iPadನಲ್ಲಿ ಸ್ಕ್ರೀನ್‌ಶಾಟ್ ತೆಗೆದುಕೊಳ್ಳಿ
ನಿಮ್ಮ iPad ಸ್ಕ್ರೀನ್‌ನಲ್ಲಿರುವುದನ್ನು ನೀವು ಕ್ಯಾಪ್ಚರ್ ಮಾಡಬಹುದು, ಸ್ಕ್ರೀನ್‌ನ ಅಂಚಿನ ಆಚೆಗಿನ ಪೂರ್ಣ ಪುಟವನ್ನು ಪಡೆಯಬಹುದು ಅಥವಾ ನಿರ್ದಿಷ್ಟ ಭಾಗವನ್ನು ಸೇವ್ ಮಾಡಬಹುದು.
ಸ್ಕ್ರೀನ್‌ಶಾಟ್ ತೆಗೆದುಕೊಳ್ಳಿ
ಟಾಪ್ ಬಟನ್ ಮತ್ತು ವಾಲ್ಯೂಮ್ ಬಟನ್ ಅನ್ನು ಏಕ ಕಾಲದಲ್ಲಿ ತ್ವರಿತವಾಗಿ ಒತ್ತಿ ಮತ್ತು ಬಿಟ್ಟುಬಿಡಿ.
ಗಮನಿಸಿ: ನಿಮ್ಮ iPadನಲ್ಲಿ ಹೋಮ್ ಬಟನ್ ಇದ್ದರೆ, ಅದನ್ನು ಮತ್ತು ಸೈಡ್ ಬಟನ್ ಅನ್ನು ಏಕಕಾಲದಲ್ಲಿ ತ್ವರಿತವಾಗಿ ಒತ್ತಿ ಮತ್ತು ಬಿಟ್ಟುಬಿಡಿ.
ಸ್ಕ್ರೀನ್‌ನ ಕೆಳಗಿನ ಎಡ ಮೂಲೆಯಲ್ಲಿರುವ ಸ್ಕ್ರೀನ್‌ಶಾಟ್ ಥಂಬ್‌ನೇಲ್ ಅನ್ನು ಟ್ಯಾಪ್ ಮಾಡಿ, ನಂತರ ಈ ಕೆಳಗಿನವುಗಳಲ್ಲಿ ಯಾವುದನ್ನಾದರೂ ಮಾಡಿ:
ನಿಮ್ಮ iPad ಸ್ಕ್ರೀನ್‌ನ ಆಚೆಗಿನ ಕಂಟೆಂಟ್ ಅನ್ನು ಕ್ಯಾಪ್ಚರ್ ಮಾಡಿ: ಸಂಪೂರ್ಣ ಪುಟ ಎಂಬುದನ್ನು ಟ್ಯಾಪ್ ಮಾಡಿ. ಸ್ಕ್ರೀನ್‌ಶಾಟ್‌ನ ಹೆಚ್ಚಿನ ಭಾಗವನ್ನು ನೋಡಲು, ನಿಮ್ಮ ಬೆರಳು ಅಥವಾ Apple Pencil ಅನ್ನು ಬಲಭಾಗದಲ್ಲಿರುವ ಪ್ರಿವ್ಯೂ ಚಿತ್ರದ ಮೇಲೆ ಡ್ರ್ಯಾಗ್ ಮಾಡಿ. ಉದಾಹರಣೆಗೆ, ನೀವು Safariಯಲ್ಲಿ ಸಂಪೂರ್ಣ ವೆಬ್‌ಪುಟವನ್ನು ಕ್ಯಾಪ್ಚರ್ ಮಾಡಬಹುದು.
ಕ್ರಾಪ್ ಮಾಡಿ: ಹ್ಯಾಂಡಲ್‌ಗಳನ್ನು ಡ್ರ್ಯಾಗ್ ಮಾಡಿ. ಸಂಪೂರ್ಣ-ಪುಟದ ಸ್ಕ್ರೀನ್‌ಶಾಟ್‌ನ ಸಣ್ಣ ಭಾಗವನ್ನು ಸೇವ್ ಮಾಡಲು,
ಅನ್ನು ಟ್ಯಾಪ್ ಮಾಡಿ, ನಂತರ ಹ್ಯಾಂಡಲ್‌ಗಳನ್ನು ಡ್ರ್ಯಾಗ್ ಮಾಡಿ.
ಟಿಪ್ಪಣಿ ಮಾಡಿ:
ಅನ್ನು ಟ್ಯಾಪ್ ಮಾಡಿ, ನಂತರ ಮಾರ್ಕಪ್ ಟೂಲ್‌ಗಳನ್ನು ಬಳಸಿ.
ರದ್ದು ಮಾಡಿ ಅಥವಾ ಡಿಲೀಟ್ ಮಾಡಿ:
ಅನ್ನು ಟ್ಯಾಪ್ ಮಾಡಿ.
ಸೇವ್ ಮಾಡಲು,
ಅನ್ನು ಟ್ಯಾಪ್ ಮಾಡಿ.
ಸ್ಕ್ರೀನ್‌ಶಾಟ್ ತೆಗೆದುಕೊಳ್ಳಲು ಹಾರ್ಡ್‌ವೇರ್ ಬಟನ್‌ಗಳನ್ನು ಬಳಸುವ ಬದಲು, ನೀವು Siri ಅಥವಾ AssistiveTouch ಅನ್ನು ಬಳಸಬಹುದು. ಅಥವಾ, ನೀವು Apple Pencil ಅನ್ನು ಬಳಸುತ್ತಿದ್ದರೆ, ಸ್ಕ್ರೀನ್‌ನ ಕೆಳಗಿನ-ಎಡ ಅಥವಾ ಕೆಳಗಿನ-ಬಲ ಮೂಲೆಯಿಂದ ಕರ್ಣೀಯವಾಗಿ ಮೇಲಕ್ಕೆ ಸ್ವೈಪ್ ಮಾಡಿ.
ನಿಮ್ಮ ಸ್ಕ್ರೀನ್‌ಶಾಟ್‌ಗಳನ್ನು ರಿವ್ಯೂ ಮಾಡುವುದು
ಸ್ಕ್ರೀನ್‌ಶಾಟ್‌ಗಳು ಸ್ವಯಂಚಾಲಿತವಾಗಿ ನಿಮ್ಮ ಫೋಟೋ ಲೈಬ್ರರಿಗೆ ಸೇವ್ ಆಗುತ್ತವೆ.
ನಿಮ್ಮ iPadನಲ್ಲಿರುವ ಫೋಟೋಸ್ ಆ್ಯಪ್‌ಗೆ
ಹೋಗಿ.
ಸಂಗ್ರಹಗಳು ಎಂಬುದನ್ನು ಟ್ಯಾಪ್ ಮಾಡಿ, ಮೀಡಿಯಾ ಪ್ರಕಾರಗಳು ಎಂಬಲ್ಲಿಗೆ ಸ್ಕ್ರೋಲ್ ಮಾಡಿ, ನಂತರ ಸ್ಕ್ರೀನ್‌ಶಾಟ್‌ಗಳು ಎಂಬುದನ್ನು ಟ್ಯಾಪ್ ಮಾಡಿ.
ಸ್ಕ್ರೀನ್‌ಶಾಟ್‌ಗಳ ಡಿಫಾಲ್ಟ್ ಸೆಟ್ಟಿಂಗ್ಸ್ ಅನ್ನು ಬದಲಿಸುವುದು
ಸ್ಕ್ರೀನ್‌ಶಾಟ್‌ಗಳು ಫುಲ್ ಸ್ಕ್ರೀನ್‌ನಲ್ಲಿ ಅಥವಾ ಕೆಳಗಿನ ಎಡ ಮೂಲೆಯಲ್ಲಿ ತಾತ್ಕಾಲಿಕ ಥಂಬ್‌ನೇಲ್‌ಗಳಾಗಿ ಕಾಣಿಸುವಂತೆ ನೀವು ಸ್ಕ್ರೀನ್ ಕ್ಯಾಪ್ಚರ್ ಸೆಟ್ಟಿಂಗ್ಸ್ ಅನ್ನು ಸರಿಹೊಂದಿಸಬಹುದು. ನೀವು ಸ್ಕ್ರೀನ್‌ಶಾಟ್‌ಗಳನ್ನು SDR ಅಥವಾ HDR ಫಾರ್ಮ್ಯಾಟ್‌ನಲ್ಲಿಯೂ ಸಹ ಸೇವ್ ಮಾಡಬಹುದು. ಸ್ಕ್ರೀನ್ ಕ್ಯಾಪ್ಚರ್ ಸೆಟ್ಟಿಂಗ್ಸ್ ಅನ್ನು ಬದಲಾಯಿಸಿ ಎಂಬುದನ್ನು ನೋಡಿ.