Konfigurimi dhe shfaqja e Medical ID
Një Medical ID ofron informacione rreth jush që mund të jenë të rëndësishme në rast urgjence, si alergjitë, kushtet mjekësore dhe kontaktet tuaja të urgjencës. Telefoni iPhone dhe ora Apple Watch mund t'i shfaqin këto informacione që ato të jenë të disponueshme për këdo që ju ndihmon në rast urgjence dhe mund të njoftohen kontaktet e urgjencës nëse përdorni Emergency SOS nëpërmjet satelitit.
Krijimi i Medical ID
Vendosni një Medical ID në aplikacionin Health.
Shkoni tek aplikacioni Health
në iPhone.
Prekni fotografinë tuaj lart djathtas dhe më pas prekni Medical ID.
Prekni Get Started ose Edit dhe më pas futni informacionet tuaja.
Nën Emergency Contacts, prekni Add Emergency Contact dhe më pas shtoni kontaktet tuaja.
Pas përfundimit të një telefonate urgjence, iPhone sinjalizon kontaktet tuaja të urgjencës me një mesazh me tekst, përveçse nëse zgjidhni ta anuloni. iPhone dërgon vendndodhjen tuaj aktuale (nëse disponohet) dhe, për një periudhë kohe pasi të keni hyrë në modalitetin SOS, kontaktet tuaja të urgjencës marrin përditësime kur vendndodhja juaj ndryshon.
Prekni Done.
Këshillë: Për të parë Medical ID nga ekrani Home Screen: mbani shtypur ikonën e aplikacionit Health dhe më pas zgjidhni Medical ID.
Lejoni që shërbimet e urgjencës dhe reaguesit e parë të kenë qasje te Medical ID
Informacioni në Medical ID mund të ndahet automatikisht gjatë një telefonate urgjence (vetëm në SHBA dhe Kanada) dhe gjithashtu shfaqet në ekranin Lock Screen të iPhone dhe Apple Watch.
Shkoni tek aplikacioni Health
në iPhone.
Prekni fotografinë tuaj lart djathtas dhe më pas prekni Medical ID.
Prekni Edit, lëvizni në fund dhe më pas aktivizoni Show When Locked dhe Emergency Call.
Shënim: Një person i ndihmës së parë shikon Medical ID tuaj nga ekrani Lock Screen duke rrëshqitur lart apo shtypur butonin Home (në varësi të modelit tuaj të iPhone), duke prekur Emergency në ekranin e kodit të kalimit, pastaj duke prekur Medical ID.