MacBook Air (M2, 2022) Snertiborð og sveigjanlegur kapall fyrir snertiborð
Áður en hafist er handa
Viðvörun
Lesið Öryggi rafhlöðu og fylgið leiðbeiningum um vinnuumhverfi og meðhöndlun rafhlöðu áður en hafist er handa.
Fjarlægið eftirfarandi hlut áður en hafist er handa:
Verkfæri
Stillanlegur átaksmælir (10-34 Nm)
Verkfærasett til að lagfæra bil
Kapton-límband
Nemi úr næloni (svartur teinn)
Átaksmælir (blár, 0,65 kgf. cm)
Torx T3-hálfmánabiti
Torx T5-biti
Mikilvægt
Í þessu verklagi þarf nýja tengihlíf, en hún fylgir með nýju snertiborði.
Í þessu verklagi gæti þurft þynnusett fyrir snertiborð, en slíkt sett fylgir eingöngu nýju snertiborði. Þetta er ekki aðskilinn íhlutur sem hægt er að panta.
Losun
Opnið skjáinn. Leggið tölvuna á borðbrúnina með skjáinn hangandi niður.
Notið svarta teininn til að fletta sveigjanlegum kapli snertiborðsins varlega af tengihlífinni.
Varúð: Ekki skemma sveigjanlegan kapal snertiborðsins þegar honum er flett af tengihlífinni.
Setjið Torx T3 bitann á bláa átaksmælinn. Notið síðan bláa átaksmælinn og Torx T3 bitann til að fjarlægja tvær T3 skrúfur (923-07277) úr tengihlíf snertiborðsins.
Fjarlægið tengihlíf snertiborðsins og setjið hana til hliðar.
Athugið: Ef sama snertiborðið er sett í aftur skal geyma hlífina fyrir samsetningu.
Takið endann á sveigjanlegum kapli snertiborðsins úr sambandi við tengið.
Haldið utan um brúnir rafhlöðuhlífarinnar og lyftið henni frá topphulstrinu.
Notið svarta teininn til að fletta sveigjanlegum kapli snertiborðsins varlega af topphulstrinu.
- Varúð: Límið undir sveigjanlegum kapli snertiborðsins er mjög sterkt. Ekki skemma sveigjanlega kapalinn þegar honum er flett af snertiborðinu.
Setjið rafhlöðuhlífina á rafhlöðuna. Þrýstið síðan svörtu flipunum inn í klemmurnar á topphulstrinu þar til smellur finnst.
Setjið Torx T5 bitann á 10–34 Ncm stillanlega átaksmælinn. Notið síðan stillanlega átaksmælinn og Torx T5 bitann til að fjarlægja tíu T5 skrúfur (923-07258) úr snertiborðinu.
Haldið utan um brúnir rafhlöðuhlífarinnar. Lyftið henni síðan frá topphulstrinu.
Lyftið tölvunni af borðinu (1). Leiðið sveigjanlegan kapal snertiborðsins í gegnum opið á topphulstrinu (2). Látið snertiborðið liggja á sléttum fleti á borðinu til að halda þynnunum á sínum stað.
Mikilvægt: Ef þynnurnar detta úr þarf að setja þær aftur á sinn stað. Ef ekki er hægt að finna út hvar þynnurnar voru skal skipta þeim út. Aðeins er hægt að fá nýtt þynnusett með nýju snertiborði.
Setjið rafhlöðuhlífina á rafhlöðuna. Þrýstið síðan svörtu flipunum inn í klemmurnar á topphulstrinu þar til smellur finnst.
Mikilvægt: Spennið upp lásarminn á tengi fyrir sveigjanlegan kapal snertiborðsins ef kapallinn er skemmdur (1). Flettið endanum á sveigjanlega kaplinum af snertiborðinu. Takið síðan enda sveigjanlega kapalsins úr sambandi (2).
Samsetning
Mikilvægt
Ef nýr sveigjanlegur kapall er tengdur við núverandi snertiborð eða nýtt snertiborð skal ljúka samsetningarskrefi 1. Ef sama snertiborðið og sami sveigjanlegi kapall þess er sett í með nýjum þynnum skal fara í skref 2. Ef sama snertiborðið er sett í og sömu þynnurnar eru enn á sínum stað skal fara í samsetningarskref 3.
Stingið endanum á nýjum kapli snertiborðsins í samband við tengið á snertiborðinu (1). Lokið síðan lásarminum (2).
Notið ESD-örugga töng til að setja nýjar þynnur í snertiborðið. Setjið fjórar rétthyrndar þynnur á ytri skrúfugötin. Setjið síðan tvær hringlaga þynnur á skrúfugötin fyrir miðju.
Mikilvægt: Með nýju snertiborði fylgja þrjár þynnustærðir (0,075 mm, 0,125 mm og 0,175 mm). Byrjið á 0,125 mm þynnum. Notið þynnri eða þykkari þynnur til að stilla af í skrefi 21.
Haldið utan um brúnir rafhlöðuhlífarinnar og lyftið henni frá topphulstrinu.
Leiðið sveigjanlegan kapal snertiborðsins aftur í gegnum op snertiborðsins á topphulstrinu.
Leggið tölvuna gætilega ofan á snertiborðið þannig að skrúfugötin í topphulstrinu og snertiborðinu mætist. Látið skjáinn hanga fram yfir borðbrúnina.
Gangið úr skugga um að sveigjanlegur kapall snertiborðsins liggi flatur á snertiborðinu. Setjið rafhlöðuhlífina á rafhlöðuna og þrýstið svörtu flipunum inn í klemmurnar á topphulstrinu þar til smellur heyrist.
Haldið snertiborðinu á sínum stað þegar tölvunni er snúið þannig að hægri hliðin snúi upp. Setjið einn biljafnara á hvert horn snertiborðsins. Festið svo biljafnarana með Kapton-límbandi.
Látið lyklaborðshliðina snúa niður. Látið skjáinn hanga fram yfir borðbrúnina.
Setjið Torx T5 bitann á 10–34 Ncm stillanlega átaksmælinn. Notið síðan stillanlega átaksmælinn og Torx T5 bitann til að skrúfa tíu T5 skrúfur (923-07258) lauslega í snertiborðið.
Látið tölvuna standa á hlið með skjáinn áfram opinn.
Ekki taka Torx T5-bitann af 10-34 Ncm stillanlega átaksmælinum. Stillið herslugildið á 17,5 Ncm.
Notið stillanlega átaksmælinn og Torx T5 bitann til að skrúfa T5 skrúfurnar fjórar alveg í ytri hornin.
Látið tölvuna snúa með hægri hliðina upp. Leggið einn minnismiða yfir efri hluta snertiborðsins til að ganga úr skugga um að hæð efri hlutans sé rétt. Gangið úr skugga um að minnismiðinn flútti við topphulstrið.
Leggið tvo minnismiða yfir neðri hluta snertiborðsins til að ganga úr skugga um að hæð neðri hlutans sé rétt. Gangið úr skugga um að minnismiðarnir flútti við topphulstrið.
Ef snertiborðið er í réttri hæð skal fara í skref 16. Ef brúnir snertiborðsins eru hærri eða lægri en topphulstrið, eða bilið milli snertiborðsins og topphulstursins er ójafnt, skal fjarlægja minnismiðana, biljafnarana og Kapton-límbandið. Leggið tölvuna á borðbrúnina með skjáinn hangandi niður. Endurtakið sundurhlutunarskref 9 til 12. Fylgið síðan samsetningarskrefum 2 til 15.
Mikilvægt
Ef snertiborðið er hærra en topphulstrið skal setja 0,075 mm þynnurnar í.
Ef snertiborðið er lægra en topphulstrið skal setja 0,175 mm þynnurnar í.
Leggið tölvuna á borðbrúnina með skjáinn hangandi niður.
Ekki taka Torx T5-bitann af 10-34 Ncm stillanlega átaksmælinum. Gangið úr skugga um að herslugildið sé stillt á 17,5 Ncm.
Notið stillanlega átaksmælinn og Torx T5 bitann til að skrúfa T5 skrúfurnar alveg í snertiborðið.
Haldið utan um brúnir rafhlöðuhlífarinnar og lyftið henni frá topphulstrinu.
Þrýstið varlega á sveigjanlega kapalinn til að festa snertiborðið eins og sýnt er.
Mikilvægt: Ef skipt er um sveigjanlegan kapal fyrir snertiborðið skal fjarlægja límfilmuna áður en sveigjanlegi kapallinn er festur við snertiborðið.
Setjið rafhlöðuhlífina á rafhlöðuna og þrýstið svörtu flipunum inn í klemmurnar á topphulstrinu þar til smellur heyrist.
Ýtið enda sveigjanlega kapals snertiborðsins í tengið.
Komið tengihlíf snertiborðsins fyrir.
Athugið: Ef skipt er um snertiborð skal nota tengihlífina sem fylgir með nýja snertiborðinu.
Setjið Torx T3 bitann á bláa átaksmælinn. Notið síðan bláa átaksmælinn og Torx T3 bitann til að skrúfa tvær T3 skrúfur (923-07277) aftur í tengihlíf snertiborðsins.
Fjarlægið límfilmuna sem er ofan á tengihlíf snertiborðsins. Þrýstið síðan á endann á sveigjanlegum kapli snertiborðsins til að festa hann við tengihlífina.
Snúið tölvunni við. Notið sléttan enda svarta teinsins til að fjarlægja biljafnarana og Kapton-límbandið.
Setjið eftirfarandi hlut aftur á til að ljúka samsetningu: