழே ஸ்க்ரால் செய்து “மீடியா வகைகள்” என்பதற்குச் சென்று, “ஸ்கிரீன்ஷாட்கள்” என்பதைத் தட்டவும்.

முழுத் திரையிலோ தற்காலிகச் சிறுபடங்களாகவோ கீழே இடது மூலையில் ஸ்கிரீன்ஷாட்கள் காட்டப்படும் வகையில் ஸ்கிரீன்ஷாட் அமைப்புகளை நீங்கள் மாற்றலாம். ஸ்கிரீன்ஷாட்களை SDR அல்லது HDR வடிவமைப்பிலும் சேமிக்கலாம். “திரைப் பதிவு” அமைப்புகளை மாற்றுதல் என்பதைப் பார்க்கவும்.