Mac компьютеріңіз үшін маңызды қауіпсіздік ақпараты

Ұстау. Mac mini компьютеріңізді компьютердің асты мен айналасында ауаның жеткілікті айналуына мүмкіндік беретін қатты, тұрақты жұмыс бетіне орнатыңыз. Заттарды ешқашан желдеткіш саңылауларына кіргізбеңіз. Mac mini компьютеріңіз түскен, күйген, тесілген немесе сынған жағдайда немесе ол майлар мен лосьондар сияқты сұйықтыққа тиген жағдайда зақымдалады.

Сұйықтыққа қалдыру. Mac mini компьютеріңізді сусындар, майлар, лосьондар, шұңғылшалар, ванналар, душ бөлмелері сияқты сұйықтық көздерінен алыс ұстаңыз. Mac mini компьютеріңізді жаңбыр, қар және тұман сияқты дымқыл, ылғал немесе сулы ауа райынан қорғаңыз.

Қуат. Қуатты толығымен өшірудің жалғыз жолы — қуат сымын ажырату. Mac mini компьютерін қажет кезде ажырата алу үшін қуат сымының кемінде бір ұшы оңай қол жететін жерде болуын тексеріңіз. Келесі жағдайлардың кез келгені орын алса, қуат сымын ажыратыңыз (сымнан емес, ашадан тартып) және барлық кабельдерді ажыратыңыз:

Есту қабілетінен айырылу. Дыбысты жоғары дыбыс деңгейінде тыңдау есту қабілетіңізді зақымдауы мүмкін. Артқы шу, сонымен қатар жоғары дыбыс деңгейінде үздіксіз тыңдау дыбыстарды олардың шын деңгейінен тыныштау етіп көрсетуі мүмкін. Mac mini компьютеріңізбен тек үйлесімді құлақ тығындарын, құлақаспаптарды немесе құлаққаптарды пайдаланыңыз. Құлаққа аспапты салмастан бұрын, дыбысты қосып, дыбыс деңгейін тексеріңіз. Дыбыс дәне есту бөлімін қараңыз.

Жөндеу. Mac mini компьютеріңізде пайдаланушы қызмет көрсететін бөліктер жоқ. Mac mini компьютеріңізді ашпаңыз немесе бөлшектемеңіз, не болмаса оны жөндеуге не қандай да бір компоненттерін ауыстыруға әрекет етпеңіз. Mac mini компьютерін бөлшектеу оны зақымдауы немесе сізді жарақаттауы мүмкін. Mac mini компьютеріңізге қызмет көрсету керек болса, зақымдалса, дұрыс жұмыс істемесе немесе сұйықтыққа тисе, Apple корпорациясына немесе Apple корпорациясының өкілетті қызмет провайдері сияқты Apple корпорациясының өкілетті жөндеу орталығына хабарласыңыз. Mac mini компьютерін ашуға әрекет етсеңіз, компьютерді зақымдап аласыз және осындай зақым Mac mini компьютеріне арналған шектеулі кепілдікте қамтылмайды.

Шарлау. Карталар, бағыттар және орынға негізделген қолданбалар деректер қызметтеріне байланысты. Бұл деректер қызметтері өзгеруі мүмкін және барлық аймақтарда қол жетімді бола бермейді, нәтижесінде қол жетімсіз, дәл емес немесе толық емес карталар, бағыттар немесе орынға негізделген ақпаратты береді. Берілген орынға негізделген ақпаратты айналаңызбен салыстырыңыз және сәйкессіздікті шешу үшін қойылған таңбаларға жүгініңіз. Толық назарыңызды талап ететін әрекеттерді орындау кезінде бұл қызметтерді орындамаңыз. Әрқашан шарлау пайдаланылатын аймақтардағы қойылған таңбаларға және қолданыстағы заңдар мен ережелерге сай әрекет етіңіз және әрқашан жалпы ұстанымдарды пайдаланыңыз.

Медициналық құрылғы кедергісі. Mac mini электромагниттік өрістерді шығаратын компоненттер мен радиоларды қамтиды. Бұл электромагниттік өрістер кардиостимуляторлар мен дефибрилляторлар сияқты медициналық құрылғыларға кедергі келтіруі мүмкін. Медициналық құрылғыңызға арналған ақпарат және медициналық құрылғыңыз бен Mac mini компьютерінің арасында қауіпсіз бөлу қашықтығын сақтау қеректігіңіз туралы дәрігеріңізден және медициналық құрылғы өндірушісінен кеңес алыңыз. Mac mini компьютері медициналық құрылғыңызға кедергі келтіріп жатыр деп күдіктенсеңіз, Mac mini компьютерін пайдалануды тоқтатыңыз.

Аурулар. Mac mini компьютерін пайдалану арқылы әсерленеді деп ойлайтын ауруларыңыз болса (мысалы, ұстамалы аурулар, құлақ естімеу, көздің шаршауы немесе бас ауру), Mac mini компьютерін пайдаланбастан бұрын дәрігерге қаралыңыз.

Қайталанатын қимыл. Mac mini компьютерінде теру немесе ойындар ойнау сияқты қайталанатын әрекеттерді орындағанда, қолдарыңызда, білектеріңізде, білезіктеріңізде, иықтарыңызда, мойныңызда немесе денеңіздің басқа бөліктерінде қолайсыздықты сезінуіңіз мүмкін. Қолайсыздықты сезінсеңіз, Mac mini компьютерін пайдалануды тоқтатып, дәрігерге қаралыңыз.

Маңыздылығы жоғары әрекеттер. Mac mini компьютердің ақаулығы өлімге, адамның жарақаттануына немесе қатты қоршаған орта зақымына әкелуі мүмкін жерлерде пайдалануға арналмаған.

Жарылғыш және басқа атмосфералық жағдайлар. Mac mini компьютеріңізді ықтимал жарылысқа қауіпті орталарда—әсіресе жанғыш химиялық заттардың, газдардың немесе бөлшектердің (дән, шаң немесе металл ұнтақтары сияқты) жоғары мөлшері бар аймақтарда пайдалану қауіпті болуы мүмкін. Mac mini компьютерін өндірістік химиялық заттардың жоғары концентрациясы бар орталарға, соның ішінде гелий сияқты буланған, сұйытылған газдарға жақын қою Mac mini компьютерінің функционалдығын зақымдауы немесе нашарлатуы мүмкін. Барлық таңбалар мен нұсқауларға жүгініңіз.