iPad-ൽ ഒരു കുടുംബാംഗത്തിനായി സ്ക്രീൻ സമയം സജ്ജീകരിക്കൂ

1. നിങ്ങളുടെ iPad-ലെ ‘ക്രമീകരണം’  ആപ്പിലേക്ക് പോകൂ.

2. ‘സ്ക്രീൻ സമയം’ ടാപ്പ് ചെയ്യൂ, തുടർന്ന് താഴേക്ക് സ്ക്രോൾ ചെയ്ത് ‘കുടുംബ’ത്തിന് താഴെ ഒരു കുടുംബാംഗത്തെ സെലക്റ്റ് ചെയ്യൂ.

3. താഴെപ്പറയുന്നവയിൽ ഏതെങ്കിലും ചെയ്യൂ:

   • നിങ്ങളുടെ കുടുംബാംഗത്തിനായി ഡൗൺടൈം ഷെഡ്യൂൾ ചെയ്യാൻ, സ്ക്രീനിൽ നിന്ന് വിട്ടുനിൽക്കാനുള്ള സമയം ഷെഡ്യൂൾ ചെയ്യൂ എന്നതിലെ നിർദേശങ്ങൾ പാലിക്കുക.

     സന്ദേശങ്ങൾ ആപ്പിലോ, ക്രമീകരണം  > സ്ക്രീൻ സമയം എന്നതിലോ നിങ്ങൾക്ക് അഭ്യർഥന അംഗീകരിക്കാനോ നിരസിക്കാനോ കഴിയും.

   • നിങ്ങളുടെ കുടുംബാംഗങ്ങൾക്കായി ആപ്പ് ഉപയോഗത്തിനുള്ള പരിധികൾ സജ്ജമാക്കാൻ, ആപ്പ് ഉപയോഗ പരിധികൾ സജ്ജമാക്കൂ എന്നതിലെ നിർദേശങ്ങൾ പിന്തുടരൂ.

   • നിങ്ങളുടെ കുടുംബാംഗത്തെ എപ്പോഴും ഉപയോഗിക്കാൻ അനുവദിക്കുന്ന ആപ്പുകളും കോൺടാക്റ്റുകളും തിരഞ്ഞെടുക്കുന്നതിന്, എപ്പോഴും ഉപയോഗിക്കാൻ അനുവദിക്കുന്ന ആപ്പുകളും കോൺടാക്റ്റുകളും തിരഞ്ഞെടുക്കൂ എന്നതിലെ നിർദേശങ്ങൾ പിന്തുടരൂ. നിങ്ങൾക്ക് നിങ്ങളുടെ കുടുംബാംഗത്തിന്റെ കോൺടാക്റ്റുകൾ കാണാനോ മാറ്റാനോ ആപ്പുകൾക്കായി പ്രായപരിധി സജ്ജീകരിക്കാനോ കഴിയും.

     കുറിപ്പ്: നിങ്ങളുടെ കുടുംബാംഗത്തിന് ആരോഗ്യം അല്ലെങ്കിൽ ആക്സസബിലിറ്റി ആപ്പുകൾ ആവശ്യമാണെങ്കിൽ, അവ ‘അനുവദനീയമായ ആപ്പുകളു’ടെ ലിസ്റ്റിലാണെന്ന് ഉറപ്പാക്കൂ. ‘സന്ദേശങ്ങൾ’ എപ്പോഴും അനുവദനീയമല്ലെങ്കിൽ, ഡൗൺടൈമിലോ ആപ്പ് പരിധി കാലഹരണപ്പെട്ടതിന് ശേഷമോ നിങ്ങളുടെ കുടുംബാംഗത്തിന് സന്ദേശങ്ങൾ (അടിയന്തര നമ്പറുകളിലേക്കും കോൺടാക്റ്റുകളിലേക്കും ഉൾപ്പെടെ) അയയ്ക്കാനോ സ്വീകരിക്കാനോ കഴിഞ്ഞേക്കില്ല.

   • നിങ്ങളുടെ കുടുംബാംഗത്തിന്റെ മയോപിയ (കാഴ്ചക്കുറവ്) അല്ലെങ്കിൽ കണ്ണിന്റെ ആയാസം കുറയ്ക്കാൻ സഹായിക്കുന്നതിന്, സ്ക്രീൻ ദൂരം ഓണാക്കൂ.

   • ഒരു കുടുംബാംഗത്തിനായി ഒരു സ്ക്രീൻ സമയ പാസ്കോഡ് സൃഷ്ടിക്കാൻ, ഒരു സ്ക്രീൻ സമയ പാസ്കോഡ് സൃഷ്ടിക്കൂ കാണൂ.

   • നിങ്ങളുടെ കുടുംബാംഗത്തിനായുള്ള ആശയവിനിമയ സുരക്ഷാ ഫീച്ചറുകൾ ഓണാക്കാൻ, ഒരു കുടുംബാംഗത്തിന്റെ iPad-ലെ ‘ആശയവിനിമയങ്ങളി’ൽ സെൻസിറ്റീവ് ഇമേജുകൾക്കും വീഡിയോകൾക്കുമായി പരിശോധിക്കുന്നത് ഓണാക്കുകയോ ഓഫാക്കുകയോ ചെയ്യൂ കാണൂ.

ഒരു കുടുംബാംഗത്തിനായി താഴെപ്പറയുന്നവയിൽ ഏതെങ്കിലും നിങ്ങൾക്ക് ചെയ്യാം:

• ഉള്ളടക്കം ബ്ലോക്ക് ചെയ്യുകയും iTunes & App Store വാങ്ങലുകൾ തടയുകയും ചെയ്യൂ

• നിർദിഷ്ട കോൺടാക്റ്റുകളിൽ നിന്നുള്ള കോളുകളും സന്ദേശങ്ങളും അനുവദിക്കുകയോ ബ്ലോക്ക് ചെയ്യുകയോ ചെയ്യൂ

1. നിങ്ങളുടെ iPad-ലെ ക്രമീകരണം ആപ്പിലേക്ക് പോകൂ.

2. ‘സ്ക്രീൻ സമയം’ ടാപ്പ് ചെയ്യൂ, തുടർന്ന് നിങ്ങളുടെ കുടുംബാംഗത്തിന്റെ പേര് സെലക്റ്റ് ചെയ്യൂ. (നിങ്ങൾക്ക് താഴേക്ക് സ്ക്രോൾ ചെയ്യേണ്ടിവന്നേക്കാം.)

3. ‘ആശയവിനിമയ പരിധികൾ’ ടാപ്പ് ചെയ്യൂ, തുടർന്ന് [കുട്ടിയുടെ പേര്] എന്നതിനായുള്ള ‘കോൺടാക്റ്റുകൾ മാനേജ് ചെയ്യൂ’ ഓണാക്കൂ.

   നിങ്ങളുടെ കുട്ടിയെ കോൺടാക്റ്റുകൾ ചേർക്കാനും എഡിറ്റ് ചെയ്യാനും അനുവദിക്കുന്നതിന്, കോൺടാക്റ്റ് എഡിറ്റിങ് അനുവദിക്കൂ’ ഓണാക്കൂ.

4. നിങ്ങളുടെ കുട്ടിയോട് അവരുടെ ഡിവൈസിൽ കോൺടാക്റ്റുകൾ മാനേജ് ചെയ്യാനുള്ള അഭ്യർഥന അംഗീകരിക്കാൻ പറയൂ.

5. നിങ്ങളുടെ കുട്ടി നിങ്ങളുടെ അഭ്യർഥന സ്വീകരിച്ചുകഴിഞ്ഞാൽ, താഴെപ്പറയുന്നവയിൽ ഏതെങ്കിലും ചെയ്യൂ:

   • നിങ്ങളുടെ കുട്ടിയുടെ കോൺടാക്റ്റുകൾ കാണാൻ: ‘കോൺടാക്റ്റ്സ്’ ടാപ്പ് ചെയ്യൂ.

   • നിങ്ങളുടെ കുട്ടിയുടെ കോൺടാക്റ്റുകൾ എഡിറ്റ് ചെയ്യാൻ: ‘കോൺടാക്റ്റ്സ്’ ടാപ്പ് ചെയ്ത് പേര് ടാപ്പ് ചെയ്യൂ, തുടർന്ന് സ്ക്രീനിന്റെ മുകളിൽ വലത് വശത്ത് ‘എഡിറ്റ് ചെയ്യൂ’ ടാപ്പ് ചെയ്യൂ.

   • നിങ്ങളുടെ കുട്ടിയുടെ കോൺടാക്റ്റുകളിൽ നിന്ന് ആരെയെങ്കിലും നീക്കം ചെയ്യാൻ: ‘കോൺടാക്റ്റ്സ്’ ടാപ്പ് ചെയ്യൂ, ഒരു പേര് ടാപ്പ് ചെയ്യൂ, തുടർന്ന് ‘കോൺടാക്റ്റ് ഡിലീറ്റ് ചെയ്യൂ’ ടാപ്പ് ചെയ്യൂ. (നിങ്ങൾക്ക് താഴേക്ക് സ്ക്രോൾ ചെയ്യേണ്ടിവന്നേക്കാം.)

   • നിങ്ങളുടെ കുട്ടിയുടെ കോൺടാക്റ്റുകളിലേക്ക് ഒരാളെ ചേർക്കാൻ: ‘കോൺടാക്റ്റ്സ്’ ടാപ്പ് ചെയ്യൂ, തുടർന്ന് മുകളിൽ വലത് കോണിലുള്ള ‘ചേർക്കൂ’ ബട്ടൺ ടാപ്പ് ചെയ്യൂ.

   കുറിപ്പ്: നിങ്ങളുടെ കുട്ടിയുടെ കോൺടാക്റ്റുകൾ കാണുമ്പോഴോ അവയിൽ മാറ്റങ്ങൾ വരുത്തുമ്പോഴോ ഓരോ തവണയും നിങ്ങൾ കുട്ടിയുടെ സ്ക്രീൻ സമയ പാസ്‌കോഡ് നൽകേണ്ടതുണ്ട്.

നിങ്ങളുടെ കുടുംബാംഗത്തിന്റെ iPad-ന് ഇമേജുകൾ അയയ്ക്കുന്നതിനോ സ്വീകരിക്കുന്നതിനോ മുൻപ് അതിലെ നഗ്നത കണ്ടെത്താനാകും. ഈ ഫീച്ചർ സന്ദേശങ്ങൾ, AirDrop, കോൺടാക്റ്റ് പോസ്റ്ററുകൾ, FaceTime, ഫോട്ടോസ് പിക്കർ, ഫോട്ടോസിലെ പങ്കിട്ട ആൽബങ്ങൾ എന്നിവയിൽ ലഭ്യമാണ്. ചില മൂന്നാം കക്ഷി ആപ്പുകളിൽ പങ്കിടാൻ സെലക്റ്റ് ചെയ്യുമ്പോഴും നഗ്ന ഫോട്ടോകളോ വീഡിയോകളോ കണ്ടെത്താൻ കഴിയും.

നഗ്നത അടങ്ങിയേക്കാവുന്ന ഫോട്ടോകളോ വീഡിയോകളോ അയയ്ക്കാനുള്ള ഒരു ശ്രമം കണ്ടെത്തിയാൽ, ‘ആശയവിനിമയ സുരക്ഷ’ ഒരു മുന്നറിയിപ്പും സുരക്ഷിതമായി തുടരാനുള്ള ഓപ്ഷനുകളും സഹായകരമായ റിസോഴ്സുകളും നൽകുന്നു. ഫോട്ടോകളും വീഡിയോകളും ഡിവൈസിൽ വിശകലനം ചെയ്യുന്നു. Apple-ന് നഗ്നത കണ്ടെത്തിയെന്ന അറിയിപ്പോ ഫോട്ടോകളിലേക്കോ വീഡിയോകളിലേക്കോ ഉള്ള ആക്സസോ ലഭിക്കുന്നില്ല.

കൂടുതൽ വിവരങ്ങൾക്ക് നിങ്ങളുടെ കുട്ടിയുടെ Apple ഡിവൈസിലെ ആശയവിനിമയ സുരക്ഷ എന്ന Apple പിന്തുണ ലേഖനം കാണൂ.

1. നിങ്ങളുടെ iPad-ലെ ‘ക്രമീകരണം’  ആപ്പിലേക്ക് പോകൂ.

2. ‘സ്ക്രീൻ സമയം’ ടാപ്പ് ചെയ്യൂ, താഴേക്ക് സ്ക്രോൾ ചെയ്യൂ, തുടർന്ന് നിങ്ങളുടെ കുടുംബാംഗത്തിന്റെ പേര് സെലക്റ്റ് ചെയ്യൂ.

3. ‘ആശയവിനിമയ സുരക്ഷ’ ടാപ്പ് ചെയ്യൂ, തുടർന്ന് ‘ആശയവിനിമയ സുരക്ഷ’ ഓണാക്കുകയോ ഓഫാക്കുകയോ ചെയ്യൂ.

   നിങ്ങൾക്ക് സ്ക്രീൻ സമയ പാസ്കോഡ് നൽകേണ്ടിവന്നേക്കാം.

നിങ്ങൾ ഒരു ചൈൽഡ് അക്കൗണ്ട് സജ്ജീകരിക്കുമ്പോൾ, ‘ചൈൽഡ് അക്കൗണ്ട് സൃഷ്ടിക്കൂ’ ടാപ്പ് ചെയ്തതിന് ശേഷം നിങ്ങൾ കുട്ടിയുടെ പേരും ജനന തീയതിയും നൽകുന്നു. കുട്ടിയുടെ പ്രായം അവർക്ക് ആക്സസ് ചെയ്യാൻ കഴിയുന്ന ഉള്ളടക്കം ഓട്ടോമാറ്റിക്കായി നിർണയിക്കുന്നു. ‘ഉള്ളടക്ക, സ്വകാര്യതാ നിയന്ത്രണങ്ങൾ’ എന്നതിൽ എക്സ്പ്ലിസിറ്റ് റേറ്റിങ്ങുകൾ മാനുവലായി പരിമിതപ്പെടുത്തിക്കൊണ്ട് നിങ്ങളുടെ കുടുംബാംഗത്തിന്റെ ഡിവൈസിലെ ചില ഉള്ളടക്കങ്ങൾ—സംഗീതം, പോഡ്കാസ്റ്റ്സ് അല്ലെങ്കിൽ News പോലെയുള്ളവ—പ്രായത്തിന് അനുയോജ്യമാണെന്ന് നിങ്ങൾക്ക് ഉറപ്പാക്കുകയും ചെയ്യാം.

1. നിങ്ങളുടെ കുടുംബാംഗത്തിന്റെ iPad-ലെ ‘ക്രമീകരണം’  ആപ്പിലേക്ക് പോകൂ.

2. ‘സ്ക്രീൻ സമയം’ ടാപ്പ് ചെയ്യൂ, ‘ഉള്ളടക്ക, സ്വകാര്യതാ നിയന്ത്രണങ്ങൾ’ ടാപ്പ് ചെയ്യൂ, തുടർന്ന് ‘ഉള്ളടക്ക, സ്വകാര്യതാ നിയന്ത്രണങ്ങൾ’ ഓണാക്കൂ.

3. നിർദിഷ്ട ഉള്ളടക്കവും സ്വകാര്യത ഓപ്ഷനുകളും തിരഞ്ഞെടുക്കൂ. കൂടാതെ, താഴെ പറയുന്നവയിൽ ഏതെങ്കിലും ചെയ്യൂ:

   • നിങ്ങളുടെ കുടുംബാംഗത്തിന്റെ കേൾവിശക്തി സംരക്ഷിക്കാൻ താഴേക്ക് സ്ക്രോൾ ചെയ്ത്, ഉച്ചത്തിലുള്ള ഓഡിയോ കുറയ്ക്കൂ എന്നതിൽ ടാപ്പ് ചെയ്യൂ, തുടർന്ന് ’അനുവദിക്കേണ്ട’ എന്നതിൽ ക്ലിക്ക് ചെയ്യൂ. (ഇത് ഹെഡ്ഫോൺ വോള്യത്തിന്റെ പരമാവധി അളവിൽ വരുന്ന മാറ്റങ്ങൾ തടയുന്നു.) ക്രമീകരണത്തിൽ ഉച്ചത്തിലുള്ള ഹെഡ്ഫോൺ ശബ്ദങ്ങൾ കുറയ്ക്കൂ കാണൂ.

   • നിങ്ങളുടെ കുട്ടിക്ക് ആക്സസ് ചെയ്യാൻ കഴിയുന്ന ഉള്ളടക്കം നിർദ്ദിഷ്ട ആപ്പുകളിലും ഫീച്ചറുകളിലും പരിഷ്കരിക്കാൻ, ‘അനുവദിച്ച ആപ്പുകളും ഫീച്ചറുകളും’ ടാപ്പ് ചെയ്യൂ, തുടർന്ന് അവ ഓഫ് ചെയ്യൂ. ആക്സസ് അനുവദിക്കാൻ, അവ ഓൺ ചെയ്യൂ.

4. മുകളിൽ ഇടതുവശത്തുള്ള ടാപ്പ് ചെയ്യൂ.

പിന്നീട് സ്ക്രീൻ സമയ ക്രമീകരണങ്ങൾ ചേർക്കാനോ മാറ്റാനോ, മുകളിലുള്ള വിഭാഗങ്ങളിൽ വിവരിച്ചിരിക്കുന്ന സ്റ്റെപ്പുകൾ പിന്തുടരൂ.