AirPods Pro құрылғысын тазалау әдісі

Тұрақты тазалау AirPods Pro құлаққаптарын жақсы күйде ұстауға көмектеседі.

• AirPods Pro 2 және AirPods Pro 3 торларын тазалау

• AirPods Pro корпусын тазалау

• AirPods Pro құлаққа тағылатын ұштарын тазалау

• AirPods Pro зарядтау қабын тазалау

• Тері тітіркенуінің алдын алу туралы кеңестер

• Қосымша көмек керек болса

AirPods Pro 2 және AirPods Pro 3 торларын тазалау

Сізге не қажет?

Belkin AirPods тазалау жинағы немесе:

• PEG-6 каприл/каприн триглицеридтері бар мицеллалы су (мысалы, Bioderma немесе Neutrogena өнімдеріндегі) қажет.

• Дистилденген су

• Жұмсақ қылшақты балалар тіс щеткасы

• Екі кішкентай стақан

• Қағаз сүлгі

AirPods Pro 2 құрылғысының тазаланатын бөліктері

AirPods Pro 2 құрылғысын тазалау алдында құлаққа тағылатын ұштарын алып тастаңыз.

Құлаққа тағылатын ұшын алу үшін оның AirPods құлаққабына бекітілген негізін саусақпен мықтап тартыңыз. Қаттырақ ұстау үшін құлаққап ұшының резеңке жиегін ішіне қарай айналдырыңыз немесе ұшын алу үшін таза шүберек қолданыңыз.

AirPods Pro 2 құлаққаптарыңыздағы шеңбермен белгіленген торларды тазалауға болады. Басқа бөліктерін тазалауға болмайды.

AirPods Pro 3 құрылғысының тазаланатын бөліктері

AirPods Pro 3 тазалау алдында құлаққа тағылатын ұштарын алып тастаңыз.

Құлаққа тағылатын ұшын алу үшін оның AirPods құлаққабына бекітілген негізін саусақпен мықтап тартыңыз. Қаттырақ ұстау үшін құлаққап ұшының резеңке жиегін ішіне қарай айналдырыңыз немесе ұшын алу үшін таза шүберек қолданыңыз.

AirPods Pro 3 құлаққаптарындағы шеңбермен белгіленген торларды, соның ішінде төменгі микрофонды тазалауға болады. Басқа бөліктерін тазалауға болмайды.

AirPods торларын тазалау әдісі

1. Стақанға аздаған мицеллалы су құйыңыз.

2. Қылшақтары толық сіңіргенше тіс щеткасын мицеллалы су құйылған стақанда батырып қойыңыз.

3. AirPods құрылғысын торын жоғары қаратып ұстаңыз.

4. Торды шамамен 15 секунд бойы айналдыра щеткамен тазалаңыз.

5. AirPods құлаққабыңызды төңкеріп, қағаз сүлгіге қойып құрғатыңыз. Қағаз сүлгі торға тиіп тұруы керек.

6. Әр тазаланатын тор үшін 2-5 қадамды тағы екі (барлығы үш) рет қайталаңыз.

7. Мицеллалы суды кетіру үшін щетканы дистилденген сумен шайыңыз, содан кейін тазаланған әр тор үшін 1–5-қадамдарды дистилденген сумен қайталаңыз.

8. AirPods құлаққаптарын зарядтау қорабына салар алдында немесе қолданар алдында кемінде екі сағат толық кептіріңіз.

AirPods Pro корпусын тазалау

AirPods Pro құлаққаптарыңызға дақ қалдыруы немесе басқа да зақым келтіруі мүмкін нәрселер, мысалы, сабын, сусабын, кондиционер, лосьон, әтір, еріткіштер, жуғыш зат, қышқылдар немесе қышқылды тағамдар, жәндіктен қорғайтын құрал, күннен қорғайтын крем, май немесе шаш бояуы тиіп кетсе:

1. Оларды аздаған таза суға матырған шүберекпен сүртіңіз де, жұмсақ, құрғақ әрі түксіз шүберекпен құрғатыңыз.

2. Оларды зарядтау қорабына салар алдында немесе қолданар алдында кемінде екі сағат толық кептіріңіз.

AirPods Pro құлаққаптарын ағын су астында шаймаңыз және оларды үшкір заттармен не жемір материалдармен тазаламаңыз.

AirPods Pro 3 құрылғысын қалауыңызға қарай қосымша тазалау

1. Әр AirPods құлаққабының ұшындағы тесікті бас бармағыңызды немесе сұқ саусағыңызды қойып жабыңыз.

2. Әрбір AirPods құлаққабын су толтырылған ыдысқа 10 секундқа салып, шайыңыз да, қоқысты кетіру үшін құлаққапты жеңіл шайқаңыз.

3. Артық суды кетіру үшін AirPods корпусын ұстап тұрып, құлаққа тағылатын ұшын құрғақ, түксіз шүберекпен 10 секунд сүртіңіз.

4. AirPods Pro 3 құлаққаптарын түксіз шүберекпен сүртіңіз.

5. AirPods Pro 3 құлаққаптарын зарядтау қорабына салар алдында немесе қолданар алдында кемінде екі сағат толық кептіріңіз.

AirPods Pro құлаққа тағылатын ұштарын тазалау

1. Құлаққа тағылатын ұшында су жиналып қалса, оны кетіру үшін AirPods құлаққаптарын ұшын төмен қаратып жұмсақ, құрғақ, талшықсыз шүберекке қағыңыз.

2. Әрбір AirPods құлаққабынан ұштарын тартып алыңыз және сумен шайыңыз. Сабын немесе басқа тұрмыстағы тазалау құралдарын қолданбаңыз.

3. Құлаққа тағылатын ұштарын жұмсақ, құрғақ, талшықсыз шүберекпен сүртіңіз. Әр AirPods құлаққабын қайта бекіту алдында ұштары толық құрғағанын тексеріңіз.

4. Әр AirPods құлаққабына ұштарын қайта орнатыңыз. Құлаққа тағылатын ұштары сопақ пішінді болғандықтан, қайта орнатар алдында оларды туралап қойыңыз.

AirPods Pro зарядтау қабын тазалау

Зарядтау қорабын жұмсақ, құрғақ, түксіз шүберекпен тазалаңыз. Қажет болған жағдайда шүберекті изопропил спиртімен аздап сулауға болады. Зарядтау қабын құрағытыңыз. Зарядтау порттарына сұйықтық тимейтініне көз жеткізіңіз. Қосымша нұсқаулар:

• Зарядтау портындағы қоқысты таза, құрғақ және жұмсақ қылшақты щеткамен кетіріңіз.

• Зарядтау қабын тазалау үшін жемір материалдарды пайдаланбаңыз.

• Металл түйіспелер зақымдалмауы үшін, зарядтау порттарына ештеңе салмаңыз.

Тері тітіркенуінің алдын алу бойынша кеңестер

Аллергияңыз бар болса немесе теріңіз сезімтал болса, терінің тітіркенуін алдын алу жолдары:

• AirPods Pro құлаққаптарын тағып жаттығу жасағаннан кейін не болмаса құрылғыңызға тер, сабын, сусабын, сәндік косметика, күннен қорғайтын крем немесе теріні тітіркендіруі мүмкін басқа да лосьондар сияқты сұйықтықтар тиген жағдайда, құрылғыны тазалап, құрғатыңыз. Құрылғыңызға тер, сабын, сусабын, сәндік косметика, күннен қорғайтын крем немесе теріні тітіркендіруі мүмкін басқа да лосьондар сияқты сұйықтықтар тиген жағдайда, құрылғыны тазалап, құрғатыңыз. AirPods Pro құлаққаптарыңыз бен теріні таза әрі құрғақ ұстау жайлылықты арттырып, құрылғының ұзақ мерзімді зақымдануына жол бермейді.

• Егер белгілі бір заттарға аллергияңыз болса немесе сезімтал болсаңыз, AirPods құрамындағы материалдарды тексеріңіз.

• AirPods құрылғысының терге және суға төзімділігі туралы толығырақ біліңіз.

Қосымша көмек керек болса

Егер тазалағаннан кейін ақау жойылмаса, AirPods Pro құлаққаптарыңызды жөндетіңіз.

AirPods зақымдалса, оны ауыстыруға тапсырыс беруіңізге болады. Егер мәселеңіз Apple шектеулі кепілдігімен, AppleCare+ немесе тұтынушы құқығымен қамтылмаса, AirPods құлаққаптарын кепілдікке жатпайтын төлем жасау арқылы ауыстыра алуыңыз мүмкін.