iPad वर कुटुंबातील सदस्यासाठी ‘स्क्रीन टाइम’ सेट अप करणे
iPad वर स्क्रीन टाइम ॲपसह शेड्यूल्स सेट करा मधील सूचनांचे पालन करून तुम्ही कुटुंबातील सदस्यासाठी त्यांच्या डिव्हाइसवर स्क्रीन टाइम सेट अप करू शकता किंवा तुम्ही आयोजक असलेल्या कौटुंबिक शेअरिंग गटामध्ये ते असतील, तर तुमच्या डिव्हाइसवर तुम्ही ’कौटुंबिक शेअरिंग’ च्या माध्यमातून त्यांच्यासाठी स्क्रीन टाइम सेट अप करू शकता.
जर तुम्ही कौटुंबिक शेअरिंग गटाचे आयोजक (किंवा आईवडील किंवा पालक) असाल, तर जेव्हा तुम्ही अपत्य अकाउंट सेट अप करता, तेव्हा तुम्ही अपत्याचे नाव आणि जन्मदिनांक प्रविष्ट करता. अपत्याच्या जन्मदिवसाचा वापर ‘सुचवलेले कॉण्टेण्ट निर्बंध’ सेट करण्यासाठी केला जातो, ह्यामुळे ते कोणते कॉण्टेण्ट ॲक्सेस करू शकतात हे निर्धारित केले जाते.
तुम्ही अपत्याच्या डिव्हाइसवर कॉण्टेण्ट निर्बंध, संभाषण मर्यादा, आणि डाउनटाइम नंतर सेटिंग 
> 'स्क्रीन टाइम' मध्ये मॅन्युअली सेट अप करू शकता.
जेव्हा तुम्ही 18 वर्षांखालील अपत्यासाठी डिव्हाइस सेट अप करता, तेव्हा संभाषण सुरक्षा आणि ‘वेब कॉण्टेण्ट’ मर्यादा डिफॉल्टनुसार सुरू केल्या जातात आणि नंतर ‘स्क्रीन टाइम’ सेटिंगमध्ये मॅनेज केल्या जाऊ शकतात. (हे वय देश किंवा प्रदेशानुसार बदलते.)
कुटुंब सदस्यासाठी स्क्रीन टाइम सेट अप करणे
तुमच्या iPad वर ‘सेटिंग’ ॲपवर
जा.’स्क्रीन टाइम’ वर टॅप करा, त्यानंतर ‘खाली’ स्क्रोल करा आणि ’कुटुंब’ च्या खाली कुटुंबातील सदस्य सिलेक्ट करा.
पुढीलपैकी कोणतीही एक कृती करा :
तुमच्या कुटुंबातील सदस्यासाठी डाउनटाइम शेड्यूल करण्यासाठी, स्क्रीनपासून लांब राहण्याची वेळ शेड्यूल करण्यासाठी मधील सूचनांचे पालन करा.
तुम्ही ‘संदेश’ ॲपमध्ये किंवा ‘सेटिंग’
> ‘स्क्रीन टाइम’ मध्ये विनंती मान्य करू किंवा नाकारू शकता.तुमच्या कुटुंबातील सदस्याच्या ॲप वापरासाठी मर्यादा सेट करण्यासाठी, ॲप वापरासाठी मर्यादा सेट करा मधील सूचनांचे पालन करा.
तुमच्या कुटुंबातील सदस्याला नेहमी वापरता येतील असे ॲप्स आणि संपर्क निवडण्यासाठी, नेहमी अनुमती देण्यासाठी ॲप्स आणि संपर्क निवडणे मधील सूचनांचे पालन करा. तुम्ही कुटुंबातील सदस्याचे संपर्क बघू किंवा बदलू शकता आणि ॲप्ससाठी वयोमर्यादा सेट अप देखील करू शकता.
नोट : जर तुमच्या कुटुंबातील सदस्याला आरोग्य किंवा ॲक्सेसिबिलिटी ॲप्सची आवश्यकता असेल, तर ते ‘अनुमती असलेली ॲप्स’ च्या यादीमध्ये असल्याची खात्री करा. ‘संदेश’ ला नेहमी अनुमती नसल्यास, तुमच्या कुटुंबातील सदस्य डाउनटाइम दरम्यान किंवा अॅप मर्यादा पूर्ण झाल्यावर संदेश पाठवू किंवा प्राप्त करू शकणार नाहीत (आपत्कालीन नंबर आणि संपर्कांसह).
तुमच्या कुटुंबातील सदस्याचा मायोपिया (निकटदृष्टिता) किंवा डोळ्यांवर ताण पडण्याचा धोका कमी करण्यात मदत करण्यासाठी, 'स्क्रीनपासूनचे अंतर' सुरू करा.
कुटुंबातील सदस्यासाठी स्क्रीन टाइम पासकोड तयार करण्यासाठी, स्क्रीन टाइम पासकोड तयार करणे पहा.
तुमच्या कुटुंबातील सदस्यासाठी ‘संभाषण सुरक्षा’ फीचर्स सुरू करण्यासाठी, कुटुंबातील सदस्याच्या iPad वर संभाषणांमधील संवेदनशील इमेजेस आणि व्हिडिओज तपासणे सुरू किंवा बंद करणे पहा.
तुम्ही कुटुंबातील सदस्याच्या बाबतीतही पुढीलपैकी काहीही करू शकता :
तुमच्या कुटुंबातील सदस्याचे संपर्क बघणे किंवा त्यात बदल करणे
तुमच्या iPad वरील ‘सेटिंग’ ॲपवर
जा.’स्क्रीन टाइम’ वर टॅप करा, त्यानंतर तुमच्या कुटुंबातील सदस्याच्या नावावर टॅप करा. (कदाचित तुम्हाला खाली स्क्रोल करावे लागेल.)
’संभाषण मर्यादा’ वर टॅप करा, त्यानंतर ‘[अपत्याचे नाव] चे संपर्क मॅनेज करा’ सुरू करा.
तुमच्या अपत्याला संपर्क समाविष्ट करण्याची आणि संपादित करण्याची अनुमती देण्यासाठी, ’संपर्क संपादनाची अनुमती द्या’ सुरू करा.
तुमच्या अपत्याला त्यांच्या डिव्हाइसवरील संपर्क मॅनेज करण्याच्या विनंतीला मान्यता द्यायला सांगा.
एकदा तुमच्या अपत्याने तुमची विनंती स्वीकारली की, पुढीलपैकी कोणतेही एक करा :
तुमच्या अपत्याचे संपर्क बघा : ’संपर्क’ वर टॅप करा.
तुमच्या अपत्याचे संपर्क संपादित करा : ‘संपर्क’ वर टॅप करा, नावावर टॅप करा, त्यानंतर स्क्रीनच्या वरच्या उजव्या बाजूला ’संपादित करा’ वर टॅप करा.
तुमच्या अपत्याच्या संपर्कातून एखाद्या व्यक्तीला काढून टाका : ‘संपर्क’ वर टॅप करा, नावावर टॅप करा, त्यानंतर ’संपर्क हटवा’ वर टॅप करा. (कदाचित तुम्हाला खाली स्क्रोल करावे लागेल.)
तुमच्या अपत्याच्या संपर्कामध्ये एखाद्या व्यक्तीला समाविष्ट करा : ‘संपर्क’ वर टॅप करा, त्यानंतर वरच्या उजव्या कोपऱ्यातील ’समाविष्ट करा’ बटणावर टॅप करा.
नोट : तुम्ही प्रत्येक वेळी तुमच्या अपत्याचे संपर्क बघता किंवा त्यात बदल करता तेव्हा तुम्हाला अपत्याचा ‘स्क्रीन टाइम’ पासकोड प्रविष्ट करावा लागेल.
कुटुंबातील सदस्याच्या iPad वर संभाषणांमधील संवेदनशील इमेजेस आणि व्हिडिओज तपासणे सुरू किंवा बंद करणे
तुम्ही तुमच्या कुटुंबातील सदस्याच्या iPad वरुन इमेजेस आणि व्हिडिओज पाठवण्यापूर्वी किंवा प्राप्त करण्यापूर्वी त्यातील नग्नता शोधू शकता. हे फीचर ‘संदेश’ ॲप, AirDrop, ’संपर्क पोस्टर्स’, FaceTime, ‘छायाचित्र’ पिकर आणि ‘छायाचित्र’ ॲपमधील शेअर केलेल्या अल्बममध्ये उपलब्ध आहे. नग्न छायाचित्रे किंवा व्हिडिओज काही थर्ड पार्टी ॲप्समध्ये शेअर करण्यासाठी सिलेक्ट केल्यावरही ओळखले जाऊ शकतात.
नग्नता असलेली छायाचित्रे किंवा व्हिडिओज पाठवण्याचा प्रयत्न आढळल्यास, ‘संभाषण सुरक्षा’ चेतावणी देते, सुरक्षित राहण्याचे पर्याय देते आणि उपयुक्त संसाधने प्रदान करते. डिव्हाइसवर छायाचित्रे आणि व्हिडिओजचे विश्लेषण केले जाते. Apple ला नग्नता आढळल्याचे संकेत प्राप्त होत नाहीत आणि छायाचित्रे किंवा व्हिडिओजचा ॲक्सेस मिळत नाही.
अधिक माहितीसाठी तुमच्या अपत्याच्या Apple डिव्हाइसवरील संभाषण सुरक्षेविषयी माहिती ह्यावर Apple सपोर्ट लेख पहा.
नोट : ‘स्क्रीन टाइम’ सेट अप केल्यानंतर 18 वर्षांखालील मुलांसाठी ‘संभाषण सुरक्षा’ डिफॉल्टनुसार सुरू केली जाते (वय देश किंवा प्रदेशानुसार बदलते).
तुमच्या iPad वरील सेटिंग ॲपवर
जा.’स्क्रीन टाइम’ वर टॅप करा, ‘खाली’ स्क्रोल करा, त्यानंतर तुमच्या कुटुंबातील सदस्याचे नाव सिलेक्ट करा.
’संभाषण सुरक्षा’ वर टॅप करा, त्यानंतर ‘संभाषण सुरक्षा’ सुरू किंवा बंद करा.
तुम्हाला कदाचित ‘स्क्रीन टाइम’ पासकोड प्रविष्ट करावा लागेल.
नोट : तुम्ही ‘संभाषण सुरक्षा’ चालू करता, तेव्हा ते सेटिंग > ‘गोपनीयता व सुरक्षा’ मधील संवेदनशील कॉण्टेण्ट चेतावणी चालू करते. iPad वर संवेदनशील कॉण्टेण्टविषयी चेतावणी प्राप्त करणे पहा.
तुम्ही ॲनालिटिक्स आणि वापर डेटा शेअर करुन ‘संभाषण सुरक्षा’ सुधारित करण्यासाठी Apple ला मदत करू शकता. Apple सह कोणतेही संदेश किंवा मीडिया शेअर केले जात नाहीत. हे सुरू करण्यासाठी, सेटिंग > स्क्रीन टाइम > संभाषण सुरक्षा > ‘संभाषण सुरक्षा सुधारा’ वर जा.
कुटुंबातील सदस्याच्या iPad वर प्रौढ कॉण्टेण्ट ब्लॉक करणे
जेव्हा तुम्ही अपत्याचे अकाउंट सेट अप करता, तेव्हा तुम्ही ’अपत्याचे अकाउंट तयार करा’ वर टॅप केल्यानंतर मुलाचे नाव आणि जन्मदिनांक प्रविष्ट करता. अपत्याचे वय ते कोणते कॉण्टेण्ट ॲक्सेस करू शकतात हे ऑटोमॅटिकली निर्धारित करते. तुम्ही तुमच्या कुटुंबातील सदस्याच्या डिव्हाइसवरील विशिष्ट कॉण्टेण्ट—जसे की ‘संगीत’, ‘पॉडकास्ट’ किंवा News—हे ‘कॉण्टेण्ट व गोपनीयता’ निर्बंधांमध्ये स्पष्टता मानांकन मॅन्युअली मर्यादित करून वयानुसार योग्य असल्याची खात्री करण्यात मदत देखील करू शकता.
तुमच्या कुटुंबातील सदस्याच्या iPad वरील ‘सेटिंग’ ॲपवर
जा.‘स्क्रीन टाइम’ वर टॅप करा, ‘कॉण्टेण्ट व गोपनीयता निर्बंध’ वर टॅप करा, नंतर ‘कॉण्टेण्ट व गोपनीयता निर्बंध’ सुरू करा.
विशिष्ट कॉण्टेण्ट आणि गोपनीयता पर्याय निवडा. ह्याव्यतिरिक्त, पुढीलपैकी कोणतेही एक करा :
तुमच्या कुटुंबातील सदस्याच्या श्रवणशक्तीचे संरक्षण करण्यासाठी, खाली स्क्रोल करा, ‘मोठा आवाज कमी करा’ वर टॅप करा, त्यानंतर ’अनुमती देऊ नका’ सिलेक्ट करा. (हे हेडफोन कमाल व्हॉल्यूममध्ये बदलण्यास प्रतिबंध करते.) सेटिंगमध्ये हेडफोनचा मोठा आवाज कमी करणे पहा.
तुमचे अपत्य विशिष्ट ॲप्स आणि फीचर्समध्ये ॲक्सेस करू शकेल असा कॉण्टेण्ट सुधारण्यासाठी, ‘अनुमती दिलेले ॲप्स आणि फीचर्स’ वर टॅप करा, त्यानंतर ती बंद करा. ॲक्सेसची अनुमती देण्यासाठी, त्यांना सुरू करा.
शीर्षस्थानी डाव्या बाजूला
वर टॅप करा.
कुटुंबातील सदस्यासाठी नंतर ‘स्क्रीन टाइम’ सेटिंग समाविष्ट करणे किंवा बदलणे
नंतर ‘स्क्रीन टाइम’ सेटिंग समाविष्ट करण्यासाठी किंवा बदलण्यासाठी, वरील सेक्शनमध्ये वर्णन केलेल्या पायऱ्यांचे पालन करा.
महत्त्वाचे : जर तुम्ही तुमच्या कुटुंबातील सदस्याचा स्क्रीन टाइम त्यांच्या डिव्हाइसवर सेट केला असेल (कौटुंबिक शेअरिंगद्वारे नाही) आणि तुम्ही स्क्रीन टाइम पासकोड विसरला असाल, तर तुम्ही तो रीसेट करण्यासाठी तुमचे Apple अकाउंट वापरू शकता. तथापि, जर तुम्ही कौटुंबिक शेअरिंगच्या माध्यमातून तुमच्या डिव्हाइसवर कुटुंबातील सदस्याचा स्क्रीन टाइम सेट केला आणि तुमचा स्क्रीन टाइम पासकोड विसरला, तर तुम्ही तुमच्या डिव्हाइसचा पासकोड, Touch ID, किंवा Face ID वापरून तो तुमच्या डिव्हाइसवर रीसेट करू शकता.