iPhone တွင်မိသားစုဝင်များနှင့်ဓာတ်ပုံများ၊ ပြက္ခဒိန်၊ အစရှိသည်တို့ကိုမျှဝေခြင်း

Family Sharing ကို လုပ်ဆောင်ထားသည့်အခါ Family ဟု ခေါ်သော မျှဝေအယ်လ်ဘမ်တစ်ခုအား မိသားစုဝင်များအားလုံး၏ စက်ပစ္စည်းအားလုံးရှိ ဓာတ်ပုံအက်ပ်ထဲတွင် အလိုအလျောက် ဖန်တီးပေး၍ယင်းသည်မိသားစုဓာတ်ပုံများသို့မဟုတ်ဗီဒီယိုများကိုအလွယ်တကူမျှဝေစေသည်။

1. Photos အက်ပ်ကိုဖွင့်ပါ ၊ ထို့နောက်ဓာတ်ပုံတစ်ပုံ သို့မဟုတ် ဗီဒီယိုတစ်ခုကိုရွေးချယ်ပါ၊ သို့မဟုတ်ဓာတ်ပုံသို့မဟုတ်ဗီဒီယိုအမျိုးမျိုးကိုရွေးချယ်ပါ။

2. ကိုနှိပ်ပါ၊ ထို့နောက် Shared Albums ကိုနှိပ်ပါ။

3. သင်အလိုရှိသည့်မည်သည့်သုံးသပ်ချက်မဆိုဖြည့်ပါ၊ ထို့နောက် Shared Album ကိုနှိပ်ပါ။

4. ဓာတ်ပုံ သို့မဟုတ် ဗီဒီယိုကိုထည့်သွင်းရန် အယ်လ်ဘမ်တစ်ခုကိုရွေးချယ်ပါ။

အဖွဲ့ဝင်များသည် မိသားစုအယ်လ်ဘမ်မှ အမည်စာရင်းပယ်ဖျက်နိုင်၍ မိသားစုကိုစုစည်းထားသူသည် ၎င်းကိုဖျက်နိုင်သလို ဝင်ရောက်ကြည့်ရှုသူကို ဖယ်ရှားနိုင်သည်။ iPhone ဓာတ်ပုံများကို iCloud ရှိ Shared Albums နှင့်မျှဝေခြင်း ကိုကြည့်ပါ။

Family Sharing ကိုတပ်ဆင်ထားသည့်အခါ Family ဟု ခေါ်သောမျှဝေထားသည့်ပြက္ခဒိန်တစ်ခုအားမိသားစုဝင်များအားလုံး၏ စက်ပစ္စည်းအားလုံးရှိပြက္ခဒိန်အက်ပ်ထဲတွင်အလိုအလျောက် ဖန်တီးပေးသည်။ မိသားစုဝင်များနှင့်အတူ၎င်းကိုမျှဝေရန်ထိုပြက္ခဒိန်တွင်ပွဲစဉ်တစ်ခုစီစဉ်နိုင်သည်။

1. Calendar အက်ပ် ကိုဖွင့်ပါ၊ ထို့နောက်ပွဲစဉ်တစ်ခုကိုဖြည့်ပါ။

2. ပွဲစဉ်အသေးစိတ်အချက်အလက်များကိုဖြည့်နေစဉ်တွင်၊ Calendar ကိုနှိပ်ပါ၊ ထို့နောက်မိသားစုပြက္ခဒိန်သို့ထိုပွဲစဉ်ကိုထည့်ရန် Family ကိုနှိပ်ပါ။

အဖွဲ့ဝင်များသည်မိသားစုပြက္ခဒိန်မှအမည်စာရင်းပယ်ဖျက်နိုင်၍မိသားစုစီစဉ်သူသည်၎င်းကိုဖျက်နိုင်သည်။ iPhone တွင် iCloud ပြက္ခဒိန်များ မျှဝေခြင်း ကိုကြည့်ပါ။

Family Sharing ဖြင့် သင်၏တည်နေရာကို မိသားစုအုပ်စု၏အဖွဲ့ဝင်များနှင့် မျှဝေနိုင်သည်။ စုစည်းသူမိသားစုဝင်သည် Family Sharing ချိန်ညှိမှုများတွင် Location Sharing ကိုထည့်သွင်းသည့်အခါ စုစည်းသူ၏တည်နေရာကို မိသားစုဝင်တိုင်းနှင့် အလိုအလျောက်မျှဝေသည်။ ထို့နောက် မိသားစုဝင်များသည် ၎င်းတို့တည်နေရာများကို မျှဝေမည် မမျှဝေမည်ကို ရွေးချယ်နိုင်သည်။

သင်၏တည်နေရာကို မျှဝေသည့်အခါ သင်၏မိသားစုဝင်များသည် သင်၏တည်နေရာကို Find My နှင့် မက်ဆေ့ချ်များတွင် တွေ့နိုင်သည်။ အကယ်၍ သင်၏စက်ပစ္စည်းပျောက်ဆုံးသွားလျှင် သူတို့မှ Find Myဖြင့်၎င်းကို ရှာဖွေနိုင်သည်။

1. Settings > [your name] > Family Sharing > Location Sharing သို့သွားကာ Share My Location ကိုဖွင့်ပါ။

2. Change My Location to This iPhone ကိုနှိပ်ပါ။

3. သင်၏တည်နေရာနှင့်အတူမျှဝေလိုသည်မိသားစုဝင်တစ်ဦးကိုနှိပ်ပါ၊ Share My Location ကိုနှိပ်ပါ၊ ထို့နောက်ကိုနှိပ်ပါ။

   သင်၏တည်နေရာကိုမျှဝေလိုသည့်မိသားစုဝင်တစ်ဦးစီအတွက်ထိုအဆင့်ကိုအကြိမ်ကြိမ်လုပ်နိုင်သည်။ မိသားစုဝင်တစ်ဦးစီသည်သင်၏တည်နေရာကို မျှဝေလိုက်ကြောင်းကို မက်ဆေ့ချ်တစ်စောင်ရရှိမည်ဖြစ်ပြီး ၎င်းတို့၏တည်နေရာကို သင်နှင့်မျှဝေရန် ရွေးချယ်နိုင်သည်။

Messages အက်ပ် (iOS 8 ၊ iPadOS 13၊ သို့မဟုတ်နောက်ပိုင်း) ကိုအသုံးပြုနေစဉ် စကားပြောဆိုမှုထိပ်ရှိ ပုံ သို့မဟုတ် အမည်ကိုနှိပ်၍ ကိုနှိပ်ကာ Send My Current Location သို့မဟုတ် Share My Location ကိုနှိပ်ခြင်းဖြင့် တည်နေရာကို ပို့ခြင်း သို့မဟုတ် မျှဝေခြင်းတို့ကိုလည်း လုပ်နိုင်သည်။

မိသားစုဝင်တစ်ယောက်နှင့် သင်၏တည်နေရာမျှဝေခြင်းကို ရပ်တပ်ရန် Settings > [your name] > Share My Location သို့သွားပါ။ မိသားစုဝင်ကို နှိပ်ကာ Stop Sharing My Location ကိုနှိပ်ပါ။

မိသားစုဝင်တစ်ဦး၏တည်နေရာကိုရှာရန်၊ Find My အက်ပ် ကိုသုံးပါ။

Family Sharing ဖြင့်၊ သင်၏မိသားစုအဖွဲ့ဝင်များနှင့်အတူ Personal Hotspot မှတစ်ဆင့်အင်တာနက်ချိတ်ဆက်မှုကိုမျှဝေနိုင်သည်။ သင်၏မိသားစုအဖွဲ့ဝင်သည် Personal Hotspot ကိုချိတ်ဆက်သည့်အခါ၊ အခြားမိသားစုဝင်များသည်စကားဝှက်ဖြည့်သွင်းခြင်းမရှိဘဲအင်တာနက်ချိတ်ဆက်မှုကိုမျှဝေရန်၎င်းကိုသုံးနိုင်သည်။

iPhone မှ သင်၏ Internet ချိတ်ဆက်မှုကို မျှဝေခြင်း ကိုကြည့်ပါ။