iPhone немесе iPad құрылғысына эл. пошта аккаунтын қосу

iOS құрылғыңыздағы «Пошта» қолданбасында эл. пошта аккаунтын автоматты түрде немесе қолмен баптаңыз.

Егер қарапайым эл. пошта провайдерін пайдалансаңыз, автоматты түрде орнатыңыз

Егер iCloud, Google, Microsoft Exchange немесе Yahoo сияқты эл. пошта провайдерін пайдалансаңыз, «Пошта» қолданбасы эл. пошта мекенжайыңыз бен құпиясөзіңізді енгізу арқылы аккаунтты автоматты түрде орната алады. Мұнда орындалу жолы көрсетілген:

  1. «Реттеулер» > «Қолданбалар» > «Пошта» тармағына өтіп, «Пошта аккаунттары» түймесін түртіңіз.

    iOS 26 жүйесіндегі «Пошта» реттеулері экраны.

  2. «Аккаунт қосу» түймесін түртіңіз, содан кейін эл. пошта мекенжайыңызды енгізіңіз. Қажет болса, тізімнен эл. пошта провайдерін таңдаңыз.

  3. Нұсқауларды орындап, эл. пошта мекенжайы мен құпиясөзді енгізіңіз.

  4. «Келесі» параметрін көрсеңіз, «Келесі» түймесін түртіп, «Пошта» қолданбасының аккаунтты тексеруін күтіңіз.

  5. «Сақтау» параметрін көрсеңіз, «Сақтау» түймесін түртіңіз.

Эл. пошта аккаунтыңызға тізімдегі қай эл. пошта провайдері сәйкес келетінін біліңіз

Сирек кездесетін эл. пошта провайдерлерін қолмен орнату

Эл. пошта аккаунтын қолмен орнату қажет болса, аккаунтыңызға арналған эл. пошта реттеулерін білетініңізге көз жеткізіңіз. Егер оларды білмесеңіз, сайтынан іздеуге немесе эл. пошта провайдеріне хабарласуға болады. Содан кейін келесі қадамдарды орындаңыз:

  1. «Реттеулер» > «Қолданбалар» > «Пошта» тармағына өтіп, «Пошта аккаунттары» түймесін түртіңіз.

  2. «Аккаунт қосу» түймесін түртіңіз.

  3. Эл. пошта мекенжайын енгізіңіз, содан кейін «Келесі» түймесін түртіңіз.

  4. «Басқа аккаунт қосу» түймесін, содан кейін «Пошта аккаунты» түймесін түртіңіз.

  5. Атыңызды, эл. пошта мекенжайыңызды, құпиясөзді және аккаунт сипаттамасын енгізіңіз.

    Аккаунтты қосуға әрекеттенген кезде, эл. пошта провайдері тізімде болмаса, iOS 26 жүйесінде эл. пошта акккаунтын қолмен қосуға болады.

  6. «Келесі» түймесін түртіңіз. «Пошта» эл. пошта реттеулерін тауып, аккаунтты орнатуды аяқтауға тырысады. Егер «Пошта» эл. пошта реттеулерін тапса, аккаунтты орнатуды аяқтау үшін «Дайын» түймесін түртіңіз.

«Пошта» аккаунт реттеулерін автоматты түрде таба алмаса

Егер «Пошта» қолданбасы эл. пошта реттеулерін таба алмаса, оларды қолмен енгізу керек. «Келесі» түймесін түртіп, келесі қадамдарды орындаңыз:

  1. Жаңа аккаунт үшін IMAP немесе POP тармағын таңдаңыз. Қайсысын таңдау керектігін білмесеңіз, эл. пошта провайдеріне хабарласыңыз.

  2. Кіріс пошта сервері мен шығыс пошта серверінің ақпаратын енгізіңіз. Содан кейін «Келесі» түймесін түртіңіз. Егер сізде бұл ақпарат болмаса, эл. пошта провайдеріне хабарласыңыз.

  3. Эл. пошта реттеулері дұрыс болса, аяқтау үшін «Сақтау» түймесін түртіңіз. Егер эл. пошта реттеулері дұрыс болмаса, оларды өңдеу сұралады.

Эл. пошта аккаунтын орнату немесе эл. пошта реттеулерін сақтау мүмкін болмаса, эл. пошта провайдеріне хабарласыңыз.

«Пошта» арқылы қосымша әрекеттер

Жарияланған күні: