Varahlutaþjónusta fyrir Mac mini

Íhlutirnir sem notaðir eru við viðgerð geta haft veruleg áhrif á öryggi, vernd og afköst tækisins. Varahluta- og þjónustuferill, sem finna má í kerfisstillingum í macOS Tahoe 26.0 eða nýrri, veitir upplýsingar um viðgerðarferil tækisins fyrir flesta stærstu hlutina.

Gerðir varahluta

Upprunalegir Apple-varahlutir

Upprunalegir Apple-varahlutir eru nýir varahlutir frá Apple sem hafa farið í gegnum strangt hönnunar- og prófunarferli til að uppfylla öryggis- og afkastastaðla okkar.

Upplýsingar um hvernig eigi að panta upprunalega Apple-varahluti er að finna á support.apple.com/self-service-repair.

Notaðir Apple-varahlutir

Notaðir Apple-varahlutir eru upprunalegir íhlutir sem teknir hafa verið úr fyrirliggjandi tæki af sömu gerð. Notaðir Apple-varahlutir sem eru í góðu ástandi geta skilað sömu afköstum og öryggi og nýir upprunalegir Apple-varahlutir. Þar sem þessir varahlutir koma ekki frá Apple, og eru því af óþekktum uppruna, geta gæði þeirra hins vegar verið breytileg vegna fyrri notkunar eða breytinga.

Notaðir Apple-varahlutir og viðgerðir sem gerðar eru með notuðum Apple-varahlutum falla ekki undir vöruábyrgð Apple eða AppleCare-tryggingu.

Varahlutir frá þriðju aðilum

Þriðju aðilar kunna að halda því fram að sínir varahlutir séu samhæfir við Apple-vörur. Ekki er víst að þessir varahlutir skili sömu afköstum og upprunalegir Apple-varahlutir eða notaðir Apple-varahlutir og hugsanlega kunna þeir að ógna persónuvernd eða öryggi.

Apple mun ekki gera varahlut frá þriðja aðila óvirkan nema hann hafi áhrif á öryggi og persónuvernd viðskiptavina.

Varahlutir frá þriðju aðilum og viðgerðir sem gerðar eru með varahlutum frá þriðju aðilum falla ekki undir vöruábyrgð Apple eða AppleCare-tryggingu.

Stuðningur við notaða Apple-varahluti

Eftirfarandi Mac mini-gerðir styðja notaða Apple-varahluti fyrir upptalda íhluti.