iPadನಲ್ಲಿ ಸ್ಕ್ರಿಬಲ್ ಮೂಲಕ ಪಠ್ಯವನ್ನು ನಮೂದಿಸಿ

1. ಯಾವುದೇ ಪಠ್ಯ ಫೀಲ್ಡ್‌ನಲ್ಲಿ Apple Pencil ಮೂಲಕ ಬರೆಯಿರಿ ಮತ್ತು ಸ್ಕ್ರಿಬಲ್ ನಿಮ್ಮ ಕೈಬರಹವನ್ನು ಟೈಪ್ ಮಾಡಿದ ಪಠ್ಯವಾಗಿ ಸ್ವಯಂಚಾಲಿತವಾಗಿ ಪರಿವರ್ತಿಸುತ್ತದೆ.

   ನಿಮ್ಮ ಕೈಬರಹವು ಪಠ್ಯದ ಫೀಲ್ಡ್‌ನ ಅಂಚುಗಳನ್ನು ಮೀರಿ ವಿಸ್ತರಿಸಿದಾಗಲೂ ಸಹ ಸ್ಕ್ರಿಬಲ್ ಕಾರ್ಯನಿರ್ವಹಿಸುತ್ತದೆ.

2. ಆ್ಯಕ್ಷನ್ ಶಾರ್ಟ್‌ಕಟ್ ಅನ್ನು ಬಳಸಲು, ಸ್ಕ್ರಿಬಲ್ ಟೂಲ್‌ಬಾರ್ ಅನ್ನು ಟ್ಯಾಪ್ ಮಾಡಿ.

   ಲಭ್ಯವಿರುವ ಕ್ರಿಯೆಗಳು ನೀವು ಬಳಸುತ್ತಿರುವ ಆ್ಯಪ್‌ನ ಮೇಲೆ ಅವಲಂಬಿತವಾಗಿರುತ್ತವೆ ಮತ್ತು ಇದು ಅನ್‌ಡು ಬಟನ್ , ’ಕೀಬೋರ್ಡ್ ಬಟನ್ ತೋರಿಸಿ’ ಮತ್ತು ಹೆಚ್ಚಿನವುಗಳನ್ನು ಒಳಗೊಂಡಿರಬಹುದು.

   ನೀವು ಪಠ್ಯವನ್ನು ನಮೂದಿಸುವಾಗ ಟೂಲ್‌ಬಾರ್ ಅನ್ನು ಸ್ವಯಂಚಾಲಿತವಾಗಿ ಮಿನಿಮೈಸ್ ಮಾಡಲು, ಅನ್ನು ಟ್ಯಾಪ್ ಮಾಡಿ, ನಂತರ ಆಟೋ-ಮಿನಿಮೈಸ್ ಅನ್ನು ಆನ್ ಮಾಡಿ. ಪೂರ್ಣ ಟೂಲ್‌ಬಾರ್ ಅನ್ನು ತೋರಿಸಲು, ಮಿನಿಮೈಸ್ ಮಾಡಿದ ಆವೃತ್ತಿಯನ್ನು ಟ್ಯಾಪ್ ಮಾಡಿ.

1. ಟಿಪ್ಪಣಿ ಆ್ಯಪ್‌ ಅಥವಾ Freeformನಲ್ಲಿ, ಟೂಲ್ ಪ್ಯಾಲೆಟ್ ಅನ್ನು ತೋರಿಸಲು ಅನ್ನು ಟ್ಯಾಪ್ ಮಾಡಿ.

2. ಟೂಲ್ ಪ್ಯಾಲೆಟ್‌ನಲ್ಲಿ, ಕೈಬರಹದ ಟೂಲ್ ಅನ್ನು ಟ್ಯಾಪ್ ಮಾಡಿ (ಪೆನ್‌ನ ಎಡಕ್ಕೆ).

3. Apple Pencil ಮೂಲಕ ಬರೆಯಿರಿ ಮತ್ತು ಸ್ಕ್ರಿಬಲ್ ನಿಮ್ಮ ಕೈಬರಹವನ್ನು ಟೈಪ್ ಮಾಡಿದ ಪಠ್ಯವಾಗಿ ಸ್ವಯಂಚಾಲಿತವಾಗಿ ಪರಿವರ್ತಿಸುತ್ತದೆ.

ನೀವು Apple Pencil ಮತ್ತು ಸ್ಕ್ರಿಬಲ್ ಬಳಸಿಕೊಂಡು ಪಠ್ಯವನ್ನು ನಮೂದಿಸಿದಂತೆ, ನೀವು ಈ ಕೆಳಗಿನವುಗಳನ್ನು ಮಾಡಬಹುದು:

• ಪದವನ್ನು ಡಿಲೀಟ್ ಮಾಡಿ: ಅದನ್ನು ಸ್ಕ್ರ್ಯಾಚ್ ಮಾಡಿ.

• ಪಠ್ಯವನ್ನು ಇನ್ಸರ್ಟ್ ಮಾಡಿ: ಪಠ್ಯ ಪ್ರದೇಶದಲ್ಲಿ ಒತ್ತಿ ಹಿಡಿದುಕೊಳ್ಳಿ, ನಂತರ ತೆರೆದುಕೊಳ್ಳುವ ಜಾಗದಲ್ಲಿ ಬರೆಯಿರಿ.

• ಅಕ್ಷರಗಳನ್ನು ಸೇರಿಸಿ ಅಥವಾ ಪ್ರತ್ಯೇಕಿಸಿ: ಅವುಗಳ ನಡುವೆ ಲಂಬವಾದ ರೇಖೆಯನ್ನು ಎಳೆಯಿರಿ.

• ಪಠ್ಯವನ್ನು ಆಯ್ಕೆಮಾಡಿ: ಪಠ್ಯವನ್ನು ಆಯ್ಕೆಮಾಡಲು ಮತ್ತು ಎಡಿಟಿಂಗ್ ಆಯ್ಕೆಗಳನ್ನು ನೋಡಲು ಅದರ ಸುತ್ತ ವೃತ್ತವನ್ನು ಎಳೆಯಿರಿ ಅಥವಾ ಅಂಡರ್‌ಲೈನ್ ಮಾಡಿ. ಆಯ್ಕೆಯನ್ನು ಬದಲಾಯಿಸಲು, ಆಯ್ಕೆಮಾಡಿದ ಪಠ್ಯದ ಆರಂಭ ಅಥವಾ ಕೊನೆಯಿಂದ ಡ್ರ್ಯಾಗ್ ಮಾಡಿ.

• ಪದವನ್ನು ಆಯ್ಕೆಮಾಡಿ: ಪದವನ್ನು ಡಬಲ್ ಟ್ಯಾಪ್ ಮಾಡಿ.

• ಪ್ಯಾರಾಗ್ರಾಫ್ ಅನ್ನು ಆಯ್ಕೆಮಾಡಿ: ಪ್ಯಾರಾಗ್ರಾಫ್‌ನಲ್ಲಿರುವ ಪದವನ್ನು ಮೂರು ಬಾರಿ ಟ್ಯಾಪ್ ಮಾಡಿ ಅಥವಾ ಪ್ಯಾರಾಗ್ರಾಫ್‌ನ ಮೇಲೆ Apple Pencil ಅನ್ನು ಡ್ರ್ಯಾಗ್ ಮಾಡಿ.

ಸೆಟ್ಟಿಂಗ್ಸ್ ಆ್ಯಪ್  > Apple Pencil ಎಂಬಲ್ಲಿಗೆ ಹೋಗಿ, ನಂತರ ಸ್ಕ್ರಿಬಲ್ ಎಂಬುದನ್ನು ಆಫ್ ಮಾಡಿ.