iPhone တွင် သံလိုက်အိမ်မြှောင်ကိုအသုံးပြုခြင်း
Compass အက်ပ် သည် iPhone ၏လက်ရှိတည်နေရာနှင့် ပင်လယ်ရေပြင်အမြင့်၊သင်ဦးတည်နေသောလမ်းကြောင်းကိုသင့်အားပြပါသည်။

သင်၏တည်နေရာ၊ ကိုသြဒိနိတ်နှင့် ပင်လယ်ရေမျက်နှာပြင်အထက်အမြင့်ကိုကြည့်ခြင်း
သင်၏တည်နေရာ၊ ကိုသြဒိနိတ်နှင့်ပင်လယ်ရေမျက်နှာပြင်အထက်အမြင့်တို့ကို ဖန်သားပြင်၏အောက်ခြေတွင်ဖော်ပြထားသည်။
တည်နေရာအတိအကျအတွက် သံလိုက်အိမ်မြှောင်၏အလယ်၌ ကန့်လန့်ဖြတ်မျဉ်းကို ဖြောင့်တန်းသည်ထိ ချိန်ညှိရန် iPhone ကိုပက်လက်ကိုင်ထားပါ။
သင်၏လက်ရှိဦးတည်ရာကိုသော့ခတ်ရန် သံလိုက်အိမ်မြှောင်ဒိုင်ခွက်ကိုနှိပ်ပါ။
သင်လမ်းကြောင်းလွဲသွားသည့်အခါ အနီရောင်လှိုင်းခွင်ပေါ်လာပါသည်။
Maps တွင်သင်၏တည်နေရာကိုဖွင့်ရန် ဖန်သားမျက်နှာပြင်အောက်ခြေရှိ ကိုသြဒိနိတ်ကိုနှိပ်ပါ။
Compass ကို သင်၏တည်နေရာကို ရယူခွင့်ပြုပါ။
Compass သည် သင်၏တည်နေရာကိုမတွေ့လျှင် Location Services ကိုဖွင့်ထားမိပါစေ။
Settings
> Privacy > Location Services သို့သွားကာ Location Services ကိုဖွင့်ပါ။
Compass ကိုနှိပ်ပြီးနောက် While Using the App ကိုနှိပ်ပါ။
သတင်းအချက်အလက်ပိုမိုသိရှိရန်၊ iPhone တွင် သင်မျှဝေသည့် တည်နေရာအချက်အလက်များကို ထိန်းချုပ်ခြင်း ကိုကြည့်ပါ။
အရေးကြီးသော သံလိုက်စက်ကွင်းအနှောင့်အယှက် သို့မဟုတ် ပတ်ဝန်းကျင်ဆိုင်ရာအနှောင့်အယှက်တို့သည် သံလိုက်အိမ်မြှောင်၏ တိကျမှုကို သက်ရောက်မှုရှိနိုင်သည်- iPhone EarPods တွင်ပါရှိသော သံလိုက်တုံးလေးများကြောင့်ပင် အတိမ်းအစောင်းရှိနိုင်သည်။ အခြေခံလမ်းကြောင်းပြအကူအညီရယူရန်အတွက်သာ ဒီဂျစ်တယ်သံလိုက်အိမ်မြှောင်ကို အသုံးပြုပါ။ တည်နေရာအတိအကျ၊ အနီးအနားပတ်ဝန်းကျင်၊ ခရီးအကွာအဝေး သို့မဟုတ် ဦးတည်ရာကို ဆုံးဖြတ်ရန်အတွက်မူ ၎င်းကိုအားကိုးအားထားမပြုပါနှင့်။