നിങ്ങളുടെ iPhone-ലോ iPad-ലോ വൈഫൈ കണക്റ്റ് ചെയ്യാൻ കഴിയുന്നില്ലെങ്കിൽ
നിങ്ങളുടെ iOS അല്ലെങ്കിൽ iPadOS-ലെ വൈഫൈ ക്രമീകരണം, റൂട്ടർ എന്നിവയും നിങ്ങളുടെ നെറ്റ്വർക്കുമായി ബന്ധപ്പെട്ട മറ്റ് പ്രശ്നങ്ങളും പരിശോധിക്കുക.
നിങ്ങൾ ആരംഭിക്കുന്നതിന് മുമ്പ്
നിങ്ങളുടെ iPad അല്ലെങ്കിൽ iPhone-നെ, ഏറ്റവും പുതിയ iOS അല്ലെങ്കിൽ iPadOS സോഫ്റ്റ്വെയർ പതിപ്പിലേക്ക് ഇനിപ്പറയുന്ന രീതിയിൽ അപ്ഡേറ്റ് ചെയ്യുക:
ക്രമീകരണ ആപ്പ് തുറക്കുക.
ജനറൽ ടാപ്പ് ചെയ്യുക.
"സോഫ്റ്റ്വെയർ അപ്ഡേറ്റ് ചെയ്യുക" ടാപ്പ് ചെയ്യുക.
ഏറ്റവും പുതിയ iOS അല്ലെങ്കിൽ iPadOS സോഫ്റ്റ്വെയർ പതിപ്പിലേക്ക് അപ്ഡേറ്റ് ചെയ്യുക.
നിങ്ങളുടെ വൈഫൈ ക്രമീകരണം പരിശോധിക്കുക
വൈഫൈയിലേക്ക് കണക്റ്റ് ചെയ്യുക. നിങ്ങൾക്ക് വൈഫൈയിലേക്ക് കണക്റ്റ് ചെയ്യാൻ കഴിയുന്നില്ലെങ്കിൽ:
വൈഫൈ ഓണാണെന്ന് ഉറപ്പാക്കാൻ, ക്രമീകരണം ആപ്പ് തുറന്ന ശേഷം വൈഫൈ ടാപ്പ് ചെയ്യുക. ആവശ്യമെങ്കിൽ, വൈഫൈ ഓണാക്കുക.
നിങ്ങളുടെ നെറ്റ്വർക്കിന്റെ പേരിൽ ടാപ്പ് ചെയ്യുക.
നിങ്ങൾ കണക്റ്റ് ചെയ്തിട്ടുണ്ടെന്ന് സ്ഥിരീകരിക്കാൻ, ഒരു നീല ചെക്ക്മാർക്ക് കാണുന്നുണ്ടോ എന്ന് നോക്കുക.
നിങ്ങൾക്ക് ഇപ്പോഴും കണക്റ്റ് ചെയ്യാൻ കഴിയുന്നില്ലെങ്കിൽ, ക്രമീകരണത്തിലേക്ക് മടങ്ങി എയർപ്ലെയ്ൻ മോഡ് ഓഫാണെന്ന് ഉറപ്പാക്കുക. തുടർന്ന്, താഴെ സെല്ലുലാർ എന്നതിലേക്ക് സ്ക്രോൾ ചെയ്ത ശേഷം വൈഫൈ അസിസ്റ്റ് ഓഫാണെന്ന് ഉറപ്പാക്കുക.
വൈഫൈ ക്രമീകരണം മങ്ങിച്ചിട്ടുണ്ടെങ്കിൽ (ചാരനിറത്തിലാണെങ്കിൽ), നിങ്ങളുടെ ഉപകരണം റീസ്റ്റാർട്ട് ചെയ്യുക.
"ഇന്റർനെറ്റ് കണക്ഷനില്ല" എന്നത് പോലുള്ള ഒരു സന്ദേശമാണ് നിങ്ങൾക്ക് തുടർന്നും ദൃശ്യമാകുന്നതെങ്കിൽ, മറ്റൊരു പ്രശ്നമുണ്ടാകാം. നിങ്ങളുടെ റൂട്ടർ, നെറ്റ്വർക്ക് ക്രമീകരണം എന്നിവ പരിശോധിക്കുക.
VPN, സുരക്ഷാ സോഫ്റ്റ്വെയർ എന്നിവ അൺഇൻസ്റ്റാൾ ചെയ്യുക
നിങ്ങൾ സുരക്ഷ അല്ലെങ്കിൽ VPN സോഫ്റ്റ്വെയർ ഇൻസ്റ്റാൾ ചെയ്തിട്ടുണ്ടെങ്കിൽ, താൽക്കാലികമായി സോഫ്റ്റ്വെയർ അൺഇൻസ്റ്റാൾ ചെയ്യുക (വെറുതെ പ്രവർത്തനരഹിതമാക്കുക അല്ല), നിങ്ങളുടെ ഉപകരണം റീസ്റ്റാർട്ട് ചെയ്യുക, തുടർന്ന് വീണ്ടും പരീക്ഷിക്കുക. സുരക്ഷ അല്ലെങ്കിൽ VPN സോഫ്റ്റ്വെയർ അൺഇൻസ്റ്റാൾ ചെയ്യുന്നതിലൂടെ പ്രശ്നം പരിഹരിക്കപ്പെടുകയും എന്നാൽ നിങ്ങൾക്ക് സോഫ്റ്റ്വയർ ഉപയോഗിക്കേണ്ടതുമായ സാഹചര്യത്തിൽ, സഹായത്തിന് നിങ്ങളുടെ VPN മാനേജറെയോ സുരക്ഷാ സോഫ്റ്റ്വെയർ ദാതാവിനെയോ ബന്ധപ്പെടുക.
VPN, സുരക്ഷാ സോഫ്റ്റ്വെയർ എന്നിവ സംബന്ധിച്ച കൂടുതൽ വിവരങ്ങൾക്ക്, നെറ്റ്വർക്ക് കണക്റ്റിവിറ്റി പ്രശ്നങ്ങൾ പരിഹരിക്കാൻ സഹായിക്കുന്നതിന് VPN, മൂന്നാം കക്ഷി സോഫ്റ്റ്വെയർ എന്നിവ പരിശോധിക്കുക കാണുക.
ഒരു പ്രത്യേക നെറ്റ്വർക്കിൽ മാത്രമാണോ പ്രശ്നമുണ്ടാകുന്നതെന്ന് പരിശോധിക്കുക
നിങ്ങളുടെ നെറ്റ്വർക്ക് ദൃശ്യമാകുന്നില്ലെങ്കിൽ, മറച്ചിരിക്കുന്ന SSID-യോ MAC ഫിൽട്ടറിംഗോ നിങ്ങളുടെ നെറ്റ്വർക്ക് ഉപയോഗിക്കുന്നുണ്ടോ എന്ന് പരിശോധിച്ച് നിങ്ങളുടെ നെറ്റ്വർക്ക് കോൺഫിഗറേഷൻ Apple-ന്റെ നിർദ്ദേശങ്ങൾ പാലിക്കുന്നുണ്ടെന്ന് സ്ഥിരീകരിക്കുക. കൂടുതൽ വിവരങ്ങൾക്ക്, വൈഫൈ റൂട്ടറുകൾക്കും ആക്സസ് പോയിന്റുകൾക്കുമുള്ള നിർദ്ദേശിക്കുന്ന ക്രമീകരണം കാണുക.
നിങ്ങളുടെ നെറ്റ്വർക്ക് മാനേജ് ചെയ്യുന്നത് നിങ്ങൾ അല്ലാത്ത സാഹചര്യത്തിൽ, കോൺഫിഗറേഷനിൽ മാറ്റങ്ങൾ വരുത്തേണ്ടത് എങ്ങനെയാണെന്ന് അറിയില്ലെങ്കിൽ, നിങ്ങളുടെ ഇന്റർനെറ്റ് സേവന ദാതാവിനെ ബന്ധപ്പെടുക.
നിങ്ങളുടെ വൈഫൈ റൂട്ടർ പരിശോധിക്കുക
ഏറ്റവും പുതിയ ഫേംവെയർ ഉപയോഗിച്ച് നിങ്ങളുടെ റൂട്ടർ അപ്ഡേറ്റ് ചെയ്യുക, നിങ്ങളുടെ Apple ഉൽപ്പന്നത്തെ റൂട്ടർ പിന്തുണയ്ക്കുന്നുണ്ടെന്ന് ഉറപ്പാക്കുക. നിങ്ങൾക്ക് സഹായം ആവശ്യമുണ്ടെങ്കിൽ, റൂട്ടറിന്റെ നിർമ്മാതാവിനെ ബന്ധപ്പെടുക.
നിങ്ങളുടെ റൂട്ടർ ഓണാക്കിയിട്ടുണ്ടെന്നും പരിധിയിലാണെന്നും ഉറപ്പാക്കുക—നിങ്ങൾ സിഗ്നലിൽ നിന്ന് വളരെ ദൂരെയാകാം. നിങ്ങളുടെ റൂട്ടർ വ്യത്യസ്ത ഫ്രീക്വൻസികളെ പിന്തുണയ്ക്കുന്നുണ്ടെങ്കിൽ, മറ്റൊരു ഫ്രീക്വൻസിയിൽ ചേർന്ന് നോക്കുക—ഉദാഹരണത്തിന്, 2.4 GHz-ന് പകരം 5 GHz-ൽ ചേരുക.
ആവശ്യമെങ്കിൽ, ഉപകരണം അൺപ്ലഗ് ചെയ്ത് നിങ്ങളുടെ റൂട്ടറും കേബിളും അല്ലെങ്കിൽ DSL മോഡം റീസ്റ്റാർട്ട് ചെയ്ത ശേഷം അത് തിരികെ പ്ലഗ് ചെയ്യുക.
നിങ്ങളുടെ നെറ്റ്വർക്ക് ക്രമീകരണം റീസെറ്റ് ചെയ്യുക
ക്രമീകരണ ആപ്പ് തുറക്കുക.
ജനറൽ ടാപ്പ് ചെയ്യുക.
താഴേക്ക് സ്ക്രോൾ ചെയ്ത് "ട്രാൻസ്ഫർ ചെയ്യുക അല്ലെങ്കിൽ [ഉപകരണം] റീസെറ്റ് ചെയ്യുക" ടാപ്പ് ചെയ്യുക, തുടർന്ന് "റീസെറ്റ് ചെയ്യുക" ടാപ്പ് ചെയ്യുക. സ്കൂളിലോ ബിസിനസിനോ ഉപയോഗിക്കാൻ നിങ്ങളുടെ നെറ്റ്വർക്ക് കോൺഫിഗർ ചെയ്തിട്ടുണ്ടെങ്കിൽ, നെറ്റ്വർക്ക് റീസെറ്റ് ചെയ്യുന്നതിന് മുമ്പ് നിങ്ങളുടെ IT അഡ്മിനിസ്ട്രേറ്ററുടെ ഉപദേശം തേടുക.
'നെറ്റ്വർക്ക് ക്രമീകരണം റീസെറ്റ് ചെയ്യുക' ടാപ്പ് ചെയ്യുക. ഇത് വൈഫൈ നെറ്റ്വർക്കുകളും പാസ്വേഡുകളും, സെല്ലുലാർ ക്രമീകരണം എന്നിവയും VPN, APN ക്രമീകരണവും റീസെറ്റ് ചെയ്യുന്നു.
നിങ്ങൾ നിങ്ങളുടെ നെറ്റ്വർക്ക് ക്രമീകരണം റീസെറ്റ് ചെയ്യുകയും വൈഫൈയിലേക്ക് കണക്റ്റ് ചെയ്തിട്ടുണ്ടെന്ന് നിങ്ങളുടെ ഉപകരണം കാണിക്കുകയും ചെയ്തിട്ടും നിങ്ങൾക്ക് ഇന്റർനെറ്റ് ആക്സസ് ചെയ്യാനാകുന്നില്ലെങ്കിൽ, സഹായത്തിന് നിങ്ങളുടെ ISP-യെ ബന്ധപ്പെടുക.
കൂടുതൽ സഹായം നേടുക
നിങ്ങൾ ഒരു വൈഫൈ നെറ്റ്വർക്കിലേക്ക് കണക്റ്റ് ചെയ്തിട്ടും ഓൺലൈൻ ആകാൻ കഴിയുന്നില്ലെങ്കിൽ, മറ്റ് ഉപകരണങ്ങളിൽ നിങ്ങളുടെ വൈഫൈ നെറ്റ്വർക്ക് ഉപയോഗിച്ച് നോക്കൂ. മറ്റ് ഉപകരണങ്ങൾ ഉപയോഗിച്ചും ഓൺലൈനാകാൻ കഴിയുന്നില്ലെങ്കിൽ, സേവനം ലഭ്യമല്ലാതിരിക്കാൻ ഇടയുണ്ട്. സഹായത്തിനായി നിങ്ങളുടെ കേബിൾ കമ്പനിയെയോ ഇൻ്റർനെറ്റ് ദാതാവിനെയോ ബന്ധപ്പെടുക.
നിങ്ങൾക്ക് സ്വന്തം വൈഫൈ നെറ്റ്വർക്കിൽ മാത്രമാണോ നിങ്ങൾക്ക് പ്രശ്നമുള്ളതെന്ന് കാണാൻ, മറ്റൊരു ലൊക്കേഷനിലെ വൈഫൈയിലേക്ക് കണക്റ്റ് ചെയ്ത് നോക്കൂ. നിങ്ങളുടെ ഉപകരണത്തിന് ഒരു വൈഫൈ നെറ്റ്വർക്കിലേക്കും കണക്റ്റ് ചെയ്യാൻ കഴിയുന്നില്ലെങ്കിൽ, Apple-നെ ബന്ധപ്പെടുക.