Apple Account Card
App Store၊ Apple Music၊ iCloud၊ FaceTime၊ iTunes Store နှင့် အစရှိသော Apple ဝန်ဆောင်မှုများကို ဝင်ရောက်ရာတွင် သင်၏ Apple Account ကို အသုံးပြုရမည်။
သင်၏ Apple Account သို့ စာရင်းဝင်ရောက်ရန် သင့်အကောင့်အတွက် ဖိုင်ပေါ် ရှိ အီးမေးလိပ်စာ သို့မဟုတ် ဖုန်းနံပါတ်နှင့် သင်၏ စကားဝှက်ကို အသုံးပြုပါ။ Apple အထောက်အကူပြုဆောင်းပါးဖြစ်သည့် သင်၏ဖုန်းနံပါတ်ကို သင်၏ Apple Account အဓိကအသုံးပြုသူနာမည်အဖြစ်အသုံးပြုခြင်းကိုကြည့်ပါ။
စက်ပစ္စည်းတိုင်းတွင် မည်သည့် Apple ဝန်ဆောင်မှုကိုမဆို အသုံးပြုနိုင်ရန် Apple Account တစ်ခုတည်းသို့ ဝင်ရောက်ပါ။ ထိုနည်းဖြင့် စက်ပစ္စည်းတစ်ခုတွင် အမျိုးအစားများကို ဝယ်ယူခြင်း သို့မဟုတ် ဒေါင်းလုတ်လုပ်သည့်အခါ သင်၏အခြားစက်ပစ္စည်းများတွင်ပါ ၎င်းအမျိုးအစားများကို ရရှိနိုင်သည်။ သင်၏ ဝယ်ယူမှုများသည် Apple Account နှင့်ဆက်နွယ်နေမည်ဖြစ်ပြီး အခြား Apple Account သို့ကူးပြောင်း၍မရနိုင်ပါ။
သင်၏ ကိုယ်ပိုင် Apple Account ရှိလျှင် အကောင်းဆုံးဖြစ်ပြီး ၎င်းကို မျှဝေခြင်းမပြုပါနှင့်။ အကယ်၍ သင်သည် မိသားစုတစ်စုတွင် ပါဝင်နေသူဖြစ်ပါက မိသားစုဝင်များကြား Apple Account တစ်ခုတည်းမျှသုံးစရာမလိုဘဲ—မိသားစုမျှဝေမှုကို အသုံးပြု၍ ဝယ်ယူမှုများကို မျှဝေနိုင်သည်။
Apple Account အကြောင်းပိုမိုသိရှိလိုပါက Apple Account အထောက်အကူပြုစာမျက်နှာ ကိုကြည့်ပါ။ ထိုကဲ့သို့တစ်ခုဖန်တီးချင်ပါက Apple Account အကောင့်ဝက်ဘ်ဆိုက်ကိုသွားပါ။