Varahlutaþjónusta fyrir iPad

Íhlutirnir sem notaðir eru við viðgerð geta haft veruleg áhrif á öryggi og afköst tækisins. Varahluta- og þjónustuferill, sem finna má í stillingum í iPadOS, veitir upplýsingar um viðgerðarferil tækisins fyrir stærstu íhlutina.

Gerðir varahluta

Upprunalegir Apple-varahlutir

Upprunalegir Apple-varahlutir eru nýir varahlutir frá Apple sem hafa farið í gegnum strangt hönnunar- og prófunarferli til að uppfylla öryggis- og afkastastaðla okkar.

Hægt er að finna viðgerðaraðila sem nota upprunalega Apple-varahluti á support.apple.com/repair.

Notaðir Apple-varahlutir

Notaðir Apple-varahlutir eru upprunalegir íhlutir sem teknir hafa verið úr fyrirliggjandi tæki af sömu gerð. Notaðir Apple-varahlutir sem eru í góðu ástandi geta skilað sömu afköstum og öryggi og nýir upprunalegir Apple-varahlutir. Þar sem þessir varahlutir koma ekki frá Apple, og uppruni þeirra er ekki þekktur, geta gæði þeirra verið breytileg.

Notaðir Apple-varahlutir og viðgerðir sem gerðar eru með notuðum Apple-varahlutum falla ekki undir vöruábyrgð Apple eða AppleCare-tryggingu.

Varahlutir frá þriðju aðilum

Þriðju aðilar kunna að halda því fram að sínir varahlutir séu samhæfir við Apple-vörur. Ekki er víst að þessir varahlutir skili sömu afköstum og upprunalegir Apple-varahlutir eða notaðir Apple-varahlutir og hugsanlega kunna þeir að ógna persónuvernd eða öryggi.

Apple mun ekki gera varahlut frá þriðja aðila óvirkan nema hann hafi áhrif á öryggi og persónuvernd viðskiptavina, svo sem varahlutir sem notaðir eru við auðkenningu með lífkennum (Touch ID og Face ID). Aðrir eiginleikar þessara varahluta, svo sem myndavélar og hnappar, munu halda áfram að virka samkvæmt afkastagetu viðkomandi uppsetts íhlutar.

Varahlutir frá þriðju aðilum og viðgerðir sem gerðar eru með varahlutum frá þriðju aðilum falla ekki undir vöruábyrgð Apple eða AppleCare-tryggingu.

Stuðningur við notaða Apple-varahluti

Eftirfarandi iPad-gerðir styðja notaða Apple-varahluti fyrir upptalda íhluti.

¹ Viðvörun: Mælt er með að nota aðeins nýjar rafhlöður. Notaðar rafhlöður geta skemmst þegar þær eru fjarlægðar, sem getur valdið ofhitnun rafhlöðu, þrútnun, losun, leka eða varmatilviki. Þessi tilvik geta valdið eldsvoða, líkamstjóni, dauða, gagnatapi eða skemmdum á tækinu, íhlutum eða öðrum eignum.

² iPad (A16) skjár er með framhlífðargleri og LCD sem hægt er að skipta um.