MacBook Pro (16 tommu, 2021) Snertiborð og sveigjanlegur kapall fyrir snertiborð
Áður en hafist er handa
Viðvörun
Lesið Öryggi rafhlöðu og fylgið leiðbeiningum um vinnuumhverfi og meðhöndlun rafhlöðu áður en hafist er handa.
Fjarlægið eftirfarandi hlut áður en hafist er handa:
Verkfæri
Stillanlegur átaksmælir (10–34 Nm)
ESD-örugg flísatöng
Verkfærasett til að lagfæra bil
Kapton-límband
Nemi úr næloni (svartur teinn)
Minnismiðar (3 sinnum 3 tommur)
Torx T5-biti
Torx T5-skrúfjárn
Mikilvægt
Í þessu verklagi gæti þurft þynnusett fyrir snertiborð, en slíkt sett fylgir eingöngu nýju snertiborði. Þetta er ekki aðskilinn íhlutur sem hægt er að panta.
Losun
Opnið skjáinn í 90 gráðu horn. Leggið síðan tölvuna á borðbrúnina með skjáinn hangandi niður.
Notið T5 skrúfjárnið til að fjarlægja tíu ytri T5 skrúfurnar (923-06953).
Notið T5 skrúfjárnið til að fjarlægja þrjár innri T5 skrúfur (923-06954).
Haldið utan um brúnir rafhlöðuhlífarinnar. Lyftið henni síðan frá topphulstrinu.
Flettið sveigjanlegum kapli snertiborðsins varlega af rafhlöðunni.
Lyftið tölvunni frá borðinu og leyfið sveigjanlegum kapli snertiborðsins að fara í gegnum opið á topphulstrinu. Látið snertiborðið liggja á sléttum fleti á borðinu til að halda þynnunum á sínum stað.
Mikilvægt
Ef þynnurnar detta úr þarf að setja þær aftur á sinn stað. Ef ekki er hægt að finna út hvar þynnurnar voru skal skipta þeim út. Aðeins er hægt að fá nýtt þynnusett með nýju snertiborði.
Ekki er víst að nýtt þynnusett sé með nóg af hringlaga þynnum til að skipta út öllum fimm þynnunum. Geymið hringlaga þynnur gamla snertiborðsins til að nota við samsetningu ef þörf krefur.
Leggið tölvuna á borðbrúnina með skjáinn hangandi niður.
Setjið rafhlöðuhlífina á rafhlöðuna. Þrýstið síðan svörtu flipunum inn í klemmurnar á topphulstrinu þar til smellur finnst.
Mikilvægt: Ef sama snertiborðið er sett aftur í en sveigjanlegur kapall þess er skemmdur skal fara yfir í skrefi 9. Ef sama snertiborðið og sveigjanlegur kapall snertiborðsins er sett aftur í eða nýtt snertiborð sett í skal fara beint í samsetningu.
Spennið upp lásarminn á hlíf fyrir sveigjanlegan kapal snertiborðsins (1). Takið síðan enda sveigjanlega kapals snertiborðsins úr sambandi (2).
Samsetning
Mikilvægt
Ef sama snertiborðið er sett aftur í en skipt er um sveigjanlegan kapal þess skal ljúka skrefi 1.
Ef nýjar þynnur fyrir snertiborð eru settar í skal ljúka samsetningarskrefi 2. Annars skal fara í skref 3.
Stingið endanum á nýjum kapli snertiborðsins í samband við tengið á snertiborðinu (1). Lokið síðan lásarminum (2).
Notið ESD-örugga töng til að setja nýjar þynnur í snertiborðið. Setjið fjórar langar þynnur á ytri skrúfugötin (1). Setjið síðan fimm minni hringlaga þynnur á skrúfugötin fyrir miðju (2).
Mikilvægt
Með nýju snertiborði fylgja þrjár þynnustærðir (0,200 mm, 0,250 mm og 0,300 mm). Byrjið á 0,250 mm þynnu. Notið þynnri eða þykkari þynnur til að stilla af í skrefi 14.
Ef nýja þynnusettið er ekki með nóg af hringlaga þynnum til að skipta út öllum fimm þynnunum skal nota aftur þrjár hringlaga miðjuþynnur úr eldra snertiborðinu í þessu skrefi. Ef nýja þynnusettið inniheldur nógu margar þynnur skal setja í nýjar hringlaga þynnur í stað þeirra gömlu.
Haldið utan um brúnir rafhlöðuhlífarinnar og lyftið henni frá topphulstrinu.
Gangið úr skugga um að snertiborðið liggi flatt á borðinu og að sveigjanlegur kapall þess vísi frá ykkur.
Leiðið sveigjanlegan kapal snertiborðsins aftur í gegnum opið á topphulstrinu.
Leggið tölvuna gætilega ofan á snertiborðið þannig að skrúfugötin í topphulstrinu og snertiborðinu mætist. Látið skjáinn hanga fram yfir borðbrúnina.
Leggið sveigjanlegan kapal snertiborðsins flatan niður.
Mikilvægt: Ekki festa strax sveigjanlegan kapal snertiborðsins við rafhlöðuhlífina.
Setjið rafhlöðuhlífina á rafhlöðuna og þrýstið svörtu flipunum inn í klemmurnar á topphulstrinu þar til smellur heyrist.
Notið T5 skrúfjárnið til að skrúfa fjórar ytri T5 skrúfur (923-06953) lauslega í ytri skrúfugötin til að koma snertiborðinu fyrir á sínum stað.
Snúið tölvunni við. Setjið fjóra biljafnara í hornin á snertiborðinu. Festið biljafnarana með Kapton-límbandi.
Látið tölvuna standa á hlið með skjáinn áfram opinn. Notið síðan T5 skrúfjárnið til að herða ytri T5 skrúfurnar.
Látið tölvuna snúa með hægri hliðina upp. Leggið einn minnismiða yfir efri hluta snertiborðsins til að ganga úr skugga um að hæð efri hlutans sé rétt. Gangið úr skugga um að minnismiðinn flútti við topphulstrið.
Leggið tvo minnismiða yfir neðri hluta snertiborðsins til að ganga úr skugga um að hæð neðri hlutans sé rétt. Gangið úr skugga um að minnismiðarnir flútti við topphulstrið.
Ef snertiborðið er í réttri hæð skal fara í skref 15. Ef brúnir snertiborðsins eru hærri eða lægri en topphulstrið skal fjarlægja minnismiðana, biljafnarana og Kapton-límbandið. Leggið tölvuna á borðbrúnina með skjáinn hangandi niður. Notið T5 skrúfjárnið til að fjarlægja fjórar ytri T5 skrúfur og endurtakið sundurliðunarskref 2 til 7. Fylgið síðan samsetningarskrefum 1 til 13.
Mikilvægt
Ef snertiborðið er hærra en topphulstrið skal setja 0,200 mm þynnurnar í.
Ef snertiborðið er lægra en topphulstrið skal setja 0,300 mm þynnurnar í.
Leggið tölvuna á borðbrúnina með skjáinn hangandi niður.
Setjið Torx T5 bitann á 10–34 Ncm stillanlega átaksmælinn. Stillið herslugildið á 16 Ncm.
Notið stillanlega átaksmælinn og T5 bitann til að skrúfa eftirstandandi sex ytri T5 skrúfur (923-06953) lauslega í.
Notið stillanlega átaksmælinn og T5 bitann til að skrúfa þrjár innri T5 skrúfur (923-06954) lauslega í.
Notið stillanlega átaksmælinn og T5 bitann til að herða allar 13 skrúfurnar um 16 Ncm. Snúið skrúfurnar þar til smellur í stillanlega átaksmælinum.
Haldið utan um brúnir rafhlöðuhlífarinnar og lyftið henni frá topphulstrinu.
Þrýstið varlega á sveigjanlega kapal snertiborðsins til að festa hann við rafhlöðuna.
Mikilvægt: Ef skipt er um sveigjanlegan kapal snertiborðsins skal fjarlægja límfilmuna áður en sveigjanlegi kapallinn er festur við rafhlöðuna.
Setjið rafhlöðuhlífina á rafhlöðuna og þrýstið svörtu flipunum inn í klemmurnar á topphulstrinu þar til smellur heyrist.
Snúið tölvunni við. Notið síðan sléttan enda svarta teinsins til að fjarlægja biljafnarana og Kapton-límbandið.
Setjið eftirfarandi hlut aftur á til að ljúka samsetningu: