iPhone တွင် စာရင်းသွင်းဝယ်ယူထားခြင်းများနှင့် iCloud သိမ်းဆည်းမှုများကို မိသားစုဝင်များနှင့် မျှဝေခြင်း
သင်သည် မိသားစုမျှဝေခြင်းအဖွဲ့ တစ်ခုအတွင်း ရောက်ရှိနေသည့်အခါ Apple မှတ်ပုံတင်စာရင်းသွင်းခြင်း၊ iCloud သိမ်းဆည်းမှုအစီအစဉ်နှင့် ကိုက်ညီသော App Store မှတ်ပုံတင်စာရင်းသွင်းခြင်းတို့ကို အခြားမိသားစုဝင်များနှင့် မျှဝေနိုင်သည်။
နိုင်ငံ သို့မဟုတ် ဒေသအားလုံးအတွင်း ဝန်ဆောင်မှုအားလုံးကိုမရရှိနိုင်သလို ရွေးချယ်မှုအချို့သည် Screen Timeတွင် သတ်မှတ်ထားသည့် အကြောင်းအရာကန့်သတ်ချက်များတွင် အကျုံးဝင်သည်။
Apple မှတ်ပုံတင်စာရင်းသွင်းခြင်းနှင့် iCloud သိမ်းဆည်းမှုအစီအစဉ်တစ်ခုကို မျှဝေခြင်း
Settings
> [your name] > Family Sharing သို့သွားပါ။
စာရင်းသွင်းဝယ်ယူမှုတစ်ခုကိုနှိပ်ကာ ဖန်သားပြင်ပေါ်ရှိညွှန်ကြားချက်များအတိုင်း လုပ်ဆောင်ပါ။
ပိုမိုသိရှိရန် အောက်ပါတို့အနက်တစ်ခုခုကို ကြည့်ပါ။
Apple Arcade၊ iPhone ရှိ App Store တွင် အက်ပ်များကို ရယူခြင်း ကိုကြည့်ပါ။ သင့်မိသားစုဝင်များအားလုံးသည် App Store မှ Apple Arcade ဂိမ်းများကိုဒေါင်းလုတ်ဆွဲ၍ကစားနိုင်သည်။ ကစားသမားတစ်ဦးစီသည်ကိုယ်ပိုင်အကောင့်ရရှိမည်ဖြစ်ကာ—စက်ပစ္စည်းများကြားသင်၏တိုးတက်မှုကိုဆိုင်းထားသည်။
Apple Fitness+: Apple Watch သုံးစွဲသူလမ်းညွှန်ထဲရှိ Apple Fitness+ အကြောင်းအားလုံး ကို ကြည့်ပါ။ သင့်မိသားစုဝင်အားလုံးသည် ၎င်းတို့၏ iPhone သို့မဟုတ် iPad ရှိ Fitness အက်ပ်အတွင်း လေ့ကျင့်ခန်းများကို ကြည့်ရှုခွင့်ရနိုင်သည်။
Apple Music၊ iPhone တွင်Apple Music ကိုမှတ်ပုံတင်စာရင်းသွင်းခြင်း ကိုကြည့်ပါ။ မိသားစုဝင်တစ်ဦးစီသည် ၎င်းတို့၏ ကိုယ်ပိုင်ဂီတစာကြည့်တိုက်နှင့် သီးသန့်အကြံပြုထောက်ခံချက်များရရှိသည်။
Apple News+၊ iPhone ရှိ Apple News+ တွင် ငွေပေး၍ အသင်းဝင်ခြင်း ကိုကြည့်ပါ။ သင့်မိသားစုဝင်အားလုံးက Apple News+ ထုတ်ဝေမှုများကို အခကြေးငွေအပိုပေးစရာမလိုဘဲ ဖတ်ရှုနိုင်သည်။
Apple TV+ သို့မဟုတ် Apple TV ရုပ်သံလိုင်းများ၊ iPhone တွင် Apple TV အက်ပ်ကိုစတင်တပ်ဆင်ခြင်း ကိုကြည့်ပါ။ မိသားစုဝင်တိုင်းသည် ၎င်းတို့၏ iPhone၊ iPad၊ iPod touch၊ Mac၊ Apple TV၊ နှင့် အထောက်အကူပြု smart TVs နှင့် ဗီဒီယိုပြသနိုင်သည့်စက်ပစ္စည်းများတွင် ကိုယ်ပိုင် Apple ID နှင့် လျှို့ဝှက်ကုတ်ကို အသုံးပြု၍ ကြည့်ရှုနိုင်သည်။
iCloud သိမ်းဆည်းမှု၊ Apple အထောက်အကူပြုဆောင်းပါးဖြစ်သည့် iCloud သိမ်းဆည်းမှုအစီအစဥ်တစ်ခုကို မိသားစုဝင်များနှင့်မျှဝေခြင်းကို ကြည့်ပါ။ သင်၏မိသားစုသည် 200 GB သို့မဟုတ် ပို၍ iCloud သိမ်းဆည်းမှုအစီအစဉ်ကိုမျှဝေနိုင်သည်။ သိမ်းဆည်းမှုအစီအစဉ်တစ်ခုကို သင်မျှဝေသည့်အခါ ရရှိနိုင်သည့်သိမ်းဆည်းမှုနေရာလွတ်ကို ရိုးရှင်းစွာမျှဝေနိုင်သည်။ သင့်ဓာတ်ပုံများနှင့် စာရွက်စာတမ်းများသည် လုံခြုံစွာရှိနေမှာဖြစ်ပြီး လူတိုင်းသည်လည်း ၎င်းတို့၏ iCloud ကိုယ်ပိုင်အကောင့်များကိုသာ ဆက်ပြီးအသုံးပြုသွားမှာဖြစ်သည်။
သင်၏ Apple စာရင်းသွင်းခြင်းများပေါင်းစည်းခြင်းဆိုင်ရာ သတင်းအချက်အလက်များအတွက် Apple အထောက်အကူပြုဆောင်းပါးဖြစ်သည့် Apple One ဖြင့် Bundle Apple စာရင်းပေးသွင်းမှုကိုကြည့်ပါ။
App Store မှတ်ပုံတင်စာရင်းသွင်းခြင်းများကိုမျှဝေခြင်း
မည်သည့်ကိုက်ညီသော App Store မှတ်ပုံတင်စာရင်းသွင်းခြင်းများကို သင့်မိသားစုဝင်များနှင့် မျှဝေမည်ကို သင်ရွေးချယ်နိုင်သည်။ App Store နှင့်ပတ်သက်သောအချက်အလက်များအတွက် iPhone ရှိ App Store တွင် အက်ပ်များကို ရယူခြင်းတွင်ကြည့်ပါ။
Settings
> [your name] > Subscriptions သို့သွားပါ။
အောက်ပါတို့အနက် တစ်ခုခုကိုလုပ်ပါ၊
မှတ်ပုံတင်စာရင်းသွင်းခြင်းအသစ်အားလုံးကိုမျှဝေခြင်း၊ Share New Subscriptions ကိုဖွင့်ပါ။ မျှဝေရန်ကိုက်ညီသည့် မှတ်ပုံတင်စာရင်းသွင်းခြင်းအသစ်တစ်ခုကို သင်ဝယ်ယူလိုက်သည့်အခါ ၎င်းကို သင့်မိသားစုဝင်များနှင့် ပုံသေမျှဝေပြီးဖြစ်သည်။
အထူးသီးသန့်မှတ်ပုံတင်စာရင်းသွင်းခြင်းတစ်ခု၏ ချိန်ညှိမှုများကို ပြောင်းလဲခြင်း၊ မှတ်ပုံတင်စာရင်းသွင်းခြင်းတစ်ခုကို နှိပ်ပါ၊ ထို့နောက် Share with Family ကိုဖွင့်ပါ သို့မဟုတ် ပိတ်ပါ။
Share with Family ကို မတွေ့ရပါက မှတ်ပုံတင်စာရင်းသွင်းခြင်းသည် မျှဝေရန်အတွက် မကိုက်ညီပါ။
သင်မျှဝေထားသည့်မှတ်ပုံတင်စာရင်းသွင်းခြင်းများကို ကြည့်ရှုရန် Settings > [your name] > Family Sharing သို့သွားပါ။
iTunes Store၊ App Store၊ Apple Books နှင့် Apple TV ဝယ်ယူမှုများကို မိသားစုဝင်များနှင့်မျှဝေနိုင်သည်။ iPhone တွင် မိသားစုဝင်များ၏ဝယ်ယူမှုကိုဒေါင်းလုတ်ရယူခြင်း ကိုကြည့်ပါ။