iPhone немесе iPad құрылғыңыздың iCloud арқылы сақтық көшірмесін қалай жасауға болады
iPhone немесе iPad құрылғыңыздың сақтық көшірмесін жасағаннан кейін, құрылғыңыз ауыстырылған, жоғалған немесе зақымдалған жағдайда, сізде деректеріңіздің сақтық көшірмесі болады. Құрылғыңыздың сақтық көшірмесін қолмен жасауға немесе «iCloud сақтық көшірмесі» опциясын қосып, құрылғыңыздың сақтық көшірмесін автоматты түрде жасауға болады.
Сізде iOS 8 операциялық жүйесі немесе оған дейінгі нұсқасы бар құрылғы болса, құрылғыларыңыз бен деректеріңіздің сақтық көшірмесін үнемі жасап отыру жолын біліңіз.
Қолмен сақтық көшірме жасау
«Реттеулер» қолданбасын ашып, өз атыңызды түртіңіз, содан кейін iCloud опциясын түртіңіз.
«iCloud сақтық көшірмесі» түймесін түртіңіз.
«Қазір сақтық көшірме жасау» түймесін түртіңіз. Процесс аяқталғанша Wi-Fi желісіне қосулы болыңыз. «Қазір сақтық көшірме жасау» бөлімінде соңғы сақтық көшірменің күні мен уақыты көрсетіледі. Сақтық көшірмені аяқтау үшін жеткілікті iCloud бос сақтау орны жоқ деген ескерту алсаңыз, экрандағы қадамдарды орындап, көбірек iCloud сақтау орнын сатып алыңыз
«iCloud сақтық көшірмесі» опциясы арқылы автоматты түрде сақтық көшірме жасау
«Реттеулер» қолданбасын ашып, атыңызды түртіңіз. iCloud опциясын түртіп, «iCloud сақтық көшірмесі» түймесін түртіңіз және «Бұл [құрылғының] сақтық көшірмесін жасау» функциясының қосулы екенін тексеріңіз.
Құрылғыңызды қуат көзіне қосыңыз.
Құрылғыңыздың экраны құлыпталғанына көз жеткізіңіз.
Сақтық көшірмені аяқтау үшін жеткілікті iCloud бос сақтау орны жоқ деген ескерту алсаңыз, экрандағы қадамдарды орындап, көбірек iCloud сақтау орнын сатып алыңыз.