iPhone တွင် Find My အတွင်း သင့်တည်နေရာကိုမျှဝေခြင်း
သင့်တည်နေရာကို သူငယ်ချင်းများနှင့်မျှဝေရန် Find My အက်ပ် ကို အသုံးမပြုခင် တည်နေရာမျှဝေမှုကိုစီမံရန်လိုအပ်သည်။
တည်နေရာမျှဝေမှု စီစဉ်လုပ်ဆောင်ခြင်း
Me ကိုနှိပ်ပါ၊ Share My Location ကိုဖွင့်ပါ။
သင့်တည်နေရာကိုမျှဝေသည့်စက်ပစ္စည်းက My Location အောက်တွင်ပေါ်လာသည်။
သင့် iPhone ကလက်ရှိတွင် သင့်တည်နေရာကိုမဖော်ပြပါက ဖန်သားပြင်အောက်ခြေထိ ဆွဲချကာ Use This iPhone as My Location ကိုနှိပ်ပါ။
မှတ်စု သင့်တည်နေရာကို iPhone၊ iPad၊ သို့မဟုတ် iPod touch မှမျှဝေနိုင်သည်။ အခြားစက်ပစ္စည်းမှ သင့်တည်နေရာကိုမျှဝေရန် စက်ပစ္စည်းရှိ Find My ကိုဖွင့်၍ ထိုစက်ပစ္စည်းသို့သင့်တည်နေရာကိုပြောင်းလဲပါ။ iOS 12 သို့မဟုတ် အစောပိုင်းအမျိုးအစားဖြစ်လျှင် Apple အထောက်အကူပြုဆောင်းပါးဖြစ်သည့် Set up နှင့် Find My Friends ကိုသုံးပါ။ Apple Watch (GPS + Cellular အမျိုးအစားများ) ဖြင့်ချိတ်ဆက်ထားသောiPhoneမှ သင့်တည်နေရာကိုမျှဝေမည်ဆိုလျှင် သင့်iPhone နှင့်အလှမ်းဝေးနေပြီး Apple Watch ကိုဝတ်ဆင်ထားသည့်အခါ သင့်တည်နေရာကို Apple Watchမှ မျှဝေပေးပါသည်။
သင့်တည်နေရာမျှဝေမှုချိန်ညှိချက်များကို Settings > [your name] > Find My အတွင်းမှလည်းပြောင်းလဲနိုင်သည်။
သင့်တည်နေရာအတွက် အညွှန်းဖော်ပြချက်စီမံခြင်း
သင့်လက်ရှိတည်နေရာအတွက် ပိုအဓိပ္ပာယ်ရှိစေရန် အညွှန်းတစ်ခုစီမံနိုင်သည် (Home သို့မဟုတ် Work ကဲ့သို့)။ Me ကိုနှိပ်သည့်အခါ သင့်တည်နေရာအပြင် အညွှန်းကိုလည်းမြင်နိုင်သည်။
Me ကိုနှိပ်၍ Edit Location Name ကိုနှိပ်ပါ။
အညွှန်းတစ်ခုကို ရွေးချယ်ပါ။
အညွှန်းအသစ်တစ်ခုထည့်သွင်းရန် Add Custom Label ကို နှိပ်ပြီး နာမည်တစ်ခုကို ထည့်ပါ၊ ထို့နောက် Done ကိုနှိပ်ပါ။
သင်၏တည်နေရာကို သူငယ်ချင်းတစ်ယောက်ဖြင့် မျှဝေခြင်း
People ကိုနှိပ်ပါ။
People စာရင်း၏အောက်ဆုံးသို့ရွှေ့ဆင်း၍ Share My Location ကိုနှိပ်ပါ။
To ဆိုသည့်ကွက်လပ်တွင် သင်၏တည်နေရာကိုမျှဝေလိုသော သူငယ်ချင်းအမည်ကို ရိုက်ထည့်ပါ (သို့မဟုတ်
ကိုနှိပ်၍ ဆက်သွယ်မှုတစ်ခုကို ရွေးချယ်ပါ)။
Send ကိုနှိပ်၍ သင့်တည်နေရာကိုမည်မျှကြာကြာမျှဝေလိုသည်ကို ရွေးချယ်ပါ။
သင်၏တည်နေရာပြောင်းလဲသည့်အခါ သူငယ်ချင်းတစ်ဦး သို့မဟုတ် မိသားစုဝင်တစ်ဦးကို အသိပေးနိုင်သည်။
သင်သည် မိသားစုမျှဝေမှုအဖွဲ့ဝင်တစ်ဦးဖြစ်ပါက မိသားစုဝင်များနှင့်သင်၏တည်နေရာကိုမျှဝေခြင်း ကို ကြည့်ပါ။
သင့်တည်နေရာမျှဝေမှုကို ရပ်တန့်ခြင်း
သင့်တည်နေရာကို သူငယ်ချင်းတစ်ဦးတစ်ယောက်နှင့်မျှဝေမှုကိုရပ်တန့်ရန် သို့မဟုတ် လူတိုင်းအမြင်မှကွယ်ရန် လုပ်ဆောင်နိုင်သည်။
သူငယ်ချင်းတစ်ဦးနှင့် မျှဝေမှုကိုရပ်တန့်ခြင်း၊ People ကိုနှိပ်ကာ သင်၏တည်နေရာကို မမျှဝေလိုသည့် ပုဂ္ဂိုလ်၏အမည်ကို နှိပ်ပါ။ Stop Sharing My Location ကိုနှိပ်၍ Stop Sharing Location ကိုနှိပ်ပါ။
သင့်တည်နေရာကို လူတိုင်းထံမှပုန်းကွယ်ခြင်း၊ Me ကိုနှိပ်ပါ၊ Share My Location ကိုပိတ်ပါ။
မျှဝေမှုတောင်းခံချက်သို့ တုံ့ပြန်ပါ
People ကိုနှိပ်ပါ။
တောင်းခံမှုပေးပို့သည့် သူငယ်ချင်းအမည်၏အောက်ရှိ Share ကိုနှိပ်၍ သင့်တည်နေရာကို မည်မျှကြာကြာမျှဝေလိုကြောင်း ရွေးချယ်ပါ။
သင့်တည်နေရာကို မမျှဝေလိုပါက Cancel နှိပ်ပါ။
တည်နေရာမျှဝေရန်တောင်းခံမှုအသစ်များလက်ခံရရှိနေခြင်းကို ရပ်တန့်ခြင်း
Me ကိုနှိပ်၍ Allow Friend Requests ကိုပိတ်ပါ။