ਪਰਿਵਾਰਕ ਸਾਂਝਾਕਰਨ ਨਾਲ ਐਪਾਂ ਅਤੇ ਖ਼ਰੀਦਾਂ ਨੂੰ ਸਾਂਝਾ ਕਰਨ ਦਾ ਤਰੀਕਾ
ਪਰਿਵਾਰ ਸਾਂਝਾਕਰਨ ਨਾਲ, ਪਰਿਵਾਰ ਪ੍ਰਬੰਧਕ ਖ਼ਰੀਦਦਾਰੀ ਸਾਂਝਾਕਰਨ ਨੂੰ ਚਾਲੂ ਕਰ ਸਕਦਾ ਹੈ ਤਾਂ ਜੋ ਹਰੇਕ ਪਰਿਵਾਰਕ ਸਾਂਝਾਕਰਨ ਗਰੁੱਪ ਐਪਾਂ, ਸੰਗੀਤ, ਕਿਤਾਬਾਂ ਅਤੇ ਹੋਰ ਚੀਜ਼ਾਂ ਨੂੰ ਸਾਂਝਾ ਕਰ ਸਕੇ।
ਖ਼ਰੀਦਦਾਰੀ ਸਾਂਝਾਕਰਨ ਕਿਵੇਂ ਕੰਮ ਕਰਦਾ ਹੈ
ਸਿਰਫ਼ ਪਰਿਵਾਰਕ ਸਾਂਝਾਕਰਨ ਪ੍ਰਬੰਧਕ ਹੀ ਉਹ ਮੈਂਬਰ ਹੁੰਦਾ ਹੈ ਜੋ ਸਾਰੇ ਪਰਿਵਾਰ ਗਰੁੱਪ ਲਈ ਖ਼ਰੀਦਦਾਰੀ ਸਾਂਝਾਕਰਨ ਨੂੰ ਚਾਲੂ ਕਰ ਸਕਦਾ ਹੈ। ਗਰੁੱਪ ਦੇ ਹੋਰ ਮੈਂਬਰ ਆਪਣੇ ਡਿਵਾਈਸ 'ਤੇ ਖ਼ਰੀਦਦਾਰੀ ਸਾਂਝਾਕਰਨ ਨੂੰ ਸਮਰੱਥ ਕਰਨਾ ਜਾਂ ਹਿੱਸਾ ਲੈਣ ਤੋਂ ਇਨਕਾਰ ਕਰਨਾ ਚੁਣ ਸਕਦੇ ਹਨ। ਜਦੋਂ ਪਰਿਵਾਰ ਪ੍ਰਬੰਧਕ ਖ਼ਰੀਦਦਾਰੀ ਸਾਂਝਾਕਰਨ ਨੂੰ ਚਾਲੂ ਕਰਦਾ ਹੈ ਅਤੇ ਗਰੁੱਪ ਦੇ ਹੋਰ ਪਰਿਵਾਰਕ ਮੈਂਬਰ ਵੀ ਖ਼ਰੀਦਦਾਰੀ ਸਾਂਝਾਕਰਨ ਚਾਲੂ ਕਰਦੇ ਹਨ, ਤਾਂ ਉਹਨਾਂ ਨੂੰ ਇੱਕ ਦੂਜੇ ਦੇ ਸਾਂਝੇ ਕੀਤੇ ਕੰਟੈਂਟ, ਜਿਵੇਂ ਕਿ ਐਪਾਂ, ਸੰਗੀਤ, ਫ਼ਿਲਮਾਂ, ਅਤੇ ਹੋਰ ਬਹੁਤ ਕੁਝ ਤੱਕ ਐਕਸੈੱਸ ਮਿਲਦਾ ਹੈ। ਪਰਿਵਾਰਕ ਪ੍ਰਬੰਧਕ ਹਰ ਕਿਸੇ ਦੀਆਂ ਖ਼ਰੀਦਦਾਰੀਆਂ ਦਾ ਭੁਗਤਾਨ ਕਰਦਾ ਹੈ ਜਦੋਂ ਤੱਕ ਉਹ ਖ਼ਰੀਦਦਾਰੀ ਸਾਂਝਾਕਰਨ ਬੰਦ ਨਹੀਂ ਕਰਦੇ।
ਪਰਿਵਾਰਕ ਮੈਂਬਰ ਐਪ ਸਟੋਰ, iTunes ਸਟੋਰ, Apple ਕਿਤਾਬਾਂ, ਜਾਂ Apple TV ਐਪ ਵਿੱਚ “ਖ਼ਰੀਦੇ ਗਏ” ਪੰਨੇ ’ਤੇ ਸਾਂਝਾ ਕੀਤਾ ਕੰਟੈਂਟ ਲੱਭ ਸਕਦੇ ਹਨ। ਐਪ-ਵਿੱਚ ਖ਼ਰੀਦਦਾਰੀਆਂ “ਖ਼ਰੀਦੇ ਗਏ” ਪੰਨੇ ’ਤੇ ਦਿਖਾਈ ਨਹੀਂ ਦਿੰਦੀ, ਭਾਵੇਂ ਉਹ ਸਾਂਝੀਆਂ ਕਰਨ ਯੋਗ ਹੋਣ, ਅਤੇ ਕੁਝ ਆਈਟਮਾਂ ਸਾਂਝੀਆਂ ਨਹੀਂ ਕੀਤੀਆਂ ਜਾ ਸਕਦੀਆਂ।
ਜਾਣੋ ਕਿ ਕਿਸ ਤਰ੍ਹਾਂ ਦਾ ਕੰਟੈਂਟ ਤੁਸੀਂ ਸਾਂਝਾ ਕਰ ਸਕਦੇ ਹੋ ਅਤੇ ਕਿਸ ਤਰ੍ਹਾਂ ਦਾ ਨਹੀਂ
ਆਪਣੇ iPhone ਜਾਂ iPad ’ਤੇ ਖ਼ਰੀਦਦਾਰੀ ਸਾਂਝਾਕਰਨ ਨੂੰ ਚਾਲੂ ਕਰੋ
ਤੁਹਾਨੂੰ ਖ਼ਰੀਦਦਾਰੀ ਸਾਂਝਾਕਰਨ ਦੀ ਵਰਤੋਂ ਕਰਨ ਲਈ ਪਰਿਵਾਰਕ ਸਾਂਝਾਕਰਨ ਨੂੰ ਸੈੱਟ ਅੱਪ ਕਰਨਾ ਪਵੇਗਾ।
ਸੈਟਿੰਗਾਂ ਐਪ ਨੂੰ ਖੋਲ੍ਹੋ, ਪਰਿਵਾਰ ’ਤੇ ਟੈਪ ਕਰੋ।
ਪਰਿਵਾਰਕ ਸਾਂਝਾਕਰਨ ’ਤੇ ਟੈਪ ਕਰੋ।
ਆਪਣੇ ਨਾਮ ’ਤੇ ਟੈਪ ਕਰੋ, ਫਿਰ “ਮੇਰੀਆਂ ਖ਼ਰੀਦਦਾਰੀਆਂ ਨੂੰ ਸਾਂਝਾ ਕਰੋ” ਨੂੰ ਚਾਲੂ ਕਰੋ ਅਤੇ ਸਕਰੀਨ ’ਤੇ ਦਿੱਤੀਆਂ ਹਿਦਾਇਤਾਂ ਦੀ ਪਾਲਣਾ ਕਰੋ।
ਭੁਗਤਾਨ ਵਿਧੀ ਦੀ ਪੁਸ਼ਟੀ ਕਰਨ ਲਈ, ਖ਼ਰੀਦਦਾਰੀ ਸਾਂਝਾਕਰਨ ’ਤੇ ਦੁਬਾਰਾ ਟੈਪ ਕਰੋ ਅਤੇ ਸਾਂਝਾ ਭੁਗਤਾਨ ਵਿਧੀ ਜਾਣਕਾਰੀ ਦੀ ਜਾਂਚ ਕਰੋ। ਇਹ ਪਰਿਵਾਰਕ ਪ੍ਰਬੰਧਕ ਦੀ ਡਿਫ਼ੌਲਟ ਭੁਗਤਾਨ ਵਿਧੀ ਬਣ ਜਾਂਦੀ ਹੈ।
ਆਪਣੇ Mac ‘ਤੇ ਖ਼ਰੀਦਦਾਰੀ ਸਾਂਝਾਕਰਨ ਨੂੰ ਚਾਲੂ ਕਰੋ
ਤੁਹਾਨੂੰ ਖ਼ਰੀਦਦਾਰੀ ਸਾਂਝਾਕਰਨ ਦੀ ਵਰਤੋਂ ਕਰਨ ਲਈ ਪਰਿਵਾਰਕ ਸਾਂਝਾਕਰਨ ਨੂੰ ਸੈੱਟ ਅੱਪ ਕਰਨਾ ਪਵੇਗਾ।
Apple ਮੈਨਿਊ > ਸਿਸਟਮ ਸੈਟਿੰਗਾਂ ਨੂੰ ਚੁਣੋ, ਫਿਰ ਪਰਿਵਾਰ ’ਤੇ ਕਲਿੱਕ ਕਰੋ।
ਪਰਿਵਾਰਕ ਸਾਂਝਾਕਰਨ ’ਤੇ ਕਲਿੱਕ ਕਰੋ।
ਆਪਣੇ ਨਾਮ ’ਤੇ ਕਲਿੱਕ ਕਰੋ, ਫਿਰ “ਮੇਰੀਆਂ ਖ਼ਰੀਦਦਾਰੀਆਂ ਨੂੰ ਸਾਂਝਾ ਕਰੋ” ਨੂੰ ਚਾਲੂ ਕਰੋ।
ਭੁਗਤਾਨ ਵਿਧੀ ਦੀ ਪੁਸ਼ਟੀ ਕਰਨ ਲਈ, ਸਾਂਝੀਆਂ ਭੁਗਤਾਨ ਵਿਧੀਆਂ ਦੇ ਅਧੀਨ ਜਾਂਚ ਕਰੋ। ਇਹ ਪਰਿਵਾਰਕ ਪ੍ਰਬੰਧਕ ਦੀ ਡਿਫ਼ੌਲਟ ਭੁਗਤਾਨ ਵਿਧੀ ਬਣ ਜਾਂਦੀ ਹੈ।
ਜਦੋਂ ਤੁਸੀਂ ਖ਼ਰੀਦਦਾਰੀ ਸਾਂਝਾਕਰਨ ਨੂੰ ਚਾਲੂ ਕਰਦੇ ਹੋ, ਤਾਂ ਹਰ ਕਿਸੇ ਦੀਆਂ ਖ਼ਰੀਦਦਾਰੀਆਂ ਦਾ ਬਿੱਲ ਪਰਿਵਾਰਕ ਪ੍ਰਬੰਧਕ ਦੀ ਭੁਗਤਾਨ ਵਿਧੀ ਵਿੱਚ ਜਾਂਦਾ ਹੈ।* ਪਰਿਵਾਰਕ ਪ੍ਰਬੰਧਕ ਇਹ ਕਰ ਸਕਦਾ ਹੈ:
ਆਪਣੀ ਭੁਗਤਾਨ ਵਿਧੀ ਨੂੰ ਅੱਪਡੇਟ ਕਰ ਸਕਦਾ ਹੈ ਜਾਂ ਕੋਈ ਨਵੀਂ ਵਿਧੀ ਜੋੜ ਸਕਦਾ ਹੈ ਜੇਕਰ ਕੋਈ ਸਮੱਸਿਆ ਹੈ।
ਆਪਣੀ ਖ਼ਰੀਦਦਾਰੀ ਹਿਸਟਰੀ ਦੀ ਜਾਂਚ ਕਰ ਸਕਦਾ ਹੈ ਤਾਂ ਜੋ ਪਰਿਵਾਕ ਮੈਂਬਰਾਂ ਦੁਆਰਾ ਕੀਤੀਆਂ ਗਈਆਂ ਖ਼ਰੀਦਦਾਰੀਆਂ ਦੇਖ ਸਕੇ।
ਜਾਣੋ ਕਿ ਕਿਹੜੀਆਂ ਭੁਗਤਾਨ ਵਿਧੀਆਂ ਤੁਹਾਡੇ ਦੇਸ਼ ਜਾਂ ਖੇਤਰ ਵਿੱਚ ਉਪਲਬਧ ਹਨ।
ਜਦੋਂ ਕੋਈ ਪਰਿਵਾਰਕ ਮੈਂਬਰ ਪਹਿਲੀ ਵਾਰ ਆਪਣੇ ਡਿਵਾਈਸ ’ਤੇ ਖ਼ਰੀਦਦਾਰੀ ਕਰਦਾ ਹੈ, ਤਾਂ ਪਰਿਵਾਰਕ ਪ੍ਰਬੰਧਕ ਨੂੰ CVV ਭਰ ਕੇ ਭੁਗਤਾਨ ਵਿਧੀ ਦੀ ਪੁਸ਼ਟੀ ਕਰਨ ਦੀ ਲੋੜ ਹੋ ਸਕਦੀ ਹੈ।
* ਜੇਕਰ ਤੁਸੀਂ ਪਰਿਵਾਰਕ ਸਾਂਝਾਕਰਨ ਗਰੁੱਪ ਵਿੱਚ ਹੋ, ਤਾਂ ਤੁਹਾਡੇ ਦੁਆਰਾ ਕੀਤੀਆਂ ਗਈਆਂ ਖ਼ਰੀਦਦਾਰੀਆਂ ਤੁਹਾਡੇ ਨਿੱਜੀ Apple ਖਾਤੇ ਦੇ ਬਕਾਏ ਵਿੱਚੋਂ ਲਈਆਂ ਜਾਂਦੀਆਂ ਹਨ। ਜੇਕਰ ਤੁਹਾਡੇ Apple ਖਾਤੇ ਵਿੱਚ ਖ਼ਰੀਦਦਾਰੀ ਲਈ ਭੁਗਤਾਨ ਕਰਨ ਲਈ ਲੋੜੀਂਦਾ ਬਕਾਇਆ ਨਹੀਂ ਹੈ, ਤਾਂ ਬਾਕੀ ਰਕਮ ਪਰਿਵਾਰਕ ਸਾਂਝਾਕਰਨ ਪ੍ਰਬੰਧਕ ਤੋਂ ਲਈ ਜਾਵੇਗੀ ਜੇਕਰ ਖ਼ਰੀਦਦਾਰੀ ਸਾਂਝਾਕਰਨ ਚਾਲੂ ਹੈ।
ਖ਼ਰੀਦਦਾਰੀ ਸਾਂਝਾਕਰਨ ਨੂੰ ਬੰਦ ਕਰੋ
ਜੇਕਰ ਤੁਸੀਂ ਪਰਿਵਾਰਕ ਸਾਂਝਾਕਰਨ ਪ੍ਰਬੰਧਕ ਹੋ ਅਤੇ ਤੁਸੀਂ ਚਾਹੁੰਦੇ ਹੋ ਕਿ ਪਰਿਵਾਰਕ ਮੈਂਬਰ ਆਪਣੀਆਂ ਖ਼ਰੀਦਦਾਰੀਆਂ ਲਈ ਖੁਦ ਭੁਗਤਾਨ ਕਰਨ, ਤਾਂ ਖ਼ਰੀਦਦਾਰੀ ਸਾਂਝਾਕਰਨ ਨੂੰ ਬੰਦ ਕਰੋ।
ਆਪਣੇ iPhone ਜਾਂ iPad ’ਤੇ
ਸੈਟਿੰਗਾਂ ਐਪ ਨੂੰ ਖੋਲ੍ਹੋ, ਪਰਿਵਾਰ ’ਤੇ ਟੈਪ ਕਰੋ।
ਪਰਿਵਾਰਕ ਸਾਂਝਾਕਰਨ ’ਤੇ ਟੈਪ ਕਰੋ।
Stop Purchase Sharing (ਖ਼ਰੀਦਦਾਰੀ ਸਾਂਝਾਕਰਨ ਨੂੰ ਬੰਦ ਕਰੋ) ’ਤੇ ਟੈਪ ਕਰੋ, ਫਿਰ ਪੁਸ਼ਟੀ ਕਰਨ ਲਈ “ਸਾਂਝਾਕਰਨ ਬੰਦ ਕਰੋ” ’ਤੇ ਟੈਪ ਕਰੋ।
ਆਪਣੇ Mac ’ਤੇ
Apple ਮੈਨਿਊ > ਸਿਸਟਮ ਸੈਟਿੰਗਾਂ ਨੂੰ ਚੁਣੋ।
ਪਰਿਵਾਰ ’ਤੇ ਕਲਿੱਕ ਕਰੋ, ਫਿਰ ਪਰਿਵਾਰਕ ਸਾਂਝਾਕਰਨ ’ਤੇ ਕਲਿੱਕ ਕਰੋ।
Stop Purchase Sharing (ਖ਼ਰੀਦਦਾਰੀ ਸਾਂਝਾਕਰਨ ਨੂੰ ਬੰਦ ਕਰੋ) ’ਤੇ ਕਲਿੱਕ ਕਰੋ, ਫਿਰ ਪੁਸ਼ਟੀ ਕਰਨ ਲਈ Stop Purchase Sharing (ਖ਼ਰੀਦਦਾਰੀ ਸਾਂਝਾਕਰਨ ਨੂੰ ਬੰਦ ਕਰੋ) ’ਤੇ ਕਲਿੱਕ ਕਰੋ।
ਜਦੋਂ ਖ਼ਰੀਦਦਾਰੀ ਸਾਂਝਾਕਰਨ ਬੰਦ ਹੁੰਦਾ ਹੈ, ਤਾਂ ਤੁਸੀਂ ਆਪਣੀਆਂ ਖ਼ਰੀਦਦਾਰੀਆਂ ਨੂੰ ਸਾਂਝਾ ਕਰਨਾ ਬੰਦ ਕਰ ਦਿੰਦੇ ਹੋ ਅਤੇ ਪਰਿਵਾਰਕ ਸਾਂਝਾਕਰਨ ਗਰੁੱਪ ਵਿੱਚ ਤੁਹਾਡੇ ਦੂਜੇ ਪਰਿਵਾਰਕ ਮੈਂਬਰਾਂ ਦੁਆਰਾ ਕੀਤੀਆਂ ਖ਼ਰੀਦਦਾਰੀਆਂ ਤੱਕ ਐਕਸੈੱਸ ਗੁਆ ਦਿੰਦੇ ਹੋ। ਹਾਲਾਂਕਿ, ਤੁਸੀਂ ਸਬਸਕ੍ਰਿਪਸ਼ਨਾਂ ਨੂੰ ਸਾਂਝਾ ਕਰਨਾ ਜਾਰੀ ਰੱਖ ਸਕਦੇ ਹੋ ਜਿਵੇਂ ਕਿ iCloud+, Apple TV+ ਅਤੇ ਹੋਰ — ਪਰ ਹਰ ਕਿਸੇ ਨੂੰ ਖ਼ਰੀਦਦਾਰੀ ਲਈ ਆਪਣੀ ਭੁਗਤਾਨ ਵਿਧੀ ਦੀ ਵਰਤੋਂ ਕਰਨੀ ਚਾਹੀਦੀ ਹੈ।
ਬੱਚੇ ਦੀਆਂ ਖ਼ਰੀਦਦਾਰੀਆਂ ਨੂੰ ਪ੍ਰਵਾਨਗੀ ਦਿਓ
ਜੇਕਰ ਤੁਸੀਂ ਦੇਖਣਾ ਅਤੇ ਪ੍ਰਵਾਨਗੀ ਦੇਣਾ ਚਾਹੁੰਦੇ ਹੋ ਕਿ ਬੱਚੇ ਕੀ ਖ਼ਰੀਦਦੇ ਅਤੇ ਡਾਊਨਲੋਡ ਕਰਦੇ ਹਨ, ਤਾਂ “ਖ਼ਰੀਦਣ ਲਈ ਪੁੱਛੋ” ਨੂੰ ਸੈੱਟ ਅੱਪ ਕਰੋ। ਜਦੋਂ ਕੋਈ ਬੱਚਾ ਐਪਾਂ, ਫ਼ਿਲਮਾਂ, ਜਾਂ ਹੋਰ ਕੰਟੈਂਟ ਖ਼ਰੀਦਣ ਲਈ ਕਹਿੰਦਾ ਹੈ, ਤਾਂ ਪਰਿਵਾਰਕ ਸਾਂਝਾਕਰਨ ਪ੍ਰਬੰਧਕ ਨੂੰ ਇੱਕ ਸੂਚਨਾ ਪ੍ਰਾਪਤ ਹੁੰਦੀ ਹੈ ਅਤੇ ਉਹ ਆਪਣੇ ਡਿਵਾਈਸ ਤੋਂ ਹੀ ਬੇਨਤੀ ਨੂੰ ਪ੍ਰਵਾਨ ਜਾਂ ਅਸਵੀਕਾਰ ਕਰ ਸਕਦਾ ਹੈ।
ਖ਼ਰੀਦਣ ਲਈ ਪੁੱਛੋ ਨੂੰ ਚਾਲੂ ਕਰਨ ਦਾ ਤਰੀਕਾ
