iPhone немесе iPad жаңартылмаса

iPhone немесе iPad құрылғыңызды жаңарту үшін үйлесімді құрылғы, Интернет қосылымы және жеткілікті қолжетімді сақтау орны қажет. Бұл сондай-ақ құрылғыны қуат көзіне қосулы күйде сақтауға көмектеседі.

iPhone немесе iPad құрылғыңызға iOS немесе iPadOS жүйесінің соңғы нұсқасын орната алмасаңыз

iPhone немесе iPad құрылғыңыз сымсыз немесе әуе арқылы жаңартылмауы мүмкін екендігінің себебі міне:

• Құрылғыңыз соңғы бағдарламалық құралға қолдау көрсетпейді.

• Құрылғыңызда жаңарту үшін бос сақтау орны жеткіліксіз.

• Жаңартуды жүктеп алу күтілгеннен ұзағырақ уақыт алуда.

• Құрылғыңыз жаңарту серверіне қосыла алмаса.

• Жаңарту орындалмайды.

Құрылғыңыз жаңа бағдарламалық құралды қолдамаса

Құрылғыңыз жаңа бағдарламалық құралды қолдайтынын тексеру үшін:

1. iPhone немесе iPad моделін анықтаңыз.

2. iPhone немесе iPad моделіңіздің соңғы iOS нұсқасы үшін үйлесімді құрылғылар тізімінде бар-жоғын тексеріңіз немесе iPadOS нұсқасы үшін үйлесімді құрылғылар тізімінде бар-жоғын тексеріңіз.

Егер құрылғыңыз үйлесімді болса, оны жаңартып көріңіз. Егер үйлесімді құрылғыңыз жаңартылмаса, төмендегі шешімдердің бірін қолданып көріңіз.

Жаңарту үшін жеткілікті бос орын болмаса

Жаңартуды жүктеп алу үшін құрылғыңызда сақтау орны жеткілікті болуы қажет. Құрылғыңыз жеке ақпаратыңызды жоймай-ақ, орын босату үшін қолданба деректерін уақытша өшіре алады.

1. Параметрлерге өтіңіз.

2. «Жалпы» бөлімін түртіңіз.

3. «[Құрылғы] сақтау орны» тармағын басыңыз.

4. «Пайдаланылмайтын қолданбалар деректерін сақтай отырып жою» опциясының жанындағы «Қосу» түймесін түртіңіз.

Сондай-ақ сіз iPhone немесе iPad құрылғыңызда қолданбаларды қолмен жоя аласыз.

Apple Intelligence жүйесін қолдану үшін сақтау орнын босату жолын үйреніңіз.

Жүктеп алу ұзаққа созылып кетсе

Құрылғыңызды жаңарту үшін Интернет қосылымы қажет. Жүктеп алу уақыты жаңартудың өлшемі мен интернетіңіздің жылдамдығына байланысты. Жүктеп алу барысында құрылғыңызды пайдалана беруіңізге болады, ал жаңарту орнатуға дайын болған кезде, құрылғы сізге хабарлайды.

Жылдамырақ жүктеп алу үшін:

1. Wi-Fi желісіне қосылыңыз.

2. Құрылғыны жаңартып жатқан кезде, басқа контентті жүктеп алудан аулақ болыңыз.

Жаңарту серверіне қосылу немесе жаңартуды растау мүмкін болмаса

Құрылғыңызды жаңартпақ болсаңыз, мынадай ескертулердің бірін көруіңіз мүмкін:

• «Жаңарту бар-жоғын тексеру мүмкін емес. Бағдарламалық құрал жаңартуы бар-жоғын тексеру кезінде бір қате шықты».

• «Жаңарту бар-жоғын тексеру мүмкін емес. Сіз Интернетке қосылмағандықтан, бағдарламалық құрал жаңартуы бар-жоғы тексерілмеді».

• «Жүктеп алу мүмкін емес. Сіз Интернетке қосылмағандықтан, бұл жаңартуды алу мүмкін емес».

• «Жүктеп алу мүмкін емес. Бұл жаңартуды жүктеп алу үшін Wi-Fi желісіне қосылу қажет».

Құрылғыңызды сол желіні пайдаланып қайта жаңартып көріңіз. Егер әлі де ескерту көрсетілсе, басқа желіні пайдаланып жаңартып көріңіз, (Mac, немесе iTunes).

Мәселе бірнеше желі арқылы жаңартып көргеннен кейін қайта пайда болса, жаңартуды жоюға болады.

Жаңарту орындалмаса

Егер жаңартуды орнатып жатсаңыз, жаңарту барысын тексеріңіз (егер ол баяу жылжып жатқандай көрінсе). Жаңартуға кететін уақыт жаңартудың өлшеміне және құрылғыңыздың сақтау орнына байланысты.

Сымсыз жаңартып жатқан кезде, құрылғыңызды қуат көзінен ажыратпаңыз. Құрылғыңызды қуаты таусылып қалса, жаңарту немесе қалпына келтіру жұмысын аяқтау үшін құрылғыны қуат көзіне жалғап, оның қуатын қосыңыз.

Құрылғыңыз қатып қалса не істеу керегін біліп алыңыз.

iOS немесе iPadOS жүйесінің соңғы нұсқасын орнату бәрібір мүмкін болмаса

iOS немесе iPadOS жүйесінің соңғы нұсқасын бәрібір орната алмасаңыз, жаңартуды қайтадан жүктеп алуыңызға болады.

Жаңартуды жою үшін:

1. Параметрлерге өтіңіз.

2. «Жалпы» бөлімін түртіңіз.

3. «[Құрылғы] сақтау орны» тармағын басыңыз.

4. Жаңартуды қолданбалар тізімінен тауып алыңыз.

5. Жаңартуды, одан кейін «Жаңартуды жою» түймесін түртіңіз.

Жаңартуды қайта жүктеп алу үшін:

1. Параметрлерге өтіңіз.

2. «Жалпы» бөлімін түртіңіз.

3. Бағдарламалық құралды жаңарту бөлімін түртіп, ең соңғы жаңартуды жүктеп алыңыз.

Егер жаңарту қолданбалар тізімінде көрінбесе немесе мәселе тағы қайталанса, қылғыңызды Mac құрылғысы немесе iTunes арқылы жаңартуыңыз қажет.

Егер компьютеріңіз құрылғыңызды танып-білмесе немесе экраныңызда бірнеше минут бойы прогресс жолағынсыз Apple логотипі көрсетілсе, қалпына келтіру режимін пайдалануды үйреніңіз.