MacBook Pro (M5-fjölskylda) Fjarlæging slitins rafhlöðulíms

Áður en hafist er handa

Viðvörun

• Lesið Öryggi rafhlöðu og fylgið leiðbeiningum um vinnuumhverfi og meðhöndlun rafhlöðu áður en hafist er handa.

• Aðeins tæknimenn með þekkingu og reynslu til að gera við rafeindatæki ættu að skipta um rafhlöðu. Röng rafhlöðuskipti, röng meðhöndlun á varahlutum eða ef ekki er farið eftir uppgefnum leiðbeiningum getur valdið eldsvoða, meiðslum, gagnatapi eða skemmdum á tækinu, hlutum eða öðrum eignum.

• Ef rafhlaðan er dælduð, útþanin, sprungin eða skemmd á annan hátt skal hætta viðgerðinni. Fjarlægið ekki rafhlöðuna úr tækinu. Skiptið um topphulstur með rafhlöðu og lyklaborði fyrir gerðina.

• Afhlaða þarf rafhlöðuna niður í 30 prósent með verkfærapakka fyrir afhleðslu rafhlöðu áður en reynt er að fylgja þessu verklagi. Frekari upplýsingar er að finna í Verkferli fyrir afhleðslu rafhlöðu MacBook.

• Ekki má endurnota eða setja aftur upp lausa rafhlöðu eða rafhlöðu sem er búið að fjarlægja. Setjið nýja rafhlöðu í.

Varúð

• Rafhlaðan inniheldur sex stakar rafhlöðueiningar (cells) sem tengdar eru með málmumgjörð. Ekki beygja málmumgjörðina eða leyfa henni að síga.

• Þegar límborðar rafhlöðunnar eru fjarlægðir má ekki þrýsta á íhluti í topphulstrinu sér til stuðnings. Aðeins má styðja sig við álumgjörðina ef þörf er á þegar límborðarnir eru fjarlægðir.

Fjarlægið eftirfarandi íhluti fyrir viðkomandi gerð áður en hafist er handa:

• Botnhulstur

• Sveigjanlegur kapall fyrir stjórnunareiningu rafhlöðu

Verkfæri

• ESD-örugg töng (með ávölum enda)

• Nemi úr næloni (svartur teinn)

Skoðið hlutann Verkfæri fyrir gerðina til að fá heildarlista yfir þau verkfæri sem eru nauðsynleg við allar viðgerðir.

Mikilvægt

• Ef rafhlöðulímborði slitnar og er enn sýnilegur skal halda áfram í Ef rafhlöðulímborði slitnar og borðinn er sýnilegur.

• Ef einn eða fleiri rafhlöðulímborðar slitna og borðinn er ekki sýnilegur skal fara yfir í Ef einn eða fleiri rafhlöðulímborðar slitna og borðinn er ekki sýnilegur.

Ef rafhlöðulímborði slitnar og borðinn er sýnilegur

1. Notið ESD-örugga töng til að grípa um slitna enda rafhlöðulímborðans.

   

2. Haldið ESD-öruggu tönginni í rásinni við hliðina á rafhlöðunnieiningunni. Snúið svo límborða rafhlöðunnar varlega utan um endann á tönginni þrisvar til fjórum sinnum.

   • Varúð: Snúið tönginni þannig að efsti hluti hennar snúist í átt að rafhlöðunni.

     

3. Togið rafhlöðulímborðann varlega skáhalt frá rafhlöðueiningunni. Togið límborðann um tvær tommur í einu. Haldið ESD-öruggu tönginni samsíða tölvunni og snúið límborðanum upp á enda tangarinnar þannig að límið liggi flatt.

   • Varúð

     • Ekki nudda límborðanum utan í umgjörð topphulstursins. Ekki snerta móðurborðið með tönginni. Ekki ýta á rafhlöðuna eða aðra íhluti.

     • Þegar togað er í límborðann á rafhlöðueininum 2 og 4 skal gæta þess að nudda honum ekki utan í svampinn á hátalaranum. Ef borðinn skemmir svampinn skal skipta um báða hátalarana.

   • Mikilvægt: Hugsanlega þarf að styðja sig við álumgjörðina þegar togað er í límborðann.

4. Endurtakið tog- og snúningsferlið þar til rafhlöðulímborðinn hefur verið fjarlægður undan rafhlöðueiningunni.

5. Farið aftur í rafhlöðuferlið fyrir þá gerð sem verið er að gera við til að ljúka þeim sundurhlutunarskrefum rafhlöðu sem eftir eru.

Ef einn eða fleiri rafhlöðulímborðar slitna og borðinn er ekki sýnilegur

1. Farið aftur í rafhlöðuferlið fyrir gerðina til að fjarlægja límborða rafhlöðunnar sem eftir eru áður en reynt er að fjarlægja límborðann/límborðana sem ekki er hægt að komast að. Haldið síðan áfram í skref 2 hér fyrir neðan.

2. Finnið þá átta staði þar sem hægt er að stinga svarta teininum inn(1-8).

   • Viðvörun: Stingið svarta teininum aðeins inn á þessum stöðum. Ekki stinga svarta teininum eða öðrum verkfærum inn í rauðmerktu svæðin til að forðast að gera gat á mjúka enda rafhlöðueiningarinnr og koma í veg fyrir skemmdir á öðrum íhlutum.

     

3. Þegar slitinn rafhlöðulímborði er fjarlægður af rafhlöðueiningum 1, 2, 3 eða 4 skal renna svarta teininum undir rafhlöðueiningu sem búið var að losa, eins og sýnt er og halla varlega upp lausa enda svarta teinsins til að byrja að losa límborðann.

   

   • Mikilvægt: Ef slitinn límborði er fjarlægður af rafhlöðueiningum 5 eða 6 skal stinga slétta endanum á svarta teininum inn á samþykktan stað við hliðina á rafhlöðunni þar sem límborðinn hefur þegar verið fjarlægður. Hallið rafhlöðueiningunni varlega upp svo hægt sé að renna svarta teininum undir hana til að byrja að losa límborðann.

     

4. Færið svarta teininn fram og haldið áfram að halla honum varlega upp til að losa meira af rafhlöðulímborðanum. Minnkið halla svarta teinsins eftir þörfum á meðan haldið er áfram.

   

   • Varúð: Ekki nota tölvuíhlut sem vogaraflspunkt fyrir svarta teininn.

5. Haldið áfram að halla rafhlöðueiningunni varlega upp þar til hægt er að komast undir hana. Grípið síðan um rafhlöðueininguna og lyftið henni varlega til að losa límborða rafhlöðunnar.

6. Farið undir rafhlöðueininguna til að draga handvirkt út slitna rafhlöðulímborðann ef þörf krefur.

   • Viðvörun: Ekki stinga ESD-öruggri töng, svarta teininum eða öðrum verkfærum undir rafhlöðueiningar til að fjarlægja lausa límborða.

     

7. Endurtakið skref 3 til 6 til að fjarlægja aðra slitna límborða rafhlöðu. Farið svo aftur í rafhlöðuferlið fyrir þá gerð sem verið er að gera við til að ljúka þeim sundurhlutunarskrefum rafhlöðu sem eftir eru.