MacBook Air (15 tommu, M5) MagSafe 3-spjald

Áður en hafist er handa

Viðvörun

Lesið Öryggi rafhlöðu og fylgið leiðbeiningum um vinnuumhverfi og meðhöndlun rafhlöðu áður en hafist er handa.

Losun

Athugið: Ef losunarskrefum er þegar lokið skal fara beint í samsetningu.

1. Flettið upp neðra hægra horni límbandsins á tengihlíf inntaks-/úttakstengisins. Flettið síðan límbandinu af tengihlíf inntaks-/úttakstengisins. Fleygið límbandinu.

   

2. Notið bláa átaksmælinn og 44 mm 3IP-hálfmánabita til að fjarlægja þrjár 3IP-skrúfur (923-14457) úr tengihlíf inntaks-/úttakstengisins. Fjarlægið hlífina og geymið hana fyrir samsetningu.

   

3. Lyftið endanum á sveigjanlegum kapli MagSafe 3-spjaldsins af tenginu (1). Losið síðan límið og flettið sveigjanlega kaplinum af topphulstrinu (2).

   

4. Notið 10–34 Ncm stillanlega átaksmælinn og 25 mm 3IP-bita til að fjarlægja tvær 3IP-skrúfur (923-14460) úr fleyg MagSafe 3-spjaldsins.

   

5. Notið stillanlega átaksmælinn og 5IP-bita til að fjarlægja tvær 5IP-skrúfur (923-12550) úr MagSafe 3-spjaldinu.

   

6. Rennið fleyg MagSafe 3-spjaldsins út úr topphulstrinu.

   

7. Lyftið MagSafe 3-spjaldinu úr topphulstrinu.

   

8. Notið slétta enda svarta teinsins og etanólþurrku eða IPA-þurrku til að fjarlægja afgangslím úr topphulstrinu.

   • Varúð: Snertið ekki aðra hluta eða sveigjanlega kapla nálægt svæðinu sem verið er að þrífa.

Samsetning

1. Ef nýtt MagSafe 3-spjald er sett í skal halda áfram í skref 2. Ef verið er að setja sama MagSafe 3-spjald aftur í skal fara í skref 3.

2. Flettið límfilmunni af sveigjanlega kapli MagSafe 3-spjaldsins.

3. Setjið MagSafe 3-spjaldið í topphulstrið.

   

4. Notið 10–34 Ncm stillanlega átaksmælinn og 5IP-bita til að skrúfa tvær 5IP-skrúfur (923-12550) aftur lauslega í MagSafe 3-spjaldið.

   

5. Tengið endann á MagSafe 3-kaplinum sem tengir USB-C við MagSafe 3 í MagSafe 3-tengið til að tryggja að spjaldið sitji rétt.

   • Hætta: Gangið úr skugga um að kapallinn sem tengir USB-C við MagSafe 3 sé ekki tengdur við rafmagn.

     

6. Setjið fleyg MagSafe 3-spjaldsins í topphulstrið.

   

7. Notið stillanlega átaksmælinn og 25 mm 3IP-bita til að skrúfa tvær 3IP-skrúfur (923-14460) lauslega aftur í fleyg MagSafe 3-spjaldsins.

   

8. Stillið herslugildi stillanlega átaksmælisins á 10 Ncm. Notið slétta enda svarta teinsins til að þrýsta fleyg MagSafe 3-spjaldsins á topphulstrið. Notið stillanlega átaksmælinn og 3IP bita til að skrúfa tvær 3IP 25 mm skrúfur alveg aftur í fleyginn.

   

9. Stillið herslugildi stillanlega átaksmælisins á 17,5 Ncm. Notið stillanlega átaksmælinn og 5IP-bita til að skrúfa tvær 5IP-skrúfur (923-12550) að fullu aftur í MagSafe 3-spjaldið (1). Takið USB-C í MagSafe 3-kapalinn úr MagSafe 3-tenginu (2).

   

10. Ýtið og haldið sveigjanlega kaplinum fyrir MagSafe 3-spjaldið að MagSafe 3-spjaldinu (1). Þrýstið síðan endanum á sveigjanlegum kapli MagSafe 3-spjaldsins á tengið (2).

    

11. Haldið sveigjanlega kapli MagSafe 3-spjaldsins niðri í 30 sekúndur til að festa hann við topphulstrið.

    

12. Setjið tengihlíf inntaks-/úttakstengisins á enda sveigjanlegu kaplanna. Notið bláa átaksmælinn og 44 mm 3IP-hálfmánabita til að skrúfa 3IP-skrúfurnar þrjár (923-14457) aftur í tengihlíf inntaks-/úttakstengisins.

    

13. Fjarlægið límfilmuna af nýja límbandinu á tengihlíf inntaks-/úttakstengisins. Látið límbandið flútta við hægri brún tengihlífar inntaks-/úttakstengisins eins og sýnt er. Þrýstið síðan meðfram allri lengd límbandsins á tengihlíf inntaks-/úttakstengisins til að festa það við tengihlíf inntaks-/úttakstengisins.

    • Varúð: Gangið úr skugga um að límbandið á tengihlíf inntaks-/úttakstengis nái ekki yfir brún tengihlífarinnar.

      

14. Flettið efra vinstra horninu á filmunni örlítið til baka. Togið síðan filmuna hægt af límbandinu á tengihlíf inntaks-/úttakstengisins.

    

Setjið eftirfarandi íhluti aftur í til að ljúka samsetningu:

• Vinstri hátalari

• Hlíf fyrir vinstri skjálöm

• Botnhulstur