iCloud бұлтына сақтық көшірме жасай алмасаңыз

iPhone немесе iPad құрылғыңыздың «iCloud сақтық көшірмесі» опциясы арқылы сақтық көшірмесін жасауға көмек қажет болса, не істеу керек екенін біліңіз.

«iCloud сақтау орны жеткіліксіз» деген ескерту келсе

1. «Реттеулер» қолданбасын ашып, атыңызды түртіңіз.

2. iCloud опциясын түртіңіз. Жоғарғы жағында iCloud сақтау орнының қанша бөлігін пайдаланғаныңызды тексеруге болады.

3. «Сақтау орны» немесе «Аккаунт сақтау орнын басқару» түймесін түртіңіз.

4. «Сақтық көшірмелер» түймесін түртіңіз, содан кейін өзіңіз пайдаланып жатқан құрылғыны түртіңіз. «Келесі сақтық көшірме көлемі» опциясы келесі сақтық көшірменің көлемін көрсетуі керек. Құрылғыңыз келесі сақтық көшірменің көлемін есептеу үшін бірнеше минут уақыт алуы мүмкін.

5. Сақтық көшірмеңіз үшін iCloud бұлтында қолжетімді көлемнен көбірек бос орын қажет болса, келесі әрекеттерді орындай аласыз:

   • Сақтық көшірмеңіздің көлемін азайту үшін қажет емес ақпаратты өшіру

   • Көбірек бос орын болуы үшін, iCloud+ жоспарыңызды жаңарту

«Соңғы сақтық көшірмені аяқтау мүмкін болмады» деген хабар көрсетілсе:

1. «Реттеулер» қолданбасын ашып, Wi-Fi опциясын түртіңіз және Wi-Fi желісіне қосылғаныңызды тексеріңіз.

2. «Реттеулер» қолданбасын ашып, «Жалпы ақпарат» бөлімін түртіңіз, содан кейін «Бағдарламалық жасақтаманы жаңарту» опциясын түртіңіз. Құрылғыңызға кез келген қолжетімді жаңартуларды жүктеп алып, орнатыңыз.

3. Басқа Wi-Fi желісінде сақтық көшірме жасап көріңіз.

4. Сақтық көшірме жасау үшін жеткілікті iCloud сақтау орнының бар екенін тексеріңіз..

iCloud сақтық көшірмеңіз күтілгеннен ұзағырақ уақытқа созылса

1. «Реттеулер» қолданбасын ашып, Wi-Fi опциясын түртіңіз және Wi-Fi желісіне қосылғаныңызды тексеріңіз.

2. Жүктеп салу жылдамдығын тексеріңіз.

3. Құрылғыңызды 24 сағат бойы қуат пен Wi-Fi желісіне қосулы күйде қалдырыңыз. Сақтық көшірмеңізді жасау әлі аяқталмаса, маңызды деректерді мұрағаттаңыз, содан кейін осы қадамдарды қайта орындаңыз.

«iCloud сақтық көшірмесі» опциясы сұр түске боялған жағдайда

• Қалпына келтіру процесі әлі орындалып жатқанын тексеріңіз. «Реттеулер» қолданбасын ашып, атыңызды түртіңіз, iCloud опциясын түртіңіз, содан кейін «iCloud сақтық көшірмесі» опциясын түртіңіз. Құрылғыңызды қалпына келтіру әлі орындалып жатса, «Бұл [құрылғы] ағымдағы уақытта қалпына келтірілуде және бұл әрекет аяқталғаннан кейін, автоматты түрде сақтық көшірме жасалады» деген хабарды көресіз. Құрылғыңызды қалпына келтіргеннен кейін, жаңа сақтық көшірме жасай аласыз.

• «iCloud сақтық көшірмесі» опциясын шектейтін профиль орнатқаныңызды тексеріңіз. «Реттеулер» қолданбасын ашып, «Жалпы ақпарат» бөлімін таңдаңыз, содан кейін «VPN және құрылғыны басқару» бөлімін таңдап, орнатылған профильдердің тізімін көріңіз.

Сізге iCloud сақтық көшірмесінен қалпына келтіру бойынша көмек қажет болса

iCloud сақтық көшірмесінен қалпына келтіру кезінде қате пайда болса, немесе қалпына келтіру қажет сақтық көшірмені көрмесеңіз және т.б. жағдайларда не істеу керек екенін біліңіз.

iCloud сақтық көшірмесінен қалпына келтіру сәтсіз аяқталса не істеу керек екенін біліңіз